2 Korintobi 10:1 - Somi He Ɔ

¹ Imi Paulo nitsɛ i kɛ Kristo mi mi jɔmi kɛ kpoo peemi ɔ ngɛ nyɛ pɛɛ kpae, imi nɛ nyɛ hɛ mi ɔ i ji humi ngɛ nyɛ kpɛti, se ke i be nyɛ ngɔ ɔ i hiaa kã woɔ nyɛ ɔ.

BAIBLO ALOO NGMAMI KLƆUKLƆU Ɔ

¹ Imi Paulo nitsɛ, i ngɛ nyɛ pɛɛ kpae! Ni komɛ deɔ ke ke i ba nyɛ ngɔ ɔ, i peeɔ kpoo, se ke i be nyɛ kasa nya kɛkɛ i hia kã. I suɔ nɛ ma pee kpoo, nɛ ye mi mi nɛ jɔ kaa Kristo.

2 Korintobi 10:1 ပူးပေါင်းရင်းမြစ်များ

2 Korintobi 10:10

Ejakaa a deɔ ke: “E womi ɔmɛ a mi munyu ɔmɛ jiɔ, nɛ a mi wa mohu, se ke lɛ nɔmlɔ ɔ nitsɛ e ngɛ hiɛ ɔ ɔ, lɔ ɔ lɛɛ e he wɛ́, nɛ e munyu ɔ he be akɔnɔ ko.”

Mateo 11:29

Nyɛ wo ye kuɛpã tso ɔ ngɔ fɔ nyɛ nɔ, nɛ nyɛɛ kase mi; se ye he jɔ, nɛ i baa ye he si kɛ jee ye tsui mi; nɛ nyɛ ma na he jɔmi ngɔ ha nyɛ klaa amɛ.

Galatabi 5:2

Oʼɛ, imi Paulo, i ngɛ nyɛ dee ke, ke nyɛ ha a po nyɛ ɔ Kristo he be se nami ko ha nyɛ.

Romabi 12:1

Lɔ ɔ he ɔ, mamimɛ, i kɛ Mawu mɔbɔ nami ngɛ nyɛ pɛɛ kpae, kaa nyɛɛ ngɔ nyɛ nɔmlɔ tso ɔmɛ ngɔ da si kaa bɔ klɔuklɔu nɛ hɛ ngɛ nɛ he tsɔ nɛ sa Mawu hɛ mi nɛ nyɛ jami ɔ nɛ pee mumi mi jami.

2 Korintobi 11:30

Ke e hia kaa ma fia kɛ ɔ, ma fia ngɔ fo ye gbɔlemi nihi a nɔ.

1 Korintobi 2:3

Nɛ i kɛ nyɛ hi si ngɛ gbɔjɔmi kɛ gbeyeyemi kɛ hedomi babauu mi;

Kpojemi 1:9

Imi Yohane nɛ ji nyɛ nyɛmi kɛ nyɛ huɛ ngɛ Yesu Kristo amanehlu ɔ kɛ e matsɛ yemi ɔ kɛ e tsui si tomi ɔ mi ɔ, i ngɛ zugba kpɔ nɛ wo bɔle lɛ nɛ a tsɛɛ lɛ Patmo ɔ nɔ ngɛ Mawu munyu ɔ kɛ Yesu Kristo he odase yemi he.

1 Petro 2:11

Mamimɛ, i ngɛ munyu tue kɛ ngɛ nyɛ tsɔɔe kaa nibwɔhi kɛ blɔ hiali kaa nyɛɛ nyɛ he lo se dimi nihi nɛ kɛ klaa hwuɔ ta,

Filemon 1:9

kɛ̃ ɔ, suɔmi he ɔ, pɛɛ mohu i ngɛ mo kpae. Hyɛ imi nɔmoyo Paulo bɔ nɛ i ngɛ nɛ ɔ, nɛ jehanɛ hu i ji Yesu Kristo pa mi no nɛ ɔ;

2 Tesalonikabi 3:17

Imi Paulo nitsɛ ye nine nya biɔmi nɛ ji okadi ngɛ ye womi tsuaa womi mi ji nɛ ɔ nɛ: Bɔ nɛ i ngmaa ji nɛ ɔ nɛ.

Efesobi 4:1

Imi nɛ i ji pa mi no ngɛ Nyɔmtsɛ ɔ mi ɔ, i ngɛ nyɛ pɛɛ kpae kaa nyɛɛ nyɛɛ bɔ nɛ sa tsɛmi nɛ a kɛ tsɛ nyɛ ɔ,

Galatabi 4:13

se nyɛ le kaa he lo gbedemi mi i je kɛ jaje sane kpakpa a ngɛ ngɔ ha nyɛ kekle ɔ,

2 Korintobi 12:5

Nɔmlɔ nɛ ɔ he ma fia ngɛ, se i be fiae ha imi nitsɛ ye he, kaa ja ngɛ ye gbɔlemi ɔmɛ a he.

2 Korintobi 11:21

I kɛ zo ngɛ dee ke, wa pee gbedee tsɔ! Se nɔ́ mi nɛ nɔ ko peɔ ka ngɛ ɔ — I ngɛ munyu tue kaa kuasia — imi hu i peɔ ka ngɛ mi.

