2 Korintobi 11:3 - Somi He Ɔ

³ Se i ngɛ gbeye yee kaa alinɔ, kaa bɔ nɛ sinɔ ɔ kɛ e kutupɔ ɔ mlɔɔ Hawa a, ja nɔuu a ma puɛ nyɛ hu nyɛ juɛmi kɛ je klɔu peemi nɛ nyɛ je tsɔɔ Kristo ɔ mi.

BAIBLO ALOO NGMAMI KLƆUKLƆU Ɔ

³ I ngɛ gbeye yee kaa nɔ́ nɛ ba Hawa nɔ be ko ɔ maa ba nyɛ hu nyɛ nɔ. Sinɔ ya sisi Hawa, nɛ Hawa pee yayami. Jã kɛ̃ lɛ a ma puɛ nyɛ tue, nɛ nyɛ be Kristo anɔkuale yee kɛ pi si hu.

2 Korintobi 11:3 ပူးပေါင်းရင်းမြစ်များ

Kolosebi 2:8

Nyɛɛ hyɛ nɛ hi, konɛ nɔ ko kɛ je mi ni lemi kɛ yaka sisimi ko ngɔ nyɛ nyɔgue, ngɛ nimli a blema sanehi kɛ je nɛ ɔ mi mumihi nɛ ji Kristo mi ɔ nya.

Galatabi 1:6

Ye hɛ mi pee mi yaa kaa amlɔ nɛ ɔ nɔuu ɔ nyɛ ngɛ nyɛ he tsɔe kɛ ngɛ nɔ nɛ tsɛ nyɛ ngɛ Kristo dloomi ɔ nya a he jee kɛ yaa sane kpakpa kpa ko he;

Efesobi 4:14

konɛ wa ko ya nɔ nɛ waa pee bimwɔwi nɛ tsɔɔmi kɔɔhiɔ tsuaa tsɔɔmi kɔɔhiɔ mimiɛɛ mɛ, nɛ a kpakaa mɛ kɛ yaa kɛ baa ngɛ nimli a ga yaya tomi mi, ngɛ sisimi ga kɛ kutupɔ nya.

Kolosebi 2:4

I ngɛ enɛ ɔ dee konɛ nɔ ko kɛ nya mi ngɔngɔɛ munyu ko ko sisi nyɛ.

1 Yohane 4:1

Suɔli, nyɛ ko he mumi tsuaa mumi ngɔ ye, se mohu nyɛɛ ka mumi ɔmɛ nɛ nyɛɛ hyɛ kaa Mawu mi a je lo; ejakaa lakpa gbali fuu je kpo kɛ ba je ɔ mi.

1 Timoteo 2:14

Nɛ pi Adam nɛ a sisi ɔ, se yo ɔ a sisi, nɛ e sɛ tɔmi mi.

Kpojemi 12:9

Nɛ a sake sinɔ ngua kpetekpleenyɛ ɔ, nɔ nɛ ji blema sinɔ ɔ nɛ a tsɛɛ lɛ Nyapolɔ loo Abosiami nɛ sisiɔ je mluku ɔ tsuo ɔ, ngɔ fɔ zugba a nɔ, nɛ a sake e bɔfo ɔmɛ hu ngɔ fɔ zugba a nɔ ngɔ piɛ e he.

Hebribi 13:9

Nyɛ ko ha nɛ Tsɔɔmi slɔɔtohi kɛ tsɔɔmi kpahi kɛ nyɛ nɛ lilaa si; ejakaa e hi kaa a kɛ Mawu dloomi nɛ wo wa tsui he wami, se pi niye ni nɛ ha we nɛ nihi nɛ tsuɔ he ni ɔmɛ a na se ko ɔ.

