1 Yohane 5:4 - Somi He Ɔ

⁴ ejakaa nɔ tsuaa nɔ nɛ a je Mawu mi kɛ fɔ lɛ ɔ yeɔ je ɔ nɔ kunimi; nɛ wa hemi kɛ yemi ɔ ji nɔ́ nɛ waa kɛ yeɔ je ɔ nɔ kunimi ɔ nɛ.

BAIBLO ALOO NGMAMI KLƆUKLƆU Ɔ

⁴ ejakaa Mawu bimɛ tsuo ma nyɛ maa ye je ɔ nɔ kunimi; ee, wa hemi kɛ yemi waa kɛ yeɔ je ɔ nɔ kunimi.

1 Yohane 5:4 ပူးပေါင်းရင်းမြစ်များ

1 Korintobi 15:57

Se sina ha Mawu, nɔ nɛ guu wa Nyɔmtsɛ Yesu Kristo nɔ haa wa yeɔ kunimi ɔ.

1 Yohane 4:4

Bimɛ tsɔwi, nyɛɛ lɛɛ nyɛ je Mawu mi, nɛ nyɛ ye lakpa gbali ɔmɛ a nɔ kunimi; ejakaa mumi nɛ ngɛ nyɛ mi ɔ kle pe mumi nɛ ngɛ je ɔ mi ɔ.

Yohane 16:33

I de nyɛ ni nɛ ɔmɛ, konɛ nyɛɛ wo nyɛ bua ngɛ ye mi. Je nɛ ɔ mi ɔ he hiami nyɛ ma na, se kɛ ɔ, nyɛ tsui nɛ nɔ nyɛ mi. I ye je ɔ nɔ kunimi!”

1 Yohane 3:9

Nɔ tsuaa nɔ nɛ ji Mawu bi ɔ, e pee we yayami, ejakaa Mawu su ngɛ e mi, lɔ ɔ he ɔ, e be yayami nyɛe maa pee, ejakaa Mawu bi ji lɛ.

1 Yohane 5:5

Mɛnɔ ji nɔ nɛ yeɔ je ɔ nɔ kunimi ɔ, kaa ja nɔ nɛ heɔ yeɔ kaa Yesu ji Mawu Bi ɔ?

Kpojemi 3:21

Kunimi yelɔ ɔ, ma ha lɛ blɔ nɛ e kɛ mi nɛ hi ye matsɛ sɛ ɔ nɔ, kaa bɔ nɛ imi hu i ye kunimi nɛ i kɛ Tsaatsɛ hii si ngɛ e matsɛ sɛ ɔ nɔ ɔ.

Kpojemi 12:11

Nɛ mɛɛ lɛɛ, Tobi ɔ muɔ ɔ kɛ mɛ nitsɛmɛ a odase yemi munyu ɔ, a kɛ ye e nɔ, nɛ a klɔɛ mɛ nitsɛmɛ a wami he kɛ ya su gbenɔ mi tete.

Kpojemi 3:5

Kunimi yelɔ ɔ, a maa wo lɛ tade hiɔ, nɛ i be e biɛ gbee ngɛ wami womi ɔ mi gblegbleegblee, nɛ ma wo e biɛ ta ngɛ Tsaatsɛ hɛ mi kɛ e bɔfo ɔmɛ a hɛ mi.

Kpojemi 2:11

“Nɔ nɛ ngɛ tue ɔ, e nu nɔ́ nɛ Mumi ɔ ngɛ asafo ɔmɛ dee ɔ. “Kunimi yelɔ ɔ, a be lɛ nɔ ko yaya ko pee ngɛ gbenɔ nɛ ji enyɔ ɔ mi.”

Kpojemi 3:12

Kunim yelɔ ɔ, ma ngɔ lɛ ngɔ pee Titima ngɛ ye Mawu ɔ sɔlemi tsu ɔ mi, nɛ e be kpo jee hu, nɛ ma ngma ye Mawu ɔ biɛ, kɛ ye Mawu ɔ ma nɛ ji Yerusalem he nɛ jee ye Mawu ngɔ ɔ biɛ, kɛ mi nitsɛ ye biɛ he ɔ ngɛ e nɔ.

Kpojemi 2:26

Nɛ kunimi yelɔ ɔ kɛ nɔ nɛ hɛɔ ye ni tsumi ɔmɛ a mi kɛ ya suu nyagbe ɔ, ma ha lɛ he wami ngɛ je ma amɛ a nɔ,

1 Yohane 5:1

Nɔ tsuaa nɔ nɛ heɔ yeɔ kaa Yesu ji Kristo ɔ, Mawu bi ji lɛ. Nɛ nɔ tsuaa nɔ nɛ suɔ fɔlɔ ɔ, suɔ bi ɔ nɛ e fɔ ɔ hulɔ.

Kpojemi 15:2

Kɛkɛ nɛ i na nɔ́ ko nɛ ngɛ kaa wo nɛ ngɛ kaa ahuhuɛ nɛ a kɛ la futu mi, nɛ ninɛmɛ nɛ ye lohwe ɔ kɛ e maga a kɛ e kadi ɔ kɛ e biɛ ɔ yibɔ ɔ nɔ kunimi ɔ daa si ngɛ wo nɛ ngɛ kaa ahuhuɛ ɔ nya, nɛ a hɛɛ Mawu saku ɔmɛ.

Kpojemi 2:7

“Nɔ nɛ ngɛ tue ɔ, e nu nɔ́ nɛ Mumi ɔ ngɛ asafo ɔmɛ dee ɔ. “Nɔ nɛ yeɔ kunimi ɔ, ma ha lɛ wami tso ɔ nɛ ngɛ ye Mawu ɔ Paradeiso ɔ mi ɔ nɔ yiblii ɔ eko nɛ e ye.”

Kpojemi 2:17

“Nɔ nɛ ngɛ tue ɔ, e nu nɔ́ nɛ Mumi ɔ ngɛ asafo ɔmɛ dee ɔ. “Nɔ nɛ yeɔ kunimi ɔ, ma ha lɛ mana nɛ a kɛ laa a eko nɛ e ye, nɛ ma ha lɛ tɛ hiɔ, nɛ tɛ ɔ nɔ ɔ, a ngma biɛ he nɛ nɔ ko li ja nɔ nɛ naa a.”

Yohane 1:13

nihi nɛ pi muɔ loo he loo nyumu ko suɔmi nya, se mohu Mawu mi a je kɛ fɔ mɛ.

Yohane 3:3

Yesu he nɔ nɛ e de lɛ ke: “I ngɛ mo dee anɔkuale mi ke: Ke a ji hiɔwe fɔ we nɔ ko ɔ, e be Mawu matsɛ yemi ɔ nae.”

1 Yohane 2:29

Ke nyɛ le kaa dalɔ ji Kristo ɔ, nyɛ na nɛ nyɛɛ le kaa nɔ tsuaa nɔ nɛ ytsuɔ dami ni ɔ, Mawu bi ji lɛ.

1 Yohane 5:18

Wa le kaa nɔ tsuaa nɔ nɛ ji Mawu bi ɔ, e pee we yayami; se mohu Mawu Bi ɔ buu e he, nɛ nɔ yayami ɔ tɛ e he.