1 Yohane 5:6 - Somi He Ɔ

⁶ Yesu Kristo ji nɔ nɛ gu nyu kɛ muɔ mi kɛ ba a nɛ; pi nyu ɔ mi kɛkɛ se mohu ngɛ nyu kɛ muɔ ɔ mi. Nɛ Mumi ɔ ji nɔ nɛ yeɔ odase, ejakaa Mumi ɔ ji anɔkuale ɔ nɛ.

BAIBLO ALOO NGMAMI KLƆUKLƆU Ɔ

⁶ Benɛ Yesu Kristo ba a, a sɔle lɛ kɛ nyu, nɛ e plɛ e muɔ ngɔ pue si, nɛ e gbo. Pi nyu ɔ kɛkɛ nɛ e kɛ ba, se nyu kɛ muɔ tsuo. Nɛ mumi ɔ nitsɛ yeɔ odase kaa nɔ́ nɛ ɔ ngɛ mi, ejakaa mumi ɔ, anɔkualetsɛ ji lɛ.

1 Yohane 5:6 ပူးပေါင်းရင်းမြစ်များ

Hebribi 9:14

si nyɛmɛ nɔuu nɛ Kristo, nɛ gu neneene mumi ɔ nɔ ngɔ e he nɛ piami ko be he ngɔ ha Mawu ɔ muɔ be wa he ni lemi he fɔe kɛ je ni tsumi gbogboehi a mi, konɛ wa sɔmɔ Mawu hɛ kalɔ ɔ?

Yohane 15:26

“Se Hepiɛlɔ ɔ, nɛ ma tsɔ lɛ nyɛ ngɔ kɛ je Tsɛ ɔ ngɔ ɔ, nɔ nɛ ji anɔkuale Mumi ɔ nɛ jee Tsɛ ɔ ngɔ baa a, lɛ nɛ ke e ba a, e maa ye ye he odase;

Yohane 16:13

se ke anɔkuale Mumi ɔ na ba a, e maa tsɔɔ nyɛ anɔkuale ɔ kulaa mi blɔ; ejakaa e be lɛ nitsɛ e yi mi toe kɛ tu munyu, se mohu nɔ́ tsuaa nɔ́ nɛ e maa nu ɔ, kɔlɔ ɔ e ma de, nɛ nihi nɛ ma a, e maa wo nɔ ta de nyɛ.

Hebribi 12:24

kɛ Yesu nɛ ji somi he midalɔ ɔ, kɛ muɔ nɛ a kɛ fia nɛ tuɔ munyu kpakpa pe Habel nɔ ɔ ngɔ.

Marko 14:24

Nɛ e de mɛ ke: “Enɛ ɔ ji ye muɔ nɛ ji somi ɔ nɔ nɛ a kɛ puɛ si ngɛ nihi fuu a he ɔ nɛ.

Yohane 14:17

anɔkuale mumi ɔ nɛ je ɔ nyɛ we lɛ nɛ e ngɔ ɔ, mɛni he je ɔ, e nɛ́ lɛ, nɛ pohu e li lɛ; se nyɛɛ lɛɛ nyɛ le lɛ, ejakaa e kɛ nyɛ lɛ ngɛ, nɛ e maa hi nyɛ mi.

Kpojemi 7:14

Nɛ i de lɛ ke: “Ye Nyɔmtsɛ, mo lɛ o le.” Nɛ e de mi ke: “Nimli nɛ ɔmɛ ji nihi nɛ a je nɔ nami kpetekpleenyɛ ɔ mi ɔ nɛ; nɛ a fɔ a tade ɔmɛ a he, nɛ a ha a hiɛ futaa ngɛ Tobi ɔ muɔ ɔ mi.

