2 Korintobi 1:4 - Somi He Ɔ

⁴ nɔ nɛ jɔɔ wa bua ngɛ wa nɔ nami ɔmɛ kulaa mi, konɛ wɔ hu wa nyɛ nɛ waa kɛ bua womi nɛ Mawu kɛ woɔ wa bua a nɛ wo nihi nɛ naa amanehlu tsuaa amanehlu ɔmɛ a bua.

BAIBLO ALOO NGMAMI KLƆUKLƆU Ɔ

⁴ E woɔ wa bua ngɛ haomihi tsuo a mi. Kɛkɛ ɔ, ke haomi ba ni kpahi a nɔ ɔ, bua womi nɛ wɔ nitsɛmɛ wa na kɛ je Mawu dɛ mi ɔ, wa ma nyɛ kɛ wo mɛ hu bua.

2 Korintobi 1:4 ပူးပေါင်းရင်းမြစ်များ

Yohane 14:16

Nɛ imi lɛɛ ma bi Tsɛ ɔ, nɛ e ma ha nyɛ Hepiɛlɔ kpa, konɛ e kɛ nyɛ nɛ hi si kɛ ya neneene;

Yohane 14:18

“I be nyɛ sie ahusa, i ma nyɛ ngɔ.

Yohane 14:26

Se Hepiɛlɔ ɔ nɛ ji Mumi Klɔuklɔu ɔ, nɔ nɛ Tsɛ ɔ maa tsɔ ngɛ ye biɛ mi ɔ, lɛ e maa tsɔɔ nyɛ nihi kulaa, nɛ e ma kai nyɛ nihi tsuo nɛ i de nyɛ ɔ.

2 Korintobi 7:13

Lɔ ɔ he ɔ wa bua jɔ. Se wa bua womi ɔ be nɔ babauu kɛ bua jɔmi nɛ wa na ngɛ Tito bua jɔmi ɔ he, ejakaa nyɛ tsuo nyɛ ha e tsui nɔ e mi.

2 Korintobi 7:4

I ngɛ hemi kɛ yemi babauu ngɛ nyɛ mi, nɛ jeha nɛ ɔ, i fiaa fɔɔ nyɛ nɔ babauu. I hyi tɔ kɛ bua jɔmi, i hyi tɔ kɛ be nɔ kɛ bua jɔmi nɛ i ngɛ ngɛ wa nɔ nami ɔmɛ kulaa mi ɔ.

Filipibi 1:14

Nyɛmimɛ nɛ ngɛ Nyɔmtsɛ ɔ mi ɔ a ti nihi fuu gu ye tsu mi womi ɔ nɔ na kã babauu pe kekle ɔ kɛ ngɛ Mawu munyu ɔ jajee nɛ a yi gbeye.

1 Tesalonikabi 4:18

Lɔ ɔ he ɔ nyɛɛ kɛ kikɛmɛ a munyu nɛ ɔmɛ nɛ wo nyɛ bua.

1 Tesalonikabi 5:11

Lɔ ɔ he ɔ nyɛɛ wo nyɛ sibi he wami, nɛ nyɛɛ ye bua mɛ kaa bɔ nɛ nyɛ ngɛ pee ɔ.

Hebribi 12:12

Lɔ ɔ he ɔ nyɛ wo ninehi nɛ mi jɔ ɔmɛ a nɔ nɛ nyɛɛ kpa nakutsohi nɛ gbɔle ɔmɛ a mi,