1 Yohane 4:6 - Somi He Ɔ

⁶ Se wɔɔ lɛɛ Mawu mi wa je; nɔ tsuaa nɔ nɛ le Mawu ɔ, e buɔ wɔ tue; nɔ tsuaa nɔ nɛ e ji Mawu mi ɔ e bui wɔ tue. Lɔ ɔ waa kɛ naa anɔkuale mumi ɔ kɛ lakpa mumi ɔ.

BAIBLO ALOO NGMAMI KLƆUKLƆU Ɔ

⁶ Se wɔɔ lɛɛ Mawu níhi ji wɔ. Nɔ tsuaa nɔ nɛ le Mawu ɔ, e buɔ wɔ tue; nihi nɛ kɛ Mawu be ɔ, mɛɛ a bui wɔ tue. Enɛ ɔ waa kɛ naa slɔɔto nɛ ngɛ anɔkuale mumi ɔ, kɛ lakpa mumi ɔ a kpɛti.

1 Yohane 4:6 ပူးပေါင်းရင်းမြစ်များ

Yohane 14:17

anɔkuale mumi ɔ nɛ je ɔ nyɛ we lɛ nɛ e ngɔ ɔ, mɛni he je ɔ, e nɛ́ lɛ, nɛ pohu e li lɛ; se nyɛɛ lɛɛ nyɛ le lɛ, ejakaa e kɛ nyɛ lɛ ngɛ, nɛ e maa hi nyɛ mi.

Yohane 10:27

Ye to ɔmɛ nuɔ ye gbi, nɛ i le mɛ, nɛ a nyɛɛ ye se,

Yohane 15:26

“Se Hepiɛlɔ ɔ, nɛ ma tsɔ lɛ nyɛ ngɔ kɛ je Tsɛ ɔ ngɔ ɔ, nɔ nɛ ji anɔkuale Mumi ɔ nɛ jee Tsɛ ɔ ngɔ baa a, lɛ nɛ ke e ba a, e maa ye ye he odase;

1 Yohane 4:1

Suɔli, nyɛ ko he mumi tsuaa mumi ngɔ ye, se mohu nyɛɛ ka mumi ɔmɛ nɛ nyɛɛ hyɛ kaa Mawu mi a je lo; ejakaa lakpa gbali fuu je kpo kɛ ba je ɔ mi.

1 Yohane 4:4

Bimɛ tsɔwi, nyɛɛ lɛɛ nyɛ je Mawu mi, nɛ nyɛ ye lakpa gbali ɔmɛ a nɔ kunimi; ejakaa mumi nɛ ngɛ nyɛ mi ɔ kle pe mumi nɛ ngɛ je ɔ mi ɔ.

Yohane 18:37

Lɔ ɔ he ɔ Pilato bi lɛ ke: “Lɛɛ matsɛ ji mo kɛ̃ lo?” Yesu he nɔ ke: “Jã o de ɔ nɛ; ejakaa matsɛ ji mi. Imi lɛɛ enɛ ɔ he a fɔ mi, nɛ enɛ ɔ he nɔuu i ba je ɔ mi ngɛ, konɛ ma ba ye anɔkuale ɔ he odase. Nɔ tsuaa nɔ nɛ je anɔkuale ɔ mi ɔ nuɔ ye gbi.”

1 Korintobi 14:37

Ke e peɔ nɔ ko kaa gbalɔ loo mumi mi nɔmlɔ ji lɛ ɔ, e sa nɛ e le kaa nɔ nɛ i ngma nyɛ nɛ ɔ, Nyɔmtsɛ ɔ kita ʼi;

2 Tesalonikabi 1:8

nɔ nɛ kɛ la nɛ ngɛ tsoe maa gbla nihi nɛ li Mawu kɛ nihi nɛ bui wa Mawetsɛ Yesu Kristo sane kpakpa a tue ɔmɛ a tue.

Yohane 16:13

se ke anɔkuale Mumi ɔ na ba a, e maa tsɔɔ nyɛ anɔkuale ɔ kulaa mi blɔ; ejakaa e be lɛ nitsɛ e yi mi toe kɛ tu munyu, se mohu nɔ́ tsuaa nɔ́ nɛ e maa nu ɔ, kɔlɔ ɔ e ma de, nɛ nihi nɛ ma a, e maa wo nɔ ta de nyɛ.

1 Yohane 4:8

Nɔ nɛ sume nɔ ɔ, e li Mawu; ejakaa Mawu ɔ suɔmi ji lɛ.

