2 Korintobi 2:12 - Somi He Ɔ

¹² Bene i ba Troa ngɛ Kristo sane kpakpa a he nɛ ya bli sinya ha mi ngɛ Nyɔmtsɛ ɔ mi ɔ,

BAIBLO ALOO NGMAMI KLƆUKLƆU Ɔ

¹² Benɛ i ba Troya nɛ ma ba fiɛ sane kpakpa a nɛ kɔɔ Kristo he ɔ, i na kaa Nyɔmtsɛ ɔ dla blɔ ngɔ to mi nɛ ma tsu ní ngɛ lejɛ ɔ.

2 Korintobi 2:12 ပူးပေါင်းရင်းမြစ်များ

Ni Tsumi 16:8

Kɛkɛ nɛ a gu Misia nɛ a ba Troia.

Ni Tsumi 14:27

Benɛ a ba lejɛ ɔ nɛ a ba bua asafo ɔ nya a, a sɛɛ mɛ nihi nɛ Mawu kɛ mɛ ya tsu ɔ kulaa, kɛ bɔ nɛ e bli blɔ ngɔ ha majeli ɔmɛ.

Kolosebi 4:3

nɛ jehanɛ snyɛɛ sɔle ha wɔ hulɔ, konɛ Mawu nɛ bli munyu ɔ sinya a ha wɔ nɛ wa kɛ fiɛ Kristo laami sane ɔ, nɔ́ he nɛ i fɔɔ si ngɛ kpa mi nɛ ɔ,

1 Korintobi 16:9

Ejakaa a bli sinya kpetekpleenyɛ nya ha mi, kɛ ha ni tsumi fuu nɛ maa wo yiblii, se ninɛmɛ nɛ kuɔ nya a hu hiɛ.

Romabi 1:1

Womi nɛ ɔ je Paulo, nɛ ji Yesu Kristo sɔmɔlɔ kɛ bɔfo nɛ a tsɛ lɛ nɛ a je lɛ ngɔ to kɛ ha Sane Kpakpa a fiɛmi ɔ ngɔ.

Ni Tsumi 20:8

A su kane fuu ngɛ hiɔwe tsu ɔ mi he nɛ a kpane a he nya ngɛ ɔ.

Ni Tsumi 16:11

Lɔ ɔ he ɔ wa hia kɛ lɛ kɛ je Troia nɛ wa nyɛɛ tɛ̃ɛ kɛ ya Samotrake, nɛ e nɔ je na a wa ba Neapoli.

1 Korintobi 9:12

Jehanɛ hu ke ni kpahi ngɛ kikɛmɛ a he blɔ ngɛ nyɛ nɔ ɔ, anɛ pi wɔ mohu nɛ wa ngɛ pe mɛ po lo? Se kɛ ɔ, wa pee we kikɛmɛ a he blɔ nɛ ɔ he nɔ ko, se mohu wa to wa tsui si ngɛ nɔ tsuaa nɔ mi, konɛ wa ko tsi Kristo Sane Kpakpa a blɔ?

1 Korintobi 9:14

Jã nɔuu kɛ Nyɔmtsɛ ɔ to kaa ninɛmɛ nɛ jajeɔ Sane Kpakpa a, a ye sane kpakpa a he ni.

1 Korintobi 9:16

Ejakaa ke i jaje sane kpakpa a po hu ɔ, e pee we mi fiami; ejakaa a ngɔ fi ye nɔ kaa ma jaje, ejakaa ke i jaje we sane kpakpa a, kusiɛ ha mi!

2 Korintobi 4:3

Se ke pe a ha wa Sane Kpakpa a nɔ tete po ɔ, nihi nɛ a hɛ mi ngɛ kpatae ɔmɛ a mi kɛkɛ a ha nɔ ngɛ,

2 Korintobi 4:4

nihi a mi nɛ je nɛ ɔ mi mawu ɔ yu nihi nɛ he we yi ɔmɛ a hɛngmɛ ngɛ, konɛ Kristo, nɛ ji Mawu subai ɔ, hɛ mi nyami ɔ sane kpakpa a la nɛ ngɛ tsoe ɔ nɛ ko kpɛ ha mɛ.

2 Korintobi 8:18

Nyɛmi nɛ wa tsɔ piɛ e he nɛ ɔ, ngɛ yi jemi ngɛ Sane Kpakpa a he ngɛ asafo ɔmɛ kulaa mi.

2 Korintobi 9:13

Ejakaa kikɛmɛ a sɔmɔmi nɛ ɔ mi yiblii he ɔ, a woɔ Mawu hɛ mi nyami ngɛ tue bumi nɛ nyɛɛ kɛ jajeɔ Kristo sane kpakpa a kɛ huɛ bɔmi klɔuu nɛ nyɛɛ kɛ mɛ kɛ nihi kulaa bɔɔ ɔ he.

2 Korintobi 10:14

Ejakaa wa kpã we wa mi tsɔ kaa nihi nɛ sui nyɛ ngɔ, ejakaa waa kɛ Kristo sane kpakpa a su nyɛ ngɔ hulɔ.

2 Korintobi 11:4

Ejakaa ke nɔ nɛ ma a ba fiɛɛ yesu kpã nɛ wa fiɛ we, aloo mumi kpa ko nɛ nyɛ na we sa, aloo sane kpakpa kpã ko nɛ nyɛ he we ɔ, nyɛ heɔ lɛ saminya.

2 Korintobi 11:7

Aloo blɔɔ, nɛ i ba ye he si konɛ a wo nyɛ nɔ, nɛ i fiɛ Mawu sane kpakpa a ngɔ tsɔɔ nyɛ yaka a, i pee yayami lo?

1 Tesalonikabi 3:2

nɛ wa tsɔ wa nyɛmi Timoteo, nɛ ji Mawu sɔmɔlɔ kɛ wa huɛ ni tsulɔ ngɛ Kristo sane kpakpa a mi ɔ, konɛ e ba wo nyɛ he wami nɛ e ha nyɛ fi si ngɛ nyɛ hemi kɛ yemi ɔ mi,