1 Yohane 5:14 - Somi He Ɔ

¹⁴ Nɛ enɛ ɔ ji ka nɛ wa ngɛ ngɛ e hɛ mi ɔ, kaa, ke wa ba nɔ́ ko ngɛ e suɔmi nya a, e buɔ wɔ tue.

BAIBLO ALOO NGMAMI KLƆUKLƆU Ɔ

¹⁴ Wa yi gbeye ngɛ Mawu hɛ mi, ejakaa wa le kaa ke waa kɛ juɛmi kpakpa bi lɛ nɔ́ ko ɔ, e buɔ wɔ tue.

1 Yohane 5:14 ပူးပေါင်းရင်းမြစ်များ

Yohane 14:13

Nɔ́ tsuaa nɔ́ nɛ nyɛ ma kpa he pɛɛ ngɛ ye biɛ mi ɔ, lɔ ɔ ma pee, konɛ Tsɛ ɔ hɛ mi nɛ ba nyami ngɛ Bi ɔ mi.

Yohane 15:7

Ke nyɛ hi ye mi nɛ ye munyu ɔ hi nyɛ mi ɔ, nɔ́ tsuaa nɔ́ nɛ nyɛ ma kpa he pɛɛ ɔ, a maa pee ha nyɛ.

Mateo 21:22

Nɛ nɔ́ tsuaa nɔ́ nɛ nyɛ maa sɔle ma bi kɛ hemi kɛ yemi ɔ, nyɛ nine maa su nɔ.”

Yakobo 4:3

Nyɛ kpaa pɛɛ, nɛ nyɛ na we, ejakaa nyɛ kpaa pɛɛ yaya konɛ nyɛ kpata ni ɔmɛ a hɛ mi ngɛ nyɛ kɔnɔ ɔmɛ a mi.

Yohane 9:31

Wa le kaa Mawu bui yayami peeli tue; se ke nɔ ko yee lɛ gbeye nɛ e peɔ e suɔmi nya ni ɔ, e buɔ lɛ tue.

Efesobi 3:12

nɔ nɛ nɔ hemi kɛ yemi mi wa gu kɛ na kã kɛ he blɔ ngɛ hɛ kɛ nɔ fɔmi mi ɔ.

Yohane 16:24

Kɛ ba si amlɔ nɛ ɔ ɔ, nyɛ kpa we nɔ́ ko he pɛɛ ngɛ ye biɛ mi; nyɛ kpa pɛɛ nɛ nyɛ ma na, konɛ nyɛ bua jɔmi ɔ nɛ hyi.”

1 Yohane 2:28

Nɛ jehanɛ, bimɛ tsɔwi, nyɛɛ hi e mi, konɛ e puemi ɔ mi ɔ, wa na kã nɛ zo ko gbe wɔ ngɛ e hɛ mi ngɛ e bami ɔ mi.

Yakobo 5:16

Nyɛɛ jaje nyɛ he yayami ɔmɛ ngɔ tsɔɔ nyɛ he, nɛ nyɛɛ sɔle ngɔ ha nyɛ he, konɛ a tsa nyɛ. Dalɔ sɔlemi nɛ mi wa a nyɛɔ nihi babauu tsuɔ.

Hebribi 10:35

Lɔ ɔ he ɔ nyɛ ko ngmɛɛ nyɛ mi kã a he, ejakaa e ngɛ hiɔwo ngua.

Hebribi 3:14

Ejakaa Kristo he piɛli ji wɔ ke wa hɛɛ wa he nɛ waa kɛ fɔɔ e nɔ kɛ je sisije ɔ mi kpɛii kɛ ya su nyagbe ɔ.

Yohane 11:42

Se imi lɛɛ i le kaa o buɔ mi tue; se asafo ɔ nɛ daa si ɔ he nɛ i ngɛ dee, konɛ a he ye kaa mo lɛ o tsɔ mi.”

Hebribi 3:6

se Kristo ɔ e ye anɔkuale kaa bi ngɛ Mawu we ɔ nɔ; lɛ e we ji wɔ, ke wa hɛɛ hɛ kɛ nɔ fɔmi kã kɛ fiami ɔ mi kpɛii kɛ ya su nyagbe ɔ.