Yohane 8:44

Nyɛɛ lɛɛ, nyɛ tsɛ nɛ nyɛ je e mi ji abosiami, nɛ nyɛ tsɛ ɔ tsui nya ni nyɛ suɔ kaa nyɛɛ pee. Lɛɛ nɔ gbelɔ ji lɛ kɛ je blema, nɛ e hi si ngɛ anɔkuale ɔ mi, ejakaa anɔkuale be e mi. Ke e ngɛ lakpa yee ɔ, lɛ nitsɛ e nihi a he munyu e tuɔ, ejakaa lakpatsɛ kɛ nya ngɔli a tsɛ ji lɛ.

Galatabi 3:1

Oo, Galatabi nɛ be yi mi! Mɛnɔ gbiɛ nyɛ ke nyɛ ko bu anɔkuale ɔ tue — nihi a hɛ mi nɛ a tɛni Yesu Kristo ngɛ kaa nɔ nɛ a sɛu.

2 Korintobi 1:12

Se wa fiami ji nɛ ɔ nɛ: wa he ni lemi odase nɛ e yeɔ wɔ, kaa Mawu klɔuklɔu peemi kɛ he tsɔmi mi wa ba wa je mi ngɛ ngɛ je nɛ ɔ mi, titli ɔ, ngɛ nyɛ kpɛti, nɛ pi he lo mi ni lemi nya, se mohu Mawu dloomi nya.

1 Yohane 2:18

Ye bimɛ, nyagbe ngmlɛfia a ji nɛ ɔ nɛ; nɛ bɔ nɛ nyɛ nu kaa lakpa kristo ɔ ma, nɛ jehanɛ lakpa kristohi fuu ba, he je ɔ, wa le kaa nyagbe ngmlɛfia a ji nɛ ɔ nɛ.

2 Petro 3:17

Se nyɛɛ lɛɛ, mamimɛ, akɛnɛ nyɛ le momosa he je ɔ, nyɛɛ huɔ, konɛ a kɛ nimli yayamihi a sisimi sane ɔ ko ba gbla nyɛ hu, nɛ nyɛ ba gbee si kɛ je nyɛ blɔ ɔ nɔ.

Galatabi 4:11

I ngɛ gbeye yee, kaa nyɛ ma ha ma gbo nyɛ he yaka dengme.

2 Korintobi 2:17

Ejakaa wa be kaa ni komɛ nɛ juaa Mawu munyu ɔ, se mohu wa tuɔ lɛ ngmingmiingmi bɔ nɛ e je Mawu mi ɔ ngɛ Mawu hɛ mi, ngɛ Kristo mi.

2 Petro 3:3

Kekleekle ɔ, nyɛɛ le enɛ ɔ kaa nyagbe ligbi ɔmɛ a mi ɔ, nɔ he fɛu yeli maa ba kɛ he fɛu yemi, nihi nɛ maa nyɛɛ ngɛ mɛ nitsɛmɛ a kɔnɔ ɔmɛ a nya,

2 Timoteo 3:13

Se nimli yayamihi kɛ sisili maa ya hɛ mi ngɛ yayami peemi mi; a sisiɔ nihi, nɛ mɛ hu a sisiɔ mɛ.

1 Tesalonikabi 3:5

Enɛ ɔ he je nɛ imi hu, benɛ i nyɛ we hu ɔ, i tsɔ konɛ ma kɛ le nyɛ hemi kɛ yemi ɔ, kaa alinɔ nɔ kalɔ ɔ ba ka nyɛ nɛ e ha wa dengme nɛ wa gbo ɔ pee yaka lo?

Efesobi 6:24

Dloomi nɛ je wa Mawetsɛ Yesu Kristo dɛ mi ɔ kɛ nihi kulaa nɛ suɔ le kɛ pii si ɔ nɛ hi si! Amen.

Galatabi 2:4

ejakaa lakpa nyɛmimɛ komɛ ju si sɛ asafo ɔ mi kulɔɔ, konɛ a ba huɔ wa he nɛ wa ye ngɛ Kristo Yesu mi ɔ, konɛ a ye wɔ nyɔguɛ;

2 Korintobi 4:2

Wa kua zo nihi nɛ a kɛ laa a, nɛ wa bɛ wa je mi ngɛ kutupɔ mi, nɛ jehanɛ hu wa futuu we Mawu munyu ɔ, se mohu waa kɛ anɔkuale ɔ kpo jemi ɔ jeɔ wa he yi ngɔ tsɔɔ ni mli a he nilemi tsuo ngɛ Mawu hɛ mi.

