2 Korintobi 3:5 - Somi He Ɔ

⁵ pi kaa wɔ nitsɛmɛ ɔ wa sa nɛ wa susu kaa nɔ ko je wɔ nitsɛmɛ wa mi, se wa sami ɔ Mawu mi nɛ e je;

BAIBLO ALOO NGMAMI KLƆUKLƆU Ɔ

⁵ Ní tsumi nɛ ɔ, wa be dee ke wɔ nitsɛmɛ wa ngɛ he wami nɛ wa ma nyɛ tsu. He wami nɛ wa ngɛ ɔ, Mawu lɛ ha wɔ.

2 Korintobi 3:5 ပူးပေါင်းရင်းမြစ်များ

2 Korintobi 12:9

nɛ e de mi ke: “Ye dloomi ɔ hiɛ ha mo, ejakaa ye he wami ɔ gbedee peemi mi e pii si ngɛ.” Lɔ ɔ he ɔ, i suɔ saminya kaa ma fia ngɔ fɔ ye gbɔlemi ɔmɛ a nɔ mohu, konɛ Kristo he wami ɔ nɛ bu ye he.

Filipibi 4:13

I nyɛɔ nihi kulaa peɔ ngɛ kristo, nɔ nɛ woɔ ni he wami ɔ mi.

1 Korintobi 15:10

Se Mawu dloomi nya i kɛ ji nɔ nɛ i ji nɛ ɔ nɛ, nɛ e dloomi nɛ e kɛ dloomi ɔ pee we yaka; se mohu, i tsu ni wawɛɛ pe mɛ tsuo pɛpɛɛpɛ, se pi imi tete, se mohu Mawu dloomi nɛ kɛ mi ngɛ ɔ.

Filipibi 2:13

ejakaa suɔmi nɛ a maa suɔ jio, peemi nɛ a maa pee jio, Mawu ji nɔ nɛ tsuɔ lɛ tsuo ngɛ nyɛ mi ngɛ e suɔmi nya.

Yohane 15:5

“Imi ji wai tsɔ ɔ, nyɛ ji kɔni ɔmɛ. Nɔ nɛ hii ye mi nɛ imi hu i hii e mi ɔ, lɛ nɔuu lɛ e woɔ yiblii fuu; ejakaa ke pi imi ɔ, lɛɛ nyɛ be nɔ ko nyɛe maa pee.

Yakobo 1:17

Dloomi ni kpakpahi kulaa kɛ nike ni nɛ hi kɛ pi si kulaa a, hiɔwe e jee kɛ kpleɔ si, kɛ jee Mawu nɛ ji lahi a tsɛ ɔ ngɔ, nɔ nɛ mi nɛ su tsakemi kɛ plɛmi ko be ɔ.

1 Korintobi 3:6

Imi lɛɛ i ma; Apolo pue nɔ nyu; se Mawu ha e wa.

Luka 21:15

ejakaa ma ha nyɛ nya kɛ ni lemi nɛ nyɛ henyɛli ɔmɛ tsuo be nya nyɛe maa da, nɛ a be nya nyɛe maa ku hulɔ.

2 Korintobi 4:7

Se wa hɛɛ kikɛmɛ a juetli nɛ ɔ ngɛ zu buɛhi a mi, konɛ he wami nɛ hiɛ kɛ be nɔ ɔ nɛ pee Mawu nɔ́, se pi wa nɔ́.

1 Korintobi 3:10

Mawu dloomi nɛ e kɛ dloo mi ɔ nya a, i to tsu ɔ sisi kaa tsu fialɔ galɔ ko, se nɔ kpa lɛ fia nɔ. Se nɔ tsuaa nɔ nɛ hyɛ bɔ nɛ e ngɛ nɔ fiae ha a konɛ e hi.

2 Korintobi 2:16

ni nɛ ɔmɛ ɔ, wa ji gbenɔ via ha mɛ kɛ yaa gbenɔ mi, se ni kpa amɛ ɔ, wa ji wami via ha mɛ kɛ yaa wami mi. Nɛ mɛnɔ lɛ sa ha enɛ ɔmɛ?

Luka 24:49

Nɛ oʼɛ, i ngɛ hae nɛ Tsaatsɛ si womi ɔ nɛ ba nyɛ nɔ; lɔ ɔ he ɔ nyɛɛ hi si ngɛ Yerusalem ma a mi kɛ ya su be nɛ a maa je hiɔwe ba wo nyɛ he wami.”

Romabi 15:18

Ejakaa i be kae kaa ma de nɔ́ ko kaa ja nɔ́ nɛ Kristo gu ye nɔ tsu ngɔ ha majeli ɔmɛ a tue bumi, ngɛ munyu kɛ ni peemi nihi a mi,

2 Timoteo 2:2

Nihi nɛ o nu ngɛ ye nya ngɛ odasefohi fuu a nya a, kɔlɔ ɔ nɔuu o tu ngɔ wo nimli anɔkualetsɛmɛ a dɛ, nihi nɛ ngɛ he wami nɛ a ma kɛ tsɔɔ ni kpahi hulɔ.