2 Korintobi 10:7

Nyɛ ngɛ nihi hyɛe kaa bɔ nɛ a ngɛ ngɛ kpo nɔ. Ke nɔ ko ngɔɔ e hɛ fɔɔ lɛ nitsɛ e he nɔ kaa Kristo nɔ ji lɛ ɔ, e susu he ekohu, kaa bɔ nɛ lɛ nitsɛ e ji Kristo nɔ ɔ, ja nɔuu kɛ wɔ hu wa ji Kristo nihi.

2 Korintobi 10:2

I ngɛ pɛɛ kpae kaa, ke i ba nyɛ ngɔ ɔ, nyɛ ko ha ma hia kã ngɔ wo nyɛ ejakaa i le kaa ma nyɛ kã ma hia ngɔ wo nihi nɛ susuu kaa wa ngɛ kaa nihi nɛ nyɛɛ ngɛ he lo nyɛ a.

2 Korintobi 7:4

I ngɛ hemi kɛ yemi babauu ngɛ nyɛ mi, nɛ jeha nɛ ɔ, i fiaa fɔɔ nyɛ nɔ babauu. I hyi tɔ kɛ bua jɔmi, i hyi tɔ kɛ be nɔ kɛ bua jɔmi nɛ i ngɛ ngɛ wa nɔ nami ɔmɛ kulaa mi ɔ.

2 Korintobi 6:1

Akɛnɛ wa ji Mawu hepiɛli ngɛ e ni tsumi ɔ mi he je ɔ, wa tuɔ munyu tsɔɔ nyɛ konɛ nyɛ ko he Mawu dloomi ɔ yaka;

2 Korintobi 5:20

Lɔ ɔ he ɔ, wa ji bɔfohi ngɛ Kristo nane mi, kaa nɔ́ nɛ Mawu gu wa nɔ nɛ e kɛ nihi ngɛ munyu tue: Wa daa si ngɛ Kristo nane mi ngɛ nyɛ pɛɛ kpae ke: Nyɛ ha a dla nyɛɛ kɛ Mawu kpɛti!

2 Korintobi 3:12

Jehanɛ, akɛnɛ wa ngɛ kikɛmɛ a hɛ kɛ nɔ fɔmi nɛ ɔ he je ɔ, wa peɔ ka babauu,

1 Korintobi 4:10

Wɔɔ lɛɛ, kuasiahi ji wɔ ngɛ Kristo he, se nyɛɛ lɛɛ ni leli ji nyɛ ngɛ Kristo mi. Wɔɔ lɛɛ, gbɔjɔli ji wɔ, se nyɛɛ lɛɛ, he wali ji nyɛ; nyɛ lɛ nyɛ hɛ mi ngɛ nyami, se wɔɔ lɛɛ wa hɛ mi be nyami.

Romabi 15:15

Se i kɛ kã fuu ngma munyu nɛ ɔmɛ ekomɛ mane nyɛ, konɛ ma kɛ kai nyɛ ngɛ dloomi nɛ Mawu ngɔ ha mi ɔ he,

Romabi 10:20

Nɛ Yesaia kɛ kã de ke: “I ha nihi nɛ hla we mi ɔ na mi, Nɛ i je ye he kpo tsɔɔ nihi nɛ bi we ye si ɔ.”

Ni Tsumi 8:32

Se ngmami ɔ he nɛ e ngɛ kanee ɔ ji nɛ ɔ nɛ: “A kpaka lɛ kɛ ho kaa jijɔ nɛ a yaa gbe lɛ, Nɛ bɔ nɛ jijɔ bi peɔ kpoo ngɛ e he bwɔmi salɔ hɛ mi ɔ, Ja nɔuu e kpɛ we e kuɔ si.

Mateo 21:5

“Nyɛ de Zion biyo ɔ ke: Oʼɛ, o matsɛ ɔ ma o ngɔ, E he jɔ nɛ e hi teji nɔ Kɛ teji nɛ ji ni tsumi lohwe ɔ bi nɔ.”

1 Korintobi 4:21

Kɛ nyɛ ngɛ lɛ hlae kɛɛ? Ma hɛɛ tso kɛ ba nyɛ ngɔ, aloo ma ba ngɛ suɔmi kɛ mi mi jɔmi mumi mi?

Efesobi 3:1

Lɔ ɔ he ɔ, imi Paulo, nɛ ji Kristo Yesu pa mi no ha nyɛ maje li a bimɛ ɔmɛ ɔ,

Filipibi 4:5

Nyɛ mi mi jɔmi ɔ nyɛ ha nimli kulaa nɛ le! Nyɔmtsɛ ɔ su si ta.

Kolosebi 1:23

Nyɛɛ hɛɛ hemi kɛ yemi ɔ mi nɛ nyɛɛ da si kpitikplii, nɛ nyɛ ko sã nyɛ he kɛ je sane kpakpa a nɛ nyɛ nu nɛ a fiɛ tsɔɔ bɔ nihi kulaa nɛ ngɛ hiɔwe sisi, nɛ imi Paulo hu i sɔmɔɔ ngɛ he ɔ hɛ kɛ nɔ fɔmi ɔ he.

Filemon 1:19

Imi Paulo nitsɛ, i ngɛ enɛ ɔ ngmae kɛ ye nine kaa, ma wo mo hiɔ (e hia we kaa ma kai mo ke o hɛɛ mi mo nitsɛ o yi hiɔ tete.)