Mateo 24:24

Ejakaa lakpa kristohi kɛ lakpa gbali maa te si nɛ a maa pee okadi nguahi kɛ nyakpɛ nihi kɛ maa tsɔɔ, nɛ kaa e maa hi jinɛ a maa mlɔɔ nihi na a hla amɛ tete.

Yuda 1:4

Ejakaa ni komɛ ju si kɛ sɛ mi, nihi nɛ blema lokoo a je nɛ a ngma a he sane ngɔ fɔ si ha kikɛmɛ a fɔ bumi nɛ, nɔ yaya peeli nɛ ngɔɔ wa dloomi ɔ kɛ bɔɔ ajuama, nɛ a kuaa Mawu nɛ ji nɔ yelɔ kake pɛ ɔ, kɛ wa Mawetsɛ Yesu Kristo ɔ.

Tito 1:10

Ejakaa nihi fuu ngɛ nɛ ji atua tsɔli kɛ yakayaka munyu tuli nɛ sisiɔ nɔ, titli ɔ, ninɛmɛ nɛ je nihi nɛ a po mɛ ɔmɛ a kpɛti ɔ;

1 Timoteo 1:3

Kaa bɔ nɛ benɛ i yaa Makedonia nɛ i kpa mo pɛɛ ke o hi si ngɛ Efeso konɛ o bɔ ni komɛ kɔkɔ ke a ko tsɔɔ tsɔɔmi kpahi,

Kolosebi 2:18

Nyɛ ko ha nɛ nɔ ko nɛ buu e he kaa e pe nihi kulaa ngɛ ni nami ko he ɔ nɛ bu nyɛ fɔ nɛ e fi nɔ ngɛ lɛ nitsɛ e hlami nya kaa a kɛ he si bami juɛmi nɛ ja hiɔwe bɔfohi; e he lo juɛmi ɔ hãa e woɔ e he nɔ yakatsuaa;

2 Korintobi 11:29

Mɛnɔ gbɔleɔ, nɛ i mi lɛɛ i gbɔle we? Mɛnɔ nane a kpataa, nɛ ye mi mi sɛ̃ mi ha lɛ?

Romabi 12:8

nɔ nɛ tuɔ munyu tsɔɔ nihi ɔ, e hɛɛ munyu tumi kɛ tsɔɔmi ɔ mi; nɔ nɛ dlaa ni ngɔ haa nihi ɔ, e pee kɛ tsui jɔjɔɛ. Nɔ nɛ yeɔ nɔkɔtɔma a, e bɔ mɔde. Nɔ nɛ naa mɔbɔ ɔ, e pee kɛ tsui mi jɔmi.

Kpojemi 20:2

Nɛ e nu sinɔ ngua a, blema sinɔ nɛ ji Abosiami loo Satan ɔ, nɛ e fi lɛ jeha akpe,

2 Korintobi 11:20

Ejakaa, ke nɔ ko ngɛ nyɛ nyɔguɛ yee, ke nɔ ko ngɛ nyɛ adufude yee, ke neɔ ko ngɛ nyɛ klama tsɔe, ke nɔ ko ngɛ e he nɔ woe ngɛ nyɛ nɔ, ke nɔ ko ngɛ nyɛ hɛ mi ma gbae ɔ, nyɛ kplɛɔ lɛ.

Efesobi 4:22

nyɛ sake nyɛ sa je mi bami ɔ nya nɔmlɔ momo nɛ puɛ ngɛ sisimi se dimi ɔmɛ a nya a ngɔ fɔ he,

Kpojemi 12:15

Nɛ sinɔ ɔ su nyu nɛ ngɛ kaa pa kɛ je e nya mi kɛ pue yo ɔ se, konɛ nyu ɔ nɛ sa lɛ kɛ ho.