1 Yohane 5:12 - Somi He Ɔ

¹² Nɔ tsuaa nɔ nɛ ngɛ Bi ɔ, e ngɛ wami; nɔ nɛ be Bi ɔ e be wami hulɔ.

BAIBLO ALOO NGMAMI KLƆUKLƆU Ɔ

¹² Nɔ tsuaa nɔ nɛ ngɛ Bi ɔ, e ngɛ wami; nɔ nɛ be Mawu Bi ɔ, e be wami hulɔ.

1 Yohane 5:12 ပူးပေါင်းရင်းမြစ်များ

Yohane 3:36

Nɔ nɛ heɔ Bi ɔ nɔ yeɔ ɔ, e ngɛ neneene wami; se nɔ nɛ bui Bi ɔ tue ɔ, e be wami nae, se mohu Mawu mi mi fumi hii e nɔ.

Yohane 5:24

“I ngɛ nyɛ dee anɔkuale mi ke: Nɔ nɛ nuɔ ye munyu nɛ e heɔ nɔ nɛ tsɔ mi ɔ yeɔ ɔ, e ngɛ neneene wami, nɛ e be kojomi mi yae, se mohu e po mi ngɛ gbenɔ mi kɛ ho wami mi ya.

Yohane 3:15

Konɛ nɔ tsuaa nɔ nɛ heɔ e nɔ yeɔ ɔ hɛ mi ko kpata, se mohu e na neneene wami.

Yohane 1:12

Se nihi abɔ nɛ he lɛ ɔ, nihi nɛ heɔ e biɛ ɔ nɔ ye ɔ, e ha mɛ he blɔ kaa a pee Mawu bimɛ,

1 Korintobi 1:30

Se Mawu lɛ pee nɛ nyɛ ngɛ Kristo Yesu mi, nɔ nɛ plɛ ni lemi nɛ je Mawu ngɔ kɛ dami kɛ he tsukɔmi kɛ kpɔmi ha wɔ ɔ,

Marko 16:16

Nɔ nɛ heɔ yeɔ nɛ a baptisi lɛ ɔ, a ma he e yi wami, se nɔ nɛ he we yi ɔ, a maa bu lɛ fɔ.

2 Yohane 1:9

Nɔ tsuaa nɔ nɛ jee nɛ e hi si ngɛ Kristo tsɔɔmi ɔ mi ɔ, e be Mawu. Nɔ nɛ hii Kristo tsɔɔmi ɔ mi ɔ, lɛ lɛ ngɛ Tsɛ ɔ kɛ Bi ɔ.

Hebribi 3:14

Ejakaa Kristo he piɛli ji wɔ ke wa hɛɛ wa he nɛ waa kɛ fɔɔ e nɔ kɛ je sisije ɔ mi kpɛii kɛ ya su nyagbe ɔ.

Galatabi 2:20

A sɛu mi kɛ Kristo; he je ɔ pi imi nɛ ye hɛ ngɛ hu, se Kristo lɛ hɛ ngɛ ngɛ ye mi; se ye hɛ nɛ ngɛ ngɛ he lo mi jehanɛ ɔ, Mawu Bi ɔ nɛ suɔ mi nɛ e ngɔ e he ngɔ ha ngɛ ye he ɔ nɔ hemi kɛ yemi mi ye hɛ ngɛ ngɛ.