Kpojemi 5:9

Nɛ a la la he ko de ke: “Mo lɛ sa kaa o heɔ womi ɔ Nɛ o tsɔɔ e nya sɔumi ɔmɛ, Ejakaa a gbe mo, Nɛ o kɛ o muɔ ɔ kpɔ wɔ ha Mawu Kɛ je wetso tsuaa wetso kɛ munyu tsuaa munyu Kɛ ma tsuaa ma kɛ je ma tsuaa je ma mi.

1 Petro 1:2

Nimli nɛ ɔmɛ ji nihi nɛ a hla, ngɛ Tsɛ Mawu ɔ yi mi tomi nya, ngɛ Mumi ɔ he tsukɔmi mi, kɛ ha Yesu Kristo tue bumi kɛ he fɔmi ngɛ e muɔ ɔ mi. Dloomi kɛ hejɔmi nɛ e hiɛ fuu ha nyɛ!

Hebribi 13:20

He jɔmi Mawu ɔ, nɔ nɛ je to ɔmɛ a hyɛlɔ ngua nɛ ji wa Nyɔmtsɛ Yesu kɛ je gbeje ngɛ neneene somi ɔ muɔ ɔ mi ɔ,

Yohane 4:14

se nɔ nɛ nuu nyu nɛ imi ma ha lɛ ɔ, kuma be lɛ yee gblee kɛ maa ya neneene; se mohu nyu nɛ ma ha lɛ ɔ ma plɛ nyu hɛngmɛ nɛ baa kɛ yaa neneene wami mi ngɛ e mi.”

Luka 22:20

Ja nɔuu e wo kplu ɔ hu ngɛ niyeni ɔ se, nɛ e ke: “Kikɛmɛ a kplu nɛ ɔ ji somi he ɔ ngɛ ye muɔ nɛ a ngɔ pue si ha nyɛ ɔ mi.

Mateo 26:28

Ejakaa enɛ ɔ ji ye muɔ nɛ ji somi ɔ nɔ ɔ nɛ a plɛ pue si ngɛ nihi fuu a he ha yayami pami.

1 Yohane 1:7

Se ke wa nyɛɛ ngɛ la a mi, kaa bɔ nɛ lɛ nitsɛ e ngɛ la a mi ɔ, lɔ ɔ lɛɛ waa kɛ wa he ngɛ huɛ bɔe, nɛ e Bi Yesu Kristo muɔ ɔ tsukɔɔ wa he kɛ jee yayami tsuaa yayami mi.

Tito 3:5

lɔ ɔ lɛɛ pi dami ni tsumihi nɛ wa tsu nya, se mohu lɛ nitsɛ e mɔbɔ nami nya, kɛ gu ehe fɔmi, he dumi kɛ Mumi Klɔuklɔu ɔ ehe peemi ɔ nɔ he wa yiwami,

Efesobi 1:7

Ejakaa Kristo mi nɔuu wa na kpɔmi ɔ ngɛ nɛ ji yayamihi a pami ɔ, ngɛ e muɔ ɔ he ngɛ e dloomi hiɛmi ɔ nyɛ,

Yohane 6:55

Ejakaa ye he lo ɔ ngma nitsɛ ʼi, nɛ ye muɔ ɔ nunui nɔ́ nitsɛ ʼi.

Yohane 4:10

Yesu he nɔ nɛ e de lɛ ke: “Kaa o le Mawu nɔke nɔ́ ɔ kɛ nɔ nɛ ngɛ mo dee ke: ‘Ha mi eko ma nu’ ɔ, jinɛ mo mohu o maa ba lɛ nɛ e ha mo wami nyu.”

Yohane 3:5

Yesu he nɔ ke: “I ngɛ mo dee anɔkuɛle mi ke: Ke a ji nyu kɛ Mumi mi fɔ we nɔ ko ɔ, e be Mawu matsɛ yemi ɔ mi nyɛe maa sɛ.

