1 Yohane 5:1 - Somi He Ɔ

¹ Nɔ tsuaa nɔ nɛ heɔ yeɔ kaa Yesu ji Kristo ɔ, Mawu bi ji lɛ. Nɛ nɔ tsuaa nɔ nɛ suɔ fɔlɔ ɔ, suɔ bi ɔ nɛ e fɔ ɔ hulɔ.

BAIBLO ALOO NGMAMI KLƆUKLƆU Ɔ

¹ Nɔ tsuaa nɔ nɛ heɔ yeɔ kaa Yesu ji Kristo ɔ, Mawu bi ji lɛ; nɛ nɔ tsuaa nɔ nɛ suɔ nɔ ko tsɛ ɔ, e suɔ nɔ ɔ bi hulɔ.

1 Yohane 5:1 ပူးပေါင်းရင်းမြစ်များ

Mateo 16:16

Petro he nɔ ke: “Mo ji Kristo ɔ, Mawu hɛ kalɔ ɔ, bi ɔ.”

Luka 7:5

ejakaa e suɔ wa ma a, nɛ kpe he ɔ, lɛ nɔuu lɛ e ma ha wɔ.”

Yohane 1:3

Lɛ e nɔ a gu kɛ pee nihi kulaa, nɛ a si we lɛ se kɛ pee nɔ́ ko nɔ́ ko.

Yohane 15:23

Nɔ nɛ nyɛɛ mi ɔ, e ngɛ Tsaatsɛ hu nyɛe.

Yohane 3:3

Yesu he nɔ nɛ e de lɛ ke: “I ngɛ mo dee anɔkuale mi ke: Ke a ji hiɔwe fɔ we nɔ ko ɔ, e be Mawu matsɛ yemi ɔ nae.”

Yohane 6:69

nɛ wɔɔ lɛɛ wa he ye, nɛ wa na le hulɔ kaa mo ji Mawu nɔ klɔuklɔu ɔ nɛ!”

Yohane 8:42

Kɛkɛ nɛ Yesu de mɛ ke: “Mawu ji nyɛ tsɛ jinɛ nyɛ maa suɔ mi, ejakaa imi lɛɛ, Mawu ngɔ i je kɛ ba; nɛ pohu i to we imi nitsɛ ye yi mi kɛ bɛ, se mohu lɛ nɛ tsɔ mi.

Ni Tsumi 8:36

Nɛ benɛ a ngɛ blɔ ɔ nɔ ɔ, a ba su nyu ko he, nɛ maa je sɔmɔlɔ nɔkɔtɔma a nyɛ a, e ke: “Oʼɛ nyu; mɛni tsiɔ ye baptisimi nya?” [

Ni Tsumi 8:37

Se Filipo ke: “Ke o heɔ yeɔ kɛ o tsui kulaa a, lɛɛ blɔ ngɛ he.” Nɛ e he nɔ ke: “I heɔ yeɔ kaa Yesu Kristo ji Mawu bi ɔ nɛ.”]

Yakobo 1:18

Lɛ nitsɛ e suɔmi nya a kɛ anɔkuale munyu ɔ fɔ wɔ, konɛ waa pee e nibɔ ni ɔmɛ a mi kekleekle yiblii.

1 Petro 1:3

A gbaa Mawu kɛ wa Mawetsɛ Yesu Kristo Tsɛ ɔ, nɔ nɛ fɔ wɔ ehe ngɛ lɛ nitsɛ e mɔbɔnami babauu ɔ nya, ngɔ ha hɛ kɛ nɔ fɔmi ngɛ Yesu Kristo si nɛ ete kɛ je gbeje ɔ he.

1 Yohane 2:10

Nɔ nɛ suɔ e nyɛmi ɔ, e hii la a mi, nɛ lɔ ɔ he ɔ, nane kpatami nɔ́ ko be e mi;

1 Yohane 2:29

Ke nyɛ le kaa dalɔ ji Kristo ɔ, nyɛ na nɛ nyɛɛ le kaa nɔ tsuaa nɔ nɛ ytsuɔ dami ni ɔ, Mawu bi ji lɛ.

1 Yohane 3:14

Wa le kaa wa po mi kɛ je gbenɔ mi kɛ ho wami mi ya, ejakaa wa suɔ wa nyɛmimɛ. Nɔ nɛ sume e nyɛmi ɔ, e hii gbenɔ mi.

1 Yohane 3:17

Ke nɔ ko na je nɔ mi ni, nɛ e na kaa e fi nyɛmi, nɛ e nga e tsui nyɛ wo lɛ ɔ, kɛ Mawu suɔmi ɔ maa pee kɛ hi e mi kɛɛ?

1 Yohane 3:9

Nɔ tsuaa nɔ nɛ ji Mawu bi ɔ, e pee we yayami, ejakaa Mawu su ngɛ e mi, lɔ ɔ he ɔ, e be yayami nyɛe maa pee, ejakaa Mawu bi ji lɛ.

1 Yohane 4:2

Enɛ nyɛɛ kɛ ma yo Mawu mumi ɔ: Mumi tsuaa mumi nɛ jajeɔ paa kaa Yesu Kristo ba ngɛ he lo mi ɔ, e je Mawu mi.

1 Yohane 4:20

Ke nɔ ko de ke: “I suɔ Mawu,” nɛ e nyɛɛ lɛ nitsɛ e nyɛmi ɔ, lakpatsɛ ji lɛ. Ejakaa nɔ nɛ sume lɛ nitsɛ e nyɛmi nɛ e naa a, Mawu nɛ e nɛ́ ɔ, kɛ maa pee kɛɛ nɛ e ma nyɛ lɛ maa suɔ?

1 Yohane 4:7

Mamimɛ, nyɛ ha waa suɔ wa sibi, ejakaa suɔmi ɔ Mawu mi e je, nɛ nɔ tsuaa nɔ nɛ suɔ nɔ ɔ, Mawu bi ji lɛ, nɛ e le Mawu.

1 Yohane 5:18

Wa le kaa nɔ tsuaa nɔ nɛ ji Mawu bi ɔ, e pee we yayami; se mohu Mawu Bi ɔ buu e he, nɛ nɔ yayami ɔ tɛ e he.

1 Yohane 5:4

ejakaa nɔ tsuaa nɔ nɛ a je Mawu mi kɛ fɔ lɛ ɔ yeɔ je ɔ nɔ kunimi; nɛ wa hemi kɛ yemi ɔ ji nɔ́ nɛ waa kɛ yeɔ je ɔ nɔ kunimi ɔ nɛ.

1 Yohane 5:5

Mɛnɔ ji nɔ nɛ yeɔ je ɔ nɔ kunimi ɔ, kaa ja nɔ nɛ heɔ yeɔ kaa Yesu ji Mawu Bi ɔ?