1 Yohane 5:13 - Somi He Ɔ

¹³ I ngɛ nyɛ ni nɛ ɔmɛ ngmae konɛ nyɛ nihi nɛ nyɛ heɔ Mawu Bi ɔ biɛ ɔ nɔ yeɔ ɔ, nyɛ na nɛ nyɛɛ le kaa nyɛ ngɛ neneene wami.

BAIBLO ALOO NGMAMI KLƆUKLƆU Ɔ

¹³ I ngɛ nyɛ womi nɛ ɔ ngmae, konɛ nyɛ nihi nɛ nyɛ heɔ Mawu Bi ɔ yeɔ ɔ, nyɛ ná nɛ nyɛɛ le kaa nyɛ ngɛ neneene wami.

1 Yohane 5:13 ပူးပေါင်းရင်းမြစ်များ

Yohane 20:31

se enɛ ɔmɛ lɛɛ a ngma, konɛ nyɛ he ye kaa Yesu ji Kristo, Mawu bi ɔ nɛ, nɛ ke nyɛ he ye ɔ, nɛ nyɛ na wami ngɛ e biɛ ɔ mi.

Yohane 1:12

Se nihi abɔ nɛ he lɛ ɔ, nihi nɛ heɔ e biɛ ɔ nɔ ye ɔ, e ha mɛ he blɔ kaa a pee Mawu bimɛ,

1 Yohane 3:23

Nɛ enɛ ji e kitaa a nɛ, kaa wa he e Bi Yesu Kristo biɛ ɔ nɔ ngɔ ye, nɛ waa suɔ wa sibi, kaa bɔ nɛ e wo wɔ kita a.

Yohane 3:18

Nɔ nɛ heɔ e nɔ yeɔ, a kojo we lɛ, se nɔ nɛ he we yi ɔ, a kojo lɛ momo, ejakaa e he we Mawu bi kake ɔ nɔ yi.

1 Yohane 2:21

Tsa pi kaa nyɛ li anɔkuale ɔ he je nɛ i ngɛ nyɛ ngmae nɛ ɔ, se mohu kaa nyɛ le, nɛ nyɛ le kaa lakpa ko lakpa ko ji anɔkuale ɔ mi.

Galatabi 4:6

Se akɛnɛ bimɛ ji nyɛ he je ɔ, Mawu tsɔ e bi ɔ Mumi ɔ kɛ ba nyɛ tsui mi, nɔ nɛ kpaa ngmlaa ke: “Abba, Tsaatsɛ!”

1 Yohane 5:10

Lɔ ɔ he ɔ, nɔ nɛ heɔ Mawu Bi ɔ nɔ yeɔ ɔ, e ngɛ odase ngɛ lɛ nitsɛ e tsui mi; se nɔ nɛ he we Mawu yi ɔ, ha e plɛ lakpatsɛ, ejakaa e he we odase nɛ Mawu ye ngɛ e Bi ɔ he ɔ yi.

1 Yohane 2:1

Ye bimɛ tsɔwi, i ngɛ nyɛ ni nɛ ɔmɛ ngmae, konɛ nyɛ ko pee yayami. Se ke nɔ ko pee yayami po hu ɔ, wa ngɛ mi dalɔ ngɛ Tsɛ ɔ ngɔ, Yesu Kristo, dalɔ ɔ;

1 Yohane 1:4

Wa ngɛ nyɛ ni nɛ ɔmɛ ngmae konɛ nyɛ bua jɔmi ɔ nɛ hi kɛ pi si.

1 Petro 5:12

I gu wa nyɛmi Silvano nɛ ji anɔkualetsɛ kaa bɔ nɛ i buu lɛ ɔ nɔ ngma nyɛ bɔɔ nɛ ɔ i kɛ ngɛ munyu tue kɛ ngɛ nyɛ tsɔɔe, nɛ i ngɛ odase yee kɛ ngɛ se fiee kaa enɛ ɔ ji Mawu anɔkuale dloomi ɔ nɛ; nyɛɛ da si ngɛ mi.

2 Korintobi 5:1

Ejakaa wa le kaa, ke a ku wa zugba nɛ ɔ nɔ bo tsu nɔ hu, wa ngɛ tsu ko nɛ je Mawu ngɔ, we ko nɛ pi nine nɛ a kɛ pee, nɛ hii si kɛ yaa neneene, ngɛ hiɔwe.

Ni Tsumi 4:12

Ejakaa yi wami hemi be nɔ ko nɔ ko mi; nɛ jeha nɛ ɔ hu, biɛ kpã ko be hiɔwe sisi nɛ a ngɔ ha nimli nɛ sa kaa a gu nɔ kɛ he wa yi wami.”

Yohane 2:23

Jeha nɛ ɔ, benɛ Yesu ngɛ Yerusalem ngɛ Hetsɔmi ligbi ɔmɛ a mi ɔ, nihi fuu na nyakpɛ nihi nɛ e pee ɔ, nɛ a he e biɛ ɔ nɔ ye.

1 Yohane 2:26

I ngɛ nyɛ enɛ ɔ ngmae ngɛ nihi nɛ hlaa kaa a puɛ nyɛ tue ɔ he.

Ni Tsumi 3:16

Nɛ e biɛ ɔ nɔ hemi kɛ yemi nya nɛ a tsa nɔ nɛ ɔ nɛ nyɛ ngɛ hyɛe nɛ nyɛ le ɔ; nɛ e nɔ hemi kɛ yemi ɔ ha e pee kpitikplii ngɛ nyɛ hɛ mi nɛ ɔ nɛ.

Yohane 21:24

Nɔ nɛ ɔ ji nɔ nɛ yeɔ ni nɛ ɔmɛ a he odase, nɛ lɛ lɛ ngma mi nɛ ɔmɛ ɔ nɛ, nɛ wa le kaa e odase ɔ anɔkuale ʼi.

Yohane 5:24

“I ngɛ nyɛ dee anɔkuale mi ke: Nɔ nɛ nuɔ ye munyu nɛ e heɔ nɔ nɛ tsɔ mi ɔ yeɔ ɔ, e ngɛ neneene wami, nɛ e be kojomi mi yae, se mohu e po mi ngɛ gbenɔ mi kɛ ho wami mi ya.

1 Yohane 2:25

Nɛ enɛ ɔ ji si nɛ Kristo wo wɔ ɔ nɛ; neneene wami ɔ.

1 Yohane 4:9

Enɛ ɔ mi Mawu suɔmi nɛ e kɛ suɔ wɔ ɔ jee kpo ngɛ, kaa Mawu tsɔ iɛ nitsɛ e Bi kake ɔ kɛ ba je ɔ mi, konɛ waa gu e nɔ nɛ wa na wami.

1 Yohane 5:11

Enɛ ɔ ji odase ɔ, kaa Mawu ngɔ neneene wami ngɔ ha wɔ, nɛ kikɛmɛ a wami nɛ ɔ peɔ wa nɔ ngɛ e Bi ɔ mi.

1 Yohane 5:20

Wa le kaa Mawu Bi ɔ ba, nɛ e ba ha wɔ juɛmi konɛ waa le anɔkualetsɛ ɔ. Wa ngɛ anɔkualetsɛ ɔ mi, ngɛ e Bi Yesu Kristo mi; lɛ ji anɔkuale Mawu ɔ kɛ neneene wami ɔ.