2 Korintobi 7:7 - Somi He Ɔ

⁷ Se pi e bami ɔ kɛkɛ, se mohu bua womi nɛ e na kɛ je nyɛ ngɔ ɔ hulɔ, ejakaa e ba bɔ wɔ bɔ nɛ nyɛ ngɛ hlae nɛ nyɛ maa na mi, kɛ nyɛ kɔmɔ yemi ɔ, kɛ ye he mɔde nɛ nyɛ ngɛ bɔe ɔ, enɛ ɔ he ɔ i na bua jɔmi babauu pe keklee ɔ.

BAIBLO ALOO NGMAMI KLƆUKLƆU Ɔ

⁷ Pi e bami ɔ kɛkɛ nɛ ha nɛ wa nɔ gbagba te ɔ, se amaniɛ nɛ e ba bɔ wɔ nɛ tsɔɔ bɔ nɛ nyɛ hu nyɛ wo lɛ he wami ngɛ lejɛ ɔ piɛ he. E bɔ wɔ bɔ nɛ nyɛ suɔ kaa nyɛ maa na mi ekohu, bɔ nɛ nyɛ hao ngɛ nɔ́ nɛ ba a he, kɛ bɔ nɛ nyɛ pee klaalo nɛ nyɛ ma fa ye he. Enɛ ɔ ha nɛ i na bua jɔmi kulaa pe kekle ɔ.

2 Korintobi 7:7 ပူးပေါင်းရင်းမြစ်များ

Yuda 1:3

Mamimɛ, akɛnɛ i ngɛ mɔde bɔe nitsɛ nɛ ma ngma nyɛ wɔ tsuo wa yi wami hemi ɔ he sane ɔ he je ɔ, i na kaa e sa nɛ ma ngma nɛ ma kɛ wo nyɛ he wami konɛ nyɛɛ plee hemi kɛ yemi nɛ a tu ngɔ wo klɔuklɔu bi ɔmɛ a dɛ mi si kake nyɔngloo ɔ he.

2 Korintobi 5:2

Ejakaa anɔkuale mi ɔ, wa laa zanue tete ngɛ enɛ ɔ mi, nɛ wa hɛ jaa kaa a ngɔ wa tsu nɛ je hiɔwe ɔ ngɔ wo wɔ,

2 Yohane 1:4

I na bua jɔmi babauu kaa i na o bimɛ ɔmɛ a ti ni komɛ kaa a nyɛɛ anɔkuale ɔ mi, kaa bɔ nɛ Tsɛ ɔ wo wɔ kita a.

Yakobo 5:17

Elia ji nɔmlɔ adesa kaa wɔ nɔuu, nɛ e sɔle sɔlemi ko konɛ hiɔmi ko nɛ, nɛ e nɛ́ ngɛ zugba a nɔ jeha etɛ kɛ hlami ekpa sɔuu.

Hebribi 2:1

Lɔ ɔ he ɔ e sa kaa waa pɛtɛ nihi nɛ wa nu ɔmɛ a he wawɛɛ konɛ wa ko tsɔ kɛ je he.

1 Tesalonikabi 3:8

Jehanɛ wa na he wami he, akɛnɛ nyɛ daa si ngɛ Nyɔmtsɛ ɔ mi ɔ.

1 Tesalonikabi 3:6

Se jehanɛ nɛ Timoteo je nyɛ ngɔ ba wa ngɔ nɛ e ba bɔ wɔ nyɛ hemi kɛ yemi ɔ kɛ nyɛ suɔmi kɛ kaimi kpakpa nɛ nyɛɛ kɛ kaii wɔ daa a, kɛ nyɛ hɛ̃ nɛ ngɛ jae kaa nyɛ ma na wɔ kaa bɔ nɛ wɔ hu wa hɛ̃ jaa ngɛ nyɛ he ɔ,

Kolosebi 2:5

Ejakaa ke i kɛ nyɛ be ngɛ he lo blɔfami hu, mumi blɔfami ɔ, i kɛ nyɛ ngɛ, nɛ ye bua jɔɔ, nɛ i naa nyɛ blɔ nya tomi kɛ si fimi nɛ nyɛɛ kɛ daa si ngɛ Kristo nɔ hemi kɛ yemi mi ɔ.

