1 Yohane 5:11 - Somi He Ɔ

¹¹ Enɛ ɔ ji odase ɔ, kaa Mawu ngɔ neneene wami ngɔ ha wɔ, nɛ kikɛmɛ a wami nɛ ɔ peɔ wa nɔ ngɛ e Bi ɔ mi.

BAIBLO ALOO NGMAMI KLƆUKLƆU Ɔ

¹¹ Odase ɔ ji nɛ ɔ nɛ: Mawu ha wɔ neneene wami kɛ gu e Bi ɔ nɔ.

1 Yohane 5:11 ပူးပေါင်းရင်းမြစ်များ

Romabi 6:23

Ejakaa yayami dɛ mi hiɔwe ɔ gbenɔ ʼi; se Mawu dloomi nike ni ɔ neneene wami ʼi ngɛ Kristo Yesu wa Nyɔmtsɛ ɔ mi.

1 Yohane 2:25

Nɛ enɛ ɔ ji si nɛ Kristo wo wɔ ɔ nɛ; neneene wami ɔ.

Yohane 3:36

Nɔ nɛ heɔ Bi ɔ nɔ yeɔ ɔ, e ngɛ neneene wami; se nɔ nɛ bui Bi ɔ tue ɔ, e be wami nae, se mohu Mawu mi mi fumi hii e nɔ.

1 Yohane 5:20

Wa le kaa Mawu Bi ɔ ba, nɛ e ba ha wɔ juɛmi konɛ waa le anɔkualetsɛ ɔ. Wa ngɛ anɔkualetsɛ ɔ mi, ngɛ e Bi Yesu Kristo mi; lɛ ji anɔkuale Mawu ɔ kɛ neneene wami ɔ.

1 Yohane 4:9

Enɛ ɔ mi Mawu suɔmi nɛ e kɛ suɔ wɔ ɔ jee kpo ngɛ, kaa Mawu tsɔ iɛ nitsɛ e Bi kake ɔ kɛ ba je ɔ mi, konɛ waa gu e nɔ nɛ wa na wami.

Yohane 1:4

E mi wami ngɛ, nɛ wami ɔ ji nimli a la a nɛ;

1 Yohane 5:10

Lɔ ɔ he ɔ, nɔ nɛ heɔ Mawu Bi ɔ nɔ yeɔ ɔ, e ngɛ odase ngɛ lɛ nitsɛ e tsui mi; se nɔ nɛ he we Mawu yi ɔ, ha e plɛ lakpatsɛ, ejakaa e he we odase nɛ Mawu ye ngɛ e Bi ɔ he ɔ yi.

Yohane 19:35

Nɛ nɔ nɛ na a, lɛ e ye he odase nɛ ɔ nɛ, e odase ɔ anɔkuale ʼi, nɛ e le kaa anɔkuale e ngɛ tue, konɛ nyɛ hu nyɛ he ye.

Yohane 10:28

nɛ imi nɔuu lɛ i haa mɛ neneene wami, nɛ a hɛ mi be kpatae kɛ maa ya neneene nɛ jeha nɛ ɔ hu, nɔ ko be mɛ kpɔe ngɛ ye dɛ.

Yohane 6:68

Simon Petro he nɔ ke: “Mawetsɛ, mɛnɔ ngɔ wa maa ya? Mo lɛ o ngɛ neneene wami munyu ɔmɛ ɔ nɛ;

Yohane 5:26

Ejakaa bɔ nɛ Tsɛ ɔ ngɛ wami ngɛ lɛ nitse e mi ɔ, ja kɛ̃ e ha Bi ɔ hu ke e hi wami ngɛ lɛ nitse e mi.

Yuda 1:21

nɛ nyɛɛ to nyɛ he ngɛ Mawu suɔmi ɔ mi, nɛ nyɛɛ hyɛ wa Mawetsɛ Yesu mɔbɔ nami ɔ blɔ, konɛ nyɛ na neneene wami.

