2 Korintobi 3:1 - Somi He Ɔ

¹ Anɛ pe wa kpale ngɛ wa he yi jee? Aloo e hia kaa wa hɛɛ yi jemi womi, kaa bɔ nɛ ni komɛ hɛɛ kɛ ba haa nyɛ loo kɛ jee nyɛ ngɔ ɔ lo?

BAIBLO ALOO NGMAMI KLƆUKLƆU Ɔ

¹ Ke wa de jã a, anɛ lɔ ɔ tsɔɔ kaa wa ngɛ wɔ nitsɛmɛ wa yi jee ekohu lo? Anɛ yi jemi womi nɛ ni kpahi maa ngma kɛ ba je wa yi ha nyɛ, aloo nɔ́ nɛ nyɛ maa ngma kɛ ya je wa yi ha ni kpahi he hia wɔ lo? Dɛbi!

2 Korintobi 3:1 ပူးပေါင်းရင်းမြစ်များ

2 Korintobi 12:11

I ye kuasiahi a sane kɛ fiami nɛ ɔ; nyɛ lɛ nyɛ nyɛ ye nɔ kikɛ nɛ ɔ nɛ. Ejakaa sa nɛ nyɛ mohu lɛ nyɛ jeɔ ye yi; ejakaa e piɛ́ mi nɔ́ ko nɔ́ ko nɛ i kɛ bɔfo ngua amɛ nɛ sɔ, pohu i pi nɔ ko tete.

2 Korintobi 10:12

Wa kɛ́ kaa wa maa bu wa he ngɔ si ni komɛ a nɔ, aloo waa kɛ wa he maa to ni komɛ nɛ jeɔ mɛ nitsɛmɛ a he yi ɔmɛ a he; mɛɛ lɛɛ, akɛnɛ a kɛ mɛ nitsɛmɛ a he kaleɔ mɛ nitsɛmɛ a he, nɛ a kɛ mɛ nitsɛmɛ a he toɔ mɛ nitsɛmɛ a he he je ɔ, a be juɛmi.

2 Korintobi 5:12

Tsa pi wɔ nitsɛmɛ wa yi nɛ wa ngɛ jee kɛ ngɛ nyɛ hae ekohu, se mohu waa kɛ ngɛ nyɛ blɔ hae konɛ nyɛ kɛ fia ngɔ fɔ wa nɔ, konɛ nyɛ na eko nɛ nyɛ kɛ de ninɛmɛ nɛ fiaa ngɛ hɛ mi se pi tsui mi ɔ.

Ni Tsumi 18:27

Benɛ Apolo susu kaa e maa po mi kɛ ya Akaia a, nyɛmimɛ ɔmɛ na kã nɛ a ngma womi ya ha kaseli ɔmɛ kɛ wo mɛ ga ke a he lɛ hɛmuɔ. Benɛ e ba lejɛ ɔ, e ye bua nihi nɛ gu dloomi ɔ nɔ he ye ɔ babauu.

1 Korintobi 16:3

Nɛ ke i ba a, ma tsɔ nihi nɛ nyɛ buu kaa a sa kɛ womi nɛ a hɛɛ nyɛ nike ni ɔmɛ kɛ ya Yerusalem.

2 Korintobi 12:19

Nyɛ susuu kaa wa nya sɔuu wa ngɛ jee kɛ ngɛ nyɛ hae nɛ ɔ lo? Pi ja, Mawu hɛ mi wa ngɛ dee ngɛ, ngɛ Kristo mi, se, mamimɛ, ni nɛ ɔmɛ kulaa a, nyɛ nane si numi he je nɛ wa ngɛ dee.

2 Korintobi 10:8

Ejakaa ke fiami po ma fia kɛ be nɔ ngɛ he blɔ nɛ Nyɔmtsɛ ɔ ngɔ ha wɔ nɛ wa kɛ ha nyɛ nane nɛ nu si nɛ pi kaa waa kɛ ma kpata nyɛ hɛ mi po he ɔ, zo be mi gbee,—

2 Korintobi 2:17

Ejakaa wa be kaa ni komɛ nɛ juaa Mawu munyu ɔ, se mohu wa tuɔ lɛ ngmingmiingmi bɔ nɛ e je Mawu mi ɔ ngɛ Mawu hɛ mi, ngɛ Kristo mi.

1 Korintobi 10:33

kaa bɔ nɛ imi hu i suɔ kaa nihi kulaa mi ɔ ma sa nihi kulaa a hɛ mi, nɛ i hla we nɔ́ nɛ hi ha imi nitsɛ ye he, se mohu nɔ́ nɛ hi ha nihi fuu, konɛ a he a yiwami.

1 Korintobi 4:15

Ejakaa ke nyɛ ngɛ nɔ hyɛli akpe-nyɔngma tete ngɛ Kristo mi ɔ, kɛ ɔ pi tsɛmɛ fuu nɛ nyɛ ngɛ. Ejakaa i gu Sane Kpakpa a nɔ kɛ fɔ nyɛ ngɛ Kristo Yesu mi.

1 Korintobi 3:10

Mawu dloomi nɛ e kɛ dloo mi ɔ nya a, i to tsu ɔ sisi kaa tsu fialɔ galɔ ko, se nɔ kpa lɛ fia nɔ. Se nɔ tsuaa nɔ nɛ hyɛ bɔ nɛ e ngɛ nɔ fiae ha a konɛ e hi.

Romabi 16:1

I ngɛ wa nyɛmi yo Foibe nɛ ji Kenkrea asafo ɔ sɔmɔlɔ ɔ yi jee kɛ ngɛ nyɛ hae,

2 Korintobi 10:18

Ejakaa pi nɔ nɛ jeɔ e he yi ɔ ji nɔ nɛ sa, se mohu nɔ nɛ Nyɔmtsɛ ɔ jeɔ e yi ɔ.