1 Timoteo 4:1

Mumi ɔ deɔ paa ke, nyagbe ligbi ɔmɛ a mi ɔ, ni komɛ ma kua hemi kɛ yemi ɔ, nɛ a ma ya nyɛɛ sisimi mumihi kɛ mumi yayamihi a tsɔɔmihi a se,

Yohane 13:20

I ngɛ nyɛ dee anɔkuale mi ke: Nɔ nɛ heɔ nɔ nɛ i tsɔ ɔ, imi nɔuu e heɔ ɔ nɛ. Nɛ nɔ nɛ heɔ mi ɔ, e heɔ nɔ nɛ tsɔ mi ɔ hulɔ.”

Yohane 8:19

Jeha nɛ ɔ a bi lɛ ke: “Jije o tsɛ ɔ ngɛ?” Yesu he nɔ ke: “Nyɛ li mi nɛ nyɛ pa li Tsaatsɛ. Kaa nyɛ le mi ɔ, nyɛ ko le Tsaatsɛ hulɔ.”

Luka 10:22

“Tsaatsɛ tu nihi tsuo kulaa ngɔ wo ye dɛ, nɛ nɔ ko li nɔ nɛ ji Bi ɔ, ja Tsɛ ɔ kɛkɛ, kɛ nɔ nɛ ji Tsɛ ɔ, ja Bi ɔ kɛ nɔ nɛ Bi ɔ suɔ kaa e je lɛ kpo ngɔ tsɔɔ ɔ.”

Yuda 1:17

Se, mamimɛ, nyɛɛ lɛɛ nyɛ kai munyuhi nɛ wa Mawetsɛ Yesu Kristo bɔfo ɔmɛ tu sa a;

2 Petro 3:2

I suɔ kaa nyɛ kai gbali klɔuklɔu ɔmɛ a munyuhi nɛ a tu sa a, kɛ Nyɔmtsɛ kɛ yi wami helɔ ɔ kita nɛ bɔfohi nɛ a tsɔ mɛ nyɛ ngɔ ɔ kɛ ha nyɛ ɔ.

2 Korintobi 10:7

Nyɛ ngɛ nihi hyɛe kaa bɔ nɛ a ngɛ ngɛ kpo nɔ. Ke nɔ ko ngɔɔ e hɛ fɔɔ lɛ nitsɛ e he nɔ kaa Kristo nɔ ji lɛ ɔ, e susu he ekohu, kaa bɔ nɛ lɛ nitsɛ e ji Kristo nɔ ɔ, ja nɔuu kɛ wɔ hu wa ji Kristo nihi.

Romabi 11:8

kaa bɔ nɛ a ngma a ke: “Mawu ngɔ kɔnuɛ demi mumi ko ngɔ fɔ a nɔ, hɛngmɛhi nɛ a kɛ hyɛ we nɔ, kɛ tuehi nɛ a kɛ nui nɔ kɛ ba su mwɔnɛ ligbi nɛ ɔ nɔ.”

Romabi 1:1

Womi nɛ ɔ je Paulo, nɛ ji Yesu Kristo sɔmɔlɔ kɛ bɔfo nɛ a tsɛ lɛ nɛ a je lɛ ngɔ to kɛ ha Sane Kpakpa a fiɛmi ɔ ngɔ.

Yohane 20:21

Jeha nɛ ɔ Yesu kpale de mɛ ekohu ke: “Nyɛ he manye! Bɔ nɛ Tsɛ ɔ tsɔ mi ɔ, ja imi hj i ngɛ nyɛ tsɔe ɔ nɛ.”

Yohane 10:16

I ngɛ to kpa komɛ nɛ ji to tsu nɛ ɔ mi; nɛ kɔlɔ ɔmɛ hu, ja i ngɔ mɛ kɛ ba, nɛ a ba nu ye gbi, nɛ to ɔmɛ pee kuu kake kɛ hyɛlɔ kake.

Yohane 8:23

Nɛ e de mɛ ke: “Nyɛɛ lɛɛ nyɛ je sisi nɛ ɔ, se imi lɛɛ hiɔwe i je. Nyɛɛ lɛɛ nyɛ je je nɛ ɔ mi, se imi lɛɛ i ji je nɛ ɔ mi.

Yohane 10:3

Lɛ, sinya nya hyɛlɔ ɔ bliɔ haa, nɛ to ɔmɛ nuɔ e gbi, nɛ e kɛ lɛ nitsɛ e to ɔmɛ a biɛ tsɛɛ mɛ, nɛ e kɛ mɛ jee kpo.

1 Yohane 5:19

Wa le kaa wa je Mawu mi nɛ je mluku ɔ tsuo ngɛ nɔ yayami ɔ sisi.