Kpojemi 1:5

nɛ kɛ je Yesu Kristo, nɛ ji odaseyelɔ anɔkualetsɛ ɔ, ni gbogboehi a kpɛti kekleekle bi kɛ zugba a nɔ matsɛmɛ ɔmɛ a nɔyelɔ ɔ dɛ mi. Nɔ nɛ suɔ wɔ, nɛ e kɛ lɛ nitsɛ e muɔ tsukɔ wa he kɛ je wa he yayami ɔmɛ a mi,

1 Petro 3:21

Enɛ ji baptisimi nyu ɔ he okadi nɛ a kɛ heɔ wa yi wami, nɔ́ nɛ pi he womi nɔ mu jemi, se mohu e ji he nile kpakpa somi nɛ e kɛ Mawu soɔ, kɛ guu Yesu Kristo si temi ɔ nɔ,

Hebribi 10:29

Mɛni tuegblami nɛ nya wa po nyɛ susu kaa e sa nɔmlɔ ko nɛ bui Mawu Bi ɔ, nɛ e bu somi muɔ nɛ a kɛ tsukɔ e he ɔ kaa yaka nɔ ko, nɛ e pee dloomi mumi ɔ nidɔ ni ɔ?

Hebribi 9:7

se bo tsu nɛ ji enyɔ ɔ, osɔfo nɔkɔtɔma a kɛkɛ lɛ yaa mi si kake daa jeha, nɛ e si we muɔ nɛ e ya, nɔ́ nɛ e kɛ ya haa ngɛ lɛ nitsɛ kɛ ma a tɔmihi nɛ a li ɔmɛ a he ɔ.

Kolosebi 1:4

ejakaa wa nu nyɛ Kristo Yesu nɔ hemi kɛyemi kɛ nyɛ suɔmi nɛ nyɛɛ kɛ suɔ he tsɔli ɔmɛ kulaa a he,

Romabi 3:25

Lɛ ji nɔ nɛ Mawu je ngɔ to kaa kpatami nɔ kɛ gu e muɔ ɔ nɔ hemi kɛ yemi nɔ, konɛ e je e dami ɔ kpo ngɛ e hɛ nɛ e je kɛ je yayamihi nɛ a pee sa a nɔ ngɛ Mawu tsui si tomi ɔ he;

Ni Tsumi 8:36

Nɛ benɛ a ngɛ blɔ ɔ nɔ ɔ, a ba su nyu ko he, nɛ maa je sɔmɔlɔ nɔkɔtɔma a nyɛ a, e ke: “Oʼɛ nyu; mɛni tsiɔ ye baptisimi nya?” [

Yohane 14:6

Yesu de lɛ ke: “Ami ji blɔ ɔ kɛ anɔkuale ɔ kɛ wami ɔ; nɔ ko bɛ́ Tsɛ ɔ ngɔ, kaa ja e gu ye nɔ.

1 Yohane 4:10

Enɛ ɔ mi suɔmi ɔ ngɛ: pi kaa wɔ iɛ wa suɔ Mawu se mohu kaa lɛ nɛ e suɔ wɔ, nɛ e tsɔ e Bi ɔ ke e ba pee wa he yayami ɔmɛ a he kpatami nɔ.

1 Timoteo 3:16

Nɔ jemi be he kaa Mawu jami laami sane ɔ, e mi kuɔ. Mawu je e he si paa ngɛ he lo mi, E ye nguɔ ngɛ mumi mi, E je e he kpo ngɔ tsɔɔ bɔfohi, A fiɛ lɛ ngɛ majeli a kpɛti, A he e nɔ ye ngɛ je mi, A ngɔ lɛ kɛ ho hiɔwe ya ngɛ nyami mi.

Mateo 3:16

Nɛ benɛ e baptisi Yesu ɔ, e je kpo amlɔ kɛ je nyu ɔ mi nɛ oʼɛ, a bli hiɔwe nya ha lɛ, nɛ e na Mawu Mumi ɔ nɛ ngɛ si kplee kaa okpo kɛ ma e nɔ.