2 Korintobi 13:4 - Somi He Ɔ

⁴ ejakaa gbedemi he a sɛu lɛ ɔ nɛ, se kɛ̃ ɔ Mawu he wami nya a, e hɛ ngɛ; nɛ wɔ hu wa gbɔleɔ ngɛ e mi; se Mawu he wami nɛ ngɛ ha nyɛ ɔ nya a, waa kɛ lɛ hɛ maa hi ngmengmle.

BAIBLO ALOO NGMAMI KLƆUKLƆU Ɔ

⁴ E ngɛ mi kaa benɛ a sɛu Kristo ɔ, e gbɔjɔ lɛɛ, se Mawu he wami ɔ nya a, e ba wami mi ekohu. Wɔ hu akɛnɛ waa kɛ Kristo pee kake ɔ, waa gbɔjɔɔ, se Mawu he wami nya a, wa ma nyɛ ma tsu nɔ́ nɛ sa nɛ waa kɛ nyɛ nɛ tsu ɔ.

2 Korintobi 13:4 ပူးပေါင်းရင်းမြစ်များ

1 Petro 3:18

Ejakaa Kristo nitsɛ hu na amanehlu si kake nyɔngloo ngɛ yayamihi a he, lɛ dalɔ ɔ, ngɛ nihi nɛ dɛ ɔmɛ a nane mi, konɛ e kɛ wɔ nɛ ya Mawu ngɔ. A gbe lɛ ngɛ he lo blɔfami mohu, se a ha lɛ wami ngɛ mumi blɔfami.

Romabi 6:4

Lɔ ɔ he ɔ, a kɛ baptisimi nɛ a baptisi wɔ ngɔ wo e gbenɔ ɔ mi ɔ pu waa kɛ lɛ tsuo, konɛ kaa bɔ nɛ a tle Yesu si kɛ je gbeje ngɛ Tsɛ ɔ hɛ mi nyɛmi nya a, ja nɔuu kɛ wɔ hu waa nyɛɛ ngɛ wami nɛ plɛ ehe mi.

Hebribi 5:7

Ngɛ Yesu he lo be ɔmɛ a mi ɔ, e ngɔ sɔlemi kɛ pɛɛ kpami nɛ ngmlaa kpami nɛ nya wa kɛ vo nyu piɛ he sa bɔ ha nɔ nɛ ngɛ he wami nɛ e kɛ ma he lɛ kɛ je gbenɔ mi ɔ, nɛ a bu lɛ tue hulɔ, ejakaa e buu Mawu.

1 Korintobi 15:43

a duɔ lɛ ngɛ nɔ́ nɛ be nyami mi, a tleɔ lɛ si ngɛ nyami mi; a duɔ lɛ ngɛ gbɔlemi mi, a tleɔ lɛ si ngɛ he wami mi.

1 Korintobi 2:3

Nɛ i kɛ nyɛ hi si ngɛ gbɔjɔmi kɛ gbeyeyemi kɛ hedomi babauu mi;

Filipibi 3:10

nɛ ma le lɛ kɛ e si temi ɔ he wami ɔ kɛ e manehlu ɔmɛ a mi huɛ bɔmi ɔ, nɛ ma pee kaa lɛ ngɛ e gbenɔ ɔ blɔfami,

Romabi 14:9

Ejakaa enɛ ɔ he je nɛ Kristo gbo nɛ e te si nɛ e hɛ ngɛ benɛ pee nɛ e plɛ ni gbogboehi kɛ ninɛmɛ nɛ a hɛ ngɛ kulaa a Nyɔmtsɛ.

Yohane 10:18

Nɔ ko kpɔ we ngɛ ye dɛ, se mohu imi nitsɛ lɛ i ngɔ fɔɔ si. I ngɛ he wami kaa i kɛ haa, nɛ i ngɛ he wami kaa i ngɔɔ ekohu; bɔ nɛ Tsaatsɛ de mi ji nɛ ɔ nɛ.”

Romabi 1:4

nɔ nɛ ngɛ he tsɔmi mumi ɔ nya a, a gu ni gbogboehi a si temi nɔ je lɛ tsɔɔ ngɛ he wami mi kaa Mawu bi, Yesu Kristo, wa Nyɔmtsɛ ɔ.

Ni Tsumi 2:36

“Lɔ ɔ he ɔ, ha Israel we ɔ kulaa nɛ le tutuutu kaa Mawu ngɔ kikɛmɛ a Yesu nɛ nyɛ sɛu lɛ nɛ ɔ ngɔ pee Nyɔmtsɛ kɛ Kristo tsuo.”

1 Petro 3:22

nɔ nɛ ho hiɔwe ya nɛ e hii si ngɛ Mawu hiɛ ɔ nɔ nɛ a ngɔ hiɔwe bɔfohi kɛ he blɔhi kɛ he wamihi ngɔ wo e sisi ɔ.

2 Korintobi 10:10

Ejakaa a deɔ ke: “E womi ɔmɛ a mi munyu ɔmɛ jiɔ, nɛ a mi wa mohu, se ke lɛ nɔmlɔ ɔ nitsɛ e ngɛ hiɛ ɔ ɔ, lɔ ɔ lɛɛ e he wɛ́, nɛ e munyu ɔ he be akɔnɔ ko.”

Ni Tsumi 3:16

Nɛ e biɛ ɔ nɔ hemi kɛ yemi nya nɛ a tsa nɔ nɛ ɔ nɛ nyɛ ngɛ hyɛe nɛ nyɛ le ɔ; nɛ e nɔ hemi kɛ yemi ɔ ha e pee kpitikplii ngɛ nyɛ hɛ mi nɛ ɔ nɛ.

1 Korintobi 1:25

Ejakaa Mawu kuasiahi a sane ɔ mi ngɛ ni lemi pe nimli a ni lemi, nɛ Mawu gbɔjɔmi ɔ he wa pe nimli a he wami.

1 Korintobi 6:14

Nɛ bɔ nɛ Mawu tle Nyɔmtsɛ ɔ si kɛ je gbeje ɔ, ja e ma tle wɔ hu si ngɛ e he wami nya.

2 Korintobi 12:10

Lɔ ɔ he ɔ ngɛ Kristo he ɔ, ye bua jɔɔ ngɛ gbedee peemihi a mi, ngɛ hɛdo nihi a nami mi, ngɛ haomihi a mi, ngɛ yi wamihi a mi, ngɛ fimihi a mi; ejakaa ke i pee gbedee ɔ, kɔlɔ ɔ mohu i naa he wami.

2 Korintobi 13:9

Wa naa bua jɔmi ke wa pee gbedee, nɛ nyɛ mohu nyɛ ngɛ he wami ɔ. Enɛ ɔ he pɛɛ hu wa kpaa, kɔlɔ ɔ ji nyɛ himi kɛ si pimi ɔ nɛ.