2 Korintobi 2:3 - Somi He Ɔ

³ Enɛ ɔ he je nɛ i ngma nyɛ enɛ ɔ, konɛ, ke i ba a, ma ko ba ye kɔmɔ ngɛ nihi nɛ jinɛ sa kaa i naa a he bua jɔmi ɔmɛ a he, ejakaa ye hɛ ngɛ nyɛ tsuo nyɛ nɔ kaa ye bua jɔmi ji nyɛ tsuo nyɛ bua jɔmi.

BAIBLO ALOO NGMAMI KLƆUKLƆU Ɔ

³ Enɛ ɔ he nɛ i ngma nyɛ womi ɔ nɛ. I sume kaa ke i ba nyɛ ngɔ ɔ, nihi nɛ ma ha mi bua jɔmi ɔ, ma ha nɛ mɛ mohu a ní nɛ pee mɔbɔ. Ejakaa i le kaa ke ye bua jɔ kɛkɛ nyɛ tsuo nyɛ bua jɔ.

2 Korintobi 2:3 ပူးပေါင်းရင်းမြစ်များ

1 Korintobi 4:21

Kɛ nyɛ ngɛ lɛ hlae kɛɛ? Ma hɛɛ tso kɛ ba nyɛ ngɔ, aloo ma ba ngɛ suɔmi kɛ mi mi jɔmi mumi mi?

2 Korintobi 1:15

Kikɛmɛ a hɛ kɛ nɔ fɔmi nɛ ɔ he je nɛ i to ye yi mi kaa ma ba nyɛ ngɔ kekle ɔ nɛ, konɛ nyɛ na dloomi si enyɔ.

2 Korintobi 1:23

Se imi lɛɛ i ngɛ Mawu tsɛe nɛ ba ye ye klaa he odase kaa yɛ yi baami he je nɛ i na we ma ba Korinto ɔ nɛ.

2 Korintobi 12:11

I ye kuasiahi a sane kɛ fiami nɛ ɔ; nyɛ lɛ nyɛ nyɛ ye nɔ kikɛ nɛ ɔ nɛ. Ejakaa sa nɛ nyɛ mohu lɛ nyɛ jeɔ ye yi; ejakaa e piɛ́ mi nɔ́ ko nɔ́ ko nɛ i kɛ bɔfo ngua amɛ nɛ sɔ, pohu i pi nɔ ko tete.

2 Korintobi 12:21

I ngɛ gbeye yee kaa ke i ba a, ye Mawu ɔ maa ba mi si ekohu ngɛ nyɛ he, nɛ ma ye kɔmɔ ha nihi nɛ pee yayami sa nɛ a tsakee we a tsui ɔmɛ a ti nihi fuu, ngɛ a mu nihi kɛ ajuama bɔmi kɛ ya homi ɔ he.

2 Korintobi 13:10

Kɔlɔ ɔ he hu nɛ i ngma enɛ ɔ benɛ i be nyɛ ngɔ ɔ nɛ, konɛ ke i ba nyɛ ngɔ ɔ, i kɛ nyɛ ko ye wawɛɛ ngɛ he blɔ nɛ Nyɔmtsɛ ɔ ha mi ngɛ dlami se pi puemi he ɔ nya.

2 Korintobi 2:9

ejakaa enɛ ɔ he hulɔ nɛ i ngma nyɛ womi ɔ nɛ, konɛ ma kɛ ka nyɛ kaa nyɛ buɔ tue ngɛ nihi kulaa mi lo?

2 Korintobi 7:12

Lɔ ɔ he ɔ, ke i ngma nyɛ tete po ɔ, tsa pi nɔ nɛ tɔ ɔ he je, jehanɛ hu tsa pi nɔ nɛ a tɔ e nɔ ɔ he je, se mohu benɛ pee nɛ wa he mɔde nɛ nyɛ ngɛ bɔe ɔ nɛ je kpo paa ha nyɛ ngɛ Mawu hɛ mi.

2 Korintobi 7:16

I na bua jɔmi kaa ma nyɛ ma ngɔ ye he ngɔ fɔ nyɛ nɔ kulaa ngɛ nɔ́ tsuaa nɔ́ mi.

2 Korintobi 7:6

Se Mawu, nɔ nɛ jɔɔ nihi nɛ baa a he si ɔmɛ a bua a, e kɛ Tito bami ɔ jɔɔ wa bua.

2 Korintobi 7:8

Ke ye womi ɔ ha nɔ́ ko dɔ nyɛ po ɔ, kɛ̃ ɔ i pia we ye he. E dɔ mi kɛ̃, ejakaa jamɛ a womi ɔ dɔ nyɛ mohu, se be kpiti kɛkɛ e dɔ nyɛ.

2 Korintobi 8:22

Lɔ ɔ he ɔ wa tsɔ wa nyɛmi ɔ hu kɛ piɛ a he, nɔ nɛ wa ka lɛ si abɔ ngɛ nihi fuu mi, nɛ wa na kaa e bɔɔ mɔde, se jehanɛ e ngɛ mɔde bɔe pe kekle ɔ ngɛ e hɛ nɛ e kɛ fɔɔ nyɛ nɔ fuu ɔ he,

Galatabi 5:10

Imi lɛɛ i ngɔ ye hɛ ngɔ fɔ nyɛ nɔ ngɛ Nyɔmtsɛ ɔ mi, kaa nyɛ be juɛmi kpa ko juɛe, se nɔ nɛ ngɛ nyɛ puee ɔ, nɔ tsuaa nɔ nɛ e ji ɔ, e musu maa tloo lɛ.

2 Tesalonikabi 3:4

Se wa hɛ ngɛ nyɛ nɔ ngɛ Nyɔmtsɛ ɔ mi kaa, nihi nɛ wa wo nyɛ he kita a, nyɛ ngɛ pee nɛ nyɛ maa pee hulɔ.

Filemon 1:21

Akɛnɛ ye hɛ ngɛ o nɔ kaa o maa bu mi tue he je nɛ i ngma mo nɛ ɔ nɛ, ejakaa i le kaa o maa pee pe bɔ nɛ i de mo nɛ ɔ tete.