1 Yohane 4:21 - Somi He Ɔ

²¹ Kita nɛ ji nɔ nɛ waa kɛ je Kristo ngɔ, konɛ nɔ nɛ suɔ Mawu ɔ, e suɔ lɛ nitsɛ e nyɛmi hulɔ.

BAIBLO ALOO NGMAMI KLƆUKLƆU Ɔ

²¹ Mlaa nɛ Kristo wo wɔ ji nɔ tsuaa nɔ nɛ suɔ Mawu ɔ, e sa kaa e suɔ e nyɛmi hulɔ.

1 Yohane 4:21 ပူးပေါင်းရင်းမြစ်များ

1 Yohane 3:11

Ejakaa enɛ ɔ ji fiɛmi nɛ nyɛ nu kɛ je sisije ɔ kaa waa suɔ wa sibi;

1 Tesalonikabi 4:9

E hia we kaa ma ngma nyɛ ngɛ nyɛmimɛ a suɔmi he, ejakaa nyɛ nitsɛmɛ ɔ, Mawu tsɔɔ nyɛ kaa nyɛɛ suɔ nyɛ he;

1 Petro 3:8

Nyagbe ɔ, nyɛ tsuo nyɛɛ hɛɛ juɛmi kake, nyɛɛ na ha nyɛ sibi, nyɛɛ suɔ nyɛ he kaa nyɛmimɛ, nyɛ mi mi nɛ jɔ ha nyɛ sibi, nyɛɛ ba nyɛ he si.

Galatabi 5:14

Ejakaa mlaa mluku ɔ kulaa nɔ yemi ngɛ munyu kake nɛ ɔ mi ke: “Suɔ o nyɛmi kaa bɔ nɛ o suɔ mo nitsɛ o he.”

Yohane 15:12

Enɛ ɔ ji ye kita a, kaa nyɛɛ suɔ nyɛ sibi kaa bɔ nɛ i suɔ nyɛ ɔ.

1 Yohane 3:23

Nɛ enɛ ji e kitaa a nɛ, kaa wa he e Bi Yesu Kristo biɛ ɔ nɔ ngɔ ye, nɛ waa suɔ wa sibi, kaa bɔ nɛ e wo wɔ kita a.

1 Yohane 3:14

Wa le kaa wa po mi kɛ je gbenɔ mi kɛ ho wami mi ya, ejakaa wa suɔ wa nyɛmimɛ. Nɔ nɛ sume e nyɛmi ɔ, e hii gbenɔ mi.

1 Petro 4:8

Se titli ɔ, suɔmi nɛ nyɛɛ kɛ suɔ nyɛ he ɔ mi nɛ wa, ejakaa suɔmi haa yayamihi babauu nɔ.

Luka 10:37

E ha heto ke: “Nɔ nɛ na lɛ mɔbɔ ɔ.” Kɛkɛ nɛ Yesu de lɛ ke: “Mo hu yaa nɛ o ya pee ja nɔuu.”

1 Yohane 4:11

Mamimɛ, ke Mawu suɔ wɔ kikɛ ɔ, esa kaa wɔ hu waa suɔ wa sibi.

Galatabi 5:6

Ejakaa Kristo Yesu mi ɔ, pi nɔ pomi nɛ nyɛɔ nɔ́ ko peɔ, nɛ pi mɔmlɔtɔ hulɔ, se mohu hemi kɛ yemi nɛ guu suɔmi nɔ tsuɔ ni ɔ ʼi.

1 Yohane 3:18

Bimɛ tsɔwi, nyɛ ko ha waa suɔ nimli ngɛ munyu tutui mi loo ngɛ lilɛ nɔ kɛkɛ, se mohu ngɛ ni tsumi kɛ anɔkuale mi.

Mateo 5:43

“Tse nyɛ nu nɛ a de ke: ‘Suɔ o huɛ nɛ o nyɛ o henyɛlɔ.’

1 Yohane 2:7

Mamimɛ, pi kita he ko nɛ i ngɛ nyɛ ngmae nɛ ɔ, se mohu kita momo nɛ nyɛ ngɛ kɛ je sisije ɔ: Kita momo ɔ ji munyu nɛ nyɛ nu kɛ je sisije ɔ.