1 Yohane 5:7

Odase yeli etɛ lɛ ngɛ,

Tito 1:2

nɛ maa si ngɛ neneene wami ɔ he hɛ kɛ nɔ fɔmi ɔ mi. Mawu nɛ yi lakpa a wo wɔ kikɛmɛ a wami nɛ ɔ he si loko a bɔ je mi be ɔmɛ,

1 Timoteo 1:16

se kɛ ɔ, enɛ ɔ he nɛ a na mi mɔbɔ ɔ nɛ, konɛ imi kekle ye mi nɛ Kristo nɛ je e tsui si tomi ɔ kulaa kpo ngɛ, nɛ a kɛ to okadi ha nihi nɛ ma he e nɔ ngɔ ye, nɛ a na neneene wami.

Yohane 14:6

Yesu de lɛ ke: “Ami ji blɔ ɔ kɛ anɔkuale ɔ kɛ wami ɔ; nɔ ko bɛ́ Tsɛ ɔ ngɔ, kaa ja e gu ye nɔ.

3 Yohane 1:12

Demetrio ɔ lɛɛ, nihi tsuo kɛ anɔkuale ɔ nitsɛ tuɔ e he munyu kpakpa, nɛ wɔ hu wa ngɛ e he odase yee, nɛ nyɛ le kaa wa odase ɔ anɔkuale ʼi.

Yohane 12:50

Nɛ i le kaa e kita a neneene wami ʼi; lɔ ɔ he ɔ nɔ́ tsuaa nɔ́ nɛ i ngɛ dee ɔ, bɔ nɛ Tsɛ ɔ de mi ɔ, ja i deɔ.”

Yohane 6:40

Ejakaa enɛ ɔ ji Tsaatsɛ suɔmi nya ni ɔ nɛ, kaa nɔ tsuaa nɔ nɛ hyɛɛ Bi ɔ nɛ e heɔ e nɔ yeɔ ɔ, e na neneene wami, nɛ imi ɔ, ma tle lɛ si ngɛ nyagbe ligbi ɔ nɔ.”

Kpojemi 22:1

Nɛ hiɔwe bɔfo ɔ tsɔɔ mi wami nyu pa klɔuu nɛ mi tsɔ kaa kristalo ahuhuɛ nɛ ngɛ Mawu kɛ Tobi ɔ matsɛ sɛ ɔ mi jee kɛ ngɛ ma a gbejegbɛ ɔ mi gue,

Kpojemi 1:2

nɔ nɛ ye Mawu munyu ɔ kɛ Yesu Kristo odase ɔ he odase ngɛ nihi tsuo nɛ e na a he ɔ.

Yohane 6:47

“I ngɛ nyɛ dee anɔkuale mi ke: Nɔ nɛ heɔ yeɔ ɔ, e ngɛ neneene wami.

Yohane 5:21

Ejakaa bɔ nɛ Tsɛ ɔ tleɔ ni gbogboehi a si nɛ e haa mɛ wami ɔ, ja kɛ̃ Bi ɔ hu haa nihi nɛ e suɔ ɔ wami.

Yohane 4:36

Nɔ nɛ kpaa a naa e hiɔwo, nɛ e kpaneɔ yiblii ɔmɛ a nya ngɔ toɔ neneene wami, konɛ nɔ nɛ duɔ ɔ kɛ nɔ nɛ kpaa a tsuo a nya si kake.

Mateo 25:46

Nɛ ni nɛ ɔmɛ ɔ, a maa ya neneene he hiami mi; se dali ɔmɛ maa ya neneene wami mi.”

Romabi 5:21

konɛ bɔ nɛ yayami ɔ ye tsɛ ngɛ gbenɔ mi ɔ, ja nɔuu dloomi ɔ maa gu dami nɔ kɛ ye tsɛ hulɔ kɛ maa ya neneene wami mi ngɛ Yesu Kristo wa Nyɔmtsɛ ɔ he.

Yohane 1:19

Enɛ ɔ ji Yohane odase nɛ e ye, bene Yudafo ɔmɛ tsɔ osɔfohi kɛ Levibihi kɛ je Yerusalem nɛ a ba bi lɛ ke: “Mɛnɔ ji mo?” ɔ.

Yohane 4:4

Se ja e gu Samaria.

1 Yohane 4:10

Enɛ ɔ mi suɔmi ɔ ngɛ: pi kaa wɔ iɛ wa suɔ Mawu se mohu kaa lɛ nɛ e suɔ wɔ, nɛ e tsɔ e Bi ɔ ke e ba pee wa he yayami ɔmɛ a he kpatami nɔ.