1 Yohane 5:10 - Somi He Ɔ

¹⁰ Lɔ ɔ he ɔ, nɔ nɛ heɔ Mawu Bi ɔ nɔ yeɔ ɔ, e ngɛ odase ngɛ lɛ nitsɛ e tsui mi; se nɔ nɛ he we Mawu yi ɔ, ha e plɛ lakpatsɛ, ejakaa e he we odase nɛ Mawu ye ngɛ e Bi ɔ he ɔ yi.

BAIBLO ALOO NGMAMI KLƆUKLƆU Ɔ

¹⁰ Lɔ ɔ he ɔ, nɔ tsuaa nɔ nɛ heɔ Mawu Bi ɔ yeɔ ɔ ngɔɔ odase nɛ ɔ kɛ toɔ lɛ nitsɛ e tsui mi, nɛ e hii he susue. Se nɔ nɛ he we Mawu yi ɔ ha nɛ Mawu plɛ lakpatsɛ; ejakaa nɔ́ nɛ Mawu de ngɛ e Bi ɔ he ɔ, nɔ ɔ he we yi.

1 Yohane 5:10 ပူးပေါင်းရင်းမြစ်များ

Romabi 8:16

Mawu Mumi ɔ nitsɛ kɛ wa mumi ɔ yeɔ odase kaa Mawu bimɛ ji wɔ.

Galatabi 4:6

Se akɛnɛ bimɛ ji nyɛ he je ɔ, Mawu tsɔ e bi ɔ Mumi ɔ kɛ ba nyɛ tsui mi, nɔ nɛ kpaa ngmlaa ke: “Abba, Tsaatsɛ!”

Yohane 3:33

Nɔ tsuaa nɔ nɛ heɔ e odase ɔ yeɔ ɔ maa nɔ mi kaa anɔkualetsɛ ji Mawu.

Yohane 5:38

nɛ e munyu ɔ nui si ngɛ nyɛ mi, ejakaa nya he we nɔ nɛ e tsɔ ɔ yi.

Hebribi 3:12

Nyɛɛ hyɛ nɛ hi, mamimɛ, konɛ nyɛ ti nɔ ko ko hi tsui nɛ he we yi nɛ e kpale kɛ je Mawu hɛ kalɔ ɔ he;

1 Yohane 5:1

Nɔ tsuaa nɔ nɛ heɔ yeɔ kaa Yesu ji Kristo ɔ, Mawu bi ji lɛ. Nɛ nɔ tsuaa nɔ nɛ suɔ fɔlɔ ɔ, suɔ bi ɔ nɛ e fɔ ɔ hulɔ.

1 Yohane 1:10

Ke wa ke wa pee we yayami ɔ, lɛɛ wa ngɛ Mawu lakpatsɛ bue, nɛ e munyu ɔ be wa mi.

Kpojemi 2:17

“Nɔ nɛ ngɛ tue ɔ, e nu nɔ́ nɛ Mumi ɔ ngɛ asafo ɔmɛ dee ɔ. “Nɔ nɛ yeɔ kunimi ɔ, ma ha lɛ mana nɛ a kɛ laa a eko nɛ e ye, nɛ ma ha lɛ tɛ hiɔ, nɛ tɛ ɔ nɔ ɔ, a ngma biɛ he nɛ nɔ ko li ja nɔ nɛ naa a.”

Kolosebi 3:3

Ejakaa nyɛ gbo nɛ a ngɔ nyɛ wami ɔ kɛ Kristo tsuo ngɔ laa ngɛ Mawu mi.

Kpojemi 12:17

Kɛkɛ nɛ sinɔ ngua a mi mi fu yo ɔ, nɛ e pue nɔ kɛ ho konɛ e kɛ yo ɔ nina nɛ piɛ nɛ yeɔ Mawu kita amɛ a nɔ nɛ a hɛɛ Yesu Kristo he odase yemi ɔ mi ɔ ya hwu ta.

Kpojemi 2:28

nɛ ma ngɔ nɔkɔ ɔ ngɔ ha lɛ.

2 Petro 1:19

Nɛ lɔ ɔ he ɔ, wa na gbali ɔmɛ a munyu ɔmɛ a nɔ mi mami. E maa hi ha nyɛ ke nyɛ bu tue, ejakaa e ngɛ kaa la ko nɛ ngɛ tsoe ngɛ he ko nɛ wo diblii, kɛ maa su be nɛ je maa na nɛ nɔkɔ ɔ maa te si ngɛ nyɛ tsui mi.

Yohane 3:16

Ejakaa Mawu suɔ je ɔ saminya, nɛ e ngɔ e bi kake ɔ ngɔ ha, konɛ nɔ tsuaa nɔ nɛ heɔ e nɔ yeɔ ɔ hɛ mi ko kpata, se mohu e na neneene wami.

Yohane 3:18

Nɔ nɛ heɔ e nɔ yeɔ, a kojo we lɛ, se nɔ nɛ he we yi ɔ, a kojo lɛ momo, ejakaa e he we Mawu bi kake ɔ nɔ yi.

Galatabi 4:1

Nɔ́ nɛ i ngɛ tsɔɔe ɔ ji, be abɔ nɛ gbo si ni yelɔ ɔ ji bimwɔyo ɔ slɔɔto ko be e kɛ sɔmɔlɔ kpɛti, kpahu lɛ ji ni ɔmɛ tsuo a tsɛ;

Ni Tsumi 8:37

Se Filipo ke: “Ke o heɔ yeɔ kɛ o tsui kulaa a, lɛɛ blɔ ngɛ he.” Nɛ e he nɔ ke: “I heɔ yeɔ kaa Yesu Kristo ji Mawu bi ɔ nɛ.”]