Filipibi 1:20

ngɛ ye blɔ hyemi kɛ hɛ kɛ nɔ fɔmi ɔ nya, kaa zo be mi gbee ngɛ nɔ́ ko nɔ́ ko mi, se mohu, bɔ nɛ a peɔ daa a, jã jehanɛ hu a kɛ kã tsuo maa wo Kristo hɛ mi nyami ngɛ ye nɔmlɔ tso mi, ngɛ wami mi jio, gbenɔ mi jio.

2 Korintobi 8:16

Se sina ha Mawu, nɔ nɛ ngɔ nyɛ he mɔde bɔmi nɛ ɔ ngɔ wo Tito tsui mi ɔ.

2 Korintobi 2:9

ejakaa enɛ ɔ he hulɔ nɛ i ngma nyɛ womi ɔ nɛ, konɛ ma kɛ ka nyɛ kaa nyɛ buɔ tue ngɛ nihi kulaa mi lo?

2 Korintobi 1:14

Kaa bɔ nɛ nyɛ na le wɔ hulɔ fa kɛ fa, kaa nyɛ fiami nɔ́ ji wɔ, kaa bɔ nɛ nyɛ hu nyɛ ji wa nɔ́ ngɛ Nyɔmtsɛ Yesu ligbi ɔ nɔ ɔ.

Romabi 1:12

Lɔ ɔ ji kaa, konɛ a wo i kɛ nyɛ tsuo he wami ngɛ hemi kɛ yemi nɛ ngɛ i kɛ nyɛ tsuo wa mi ɔ mi.

Ni Tsumi 11:23

Nɛ benɛ e su lejɛ ɔ nɛ e ba na Mawu dloomi ɔ, e bua jɔ e he, nɛ e tu munyu tsɔɔ mɛ tsuo ke a kɛ tsui nɛ fi si nɛ pɛtɛ Nyɔmtsɛ ɔ he.

Luka 22:44

Nɛ benɛ e he ngɛ lɛ hiae ɔ, e ha e sɔlemi ɔ mi wa. Nɛ e he latsa plɛ kaa muɔloku nɛ ngɛ tslee kɛ ngɛ si puee.]

Mateo 26:75

Nɛ Petro kai Yesu munyu nɛ e tu lɛ ke: “Loko kungwɔ ma kpa nɔ ɔ, o ma kpa ngɛ ye se si etɛ” ɔ. Nɛ e je kpo ya fo ya wawɛɛ.

Mateo 5:4

“A gbaa ninɛmɛ nɛ yeɔ kɔmɔ ɔ: se Mawu maa jɔɔ a bua.

1 Korintobi 5:2

Se nyɛɛ lɛɛ, mɛni he je nyɛ woɔ nyɛ he? Sa nɛ nyɛɛ ye kɔmɔ benɛ pee nɛ a je nɔ nɛ tsu kikɛmɛ a ni nɛ ɔmɛ kɛ je nyɛ kpɛti.

2 Korintobi 1:4

nɔ nɛ jɔɔ wa bua ngɛ wa nɔ nami ɔmɛ kulaa mi, konɛ wɔ hu wa nyɛ nɛ waa kɛ bua womi nɛ Mawu kɛ woɔ wa bua a nɛ wo nihi nɛ naa amanehlu tsuaa amanehlu ɔmɛ a bua.

2 Korintobi 7:6

Se Mawu, nɔ nɛ jɔɔ nihi nɛ baa a he si ɔmɛ a bua a, e kɛ Tito bami ɔ jɔɔ wa bua.

2 Korintobi 7:8

Ke ye womi ɔ ha nɔ́ ko dɔ nyɛ po ɔ, kɛ̃ ɔ i pia we ye he. E dɔ mi kɛ̃, ejakaa jamɛ a womi ɔ dɔ nyɛ mohu, se be kpiti kɛkɛ e dɔ nyɛ.