1 Yohane 4:17 - Somi He Ɔ

¹⁷ Enɛ ɔ mi suɔmi ɔ hi kɛ pi si ngɛ ngɛ wa mi, konɛ wa na kã ngɛ kojomi ligbi ɔ nɔ; ejakaa bɔ nɛ e ngɛ ɔ, jã wɔ hu wa ngɛ ngɛ je nɛ mi.

BAIBLO ALOO NGMAMI KLƆUKLƆU Ɔ

¹⁷ Suɔmi nɛ Mawu ngɛ kɛ ha wɔ ɔ mi wa wawɛɛ, bɔ nɛ pee nɛ kojomi ligbi ɔ, wa ko ye gbeye. Ejakaa wa je mi bami ngɛ kaa bɔ nɛ Kristo nitsɛ ba e je mi.

1 Yohane 4:17 ပူးပေါင်းရင်းမြစ်များ

1 Yohane 4:12

Mawu ɔ, nɔ ko nɛ́ lɛ hyɛ. Ke wa suɔ wa he ɔ, Mawu hii wa mi, nɛ e suɔmi ɔ hii kɛ pii si ngɛ wa mi.

1 Yohane 2:28

Nɛ jehanɛ, bimɛ tsɔwi, nyɛɛ hi e mi, konɛ e puemi ɔ mi ɔ, wa na kã nɛ zo ko gbe wɔ ngɛ e hɛ mi ngɛ e bami ɔ mi.

1 Yohane 3:3

Nɔ tsuaa nɔ nɛ ngɛ kikɛmɛ a hɛ kɛ nɔ fɔmi ngɛ Kristo mi ɔ peɔ e he klɔuklɔu kaa bɔ nɛ lɛ hu e ngɛ klɔuklɔu ɔ.

1 Yohane 2:5

Se nɔ tsuaa nɔ nɛ yeɔ e munyu ɔ nɔ ɔ, niinɛ, lɛ e mi Mawu suɔmi ɔ pi si ngɛ. Enɛ ɔ waa kɛ leɔ kaa wa ngɛ e mi.

Romabi 8:29

Ejakaa nihi nɛ e le mɛ momo ɔ, mɛ e je ngɔ to konɛ a subai nɛ hi kaa e bi ɔ nɔ ɔ, konɛ Bi ɔ e pee nyɛmimɛ fuu a kpɛti bi nɔkɔtɔma.

Yohane 15:20

Nyɛ hɛ nɛ hi munyu nɛ i tu nyɛ ɔ nɔ ke: ‘Nyɔguɛ pa we e nyɔmtsɛ.’ Ke a wa mi yi mi ɔ, a maa wa nyɛ hu yi mi; ke a ye ye munyu ɔ nɔ ɔ, a maa ye nyɛ hu nyɛ nɔ ɔ nɔ.

1 Yohane 3:1

Nyɛɛ hyɛ suɔmi abɔ sɔuu nɛ Tsɛ ɔ kɛ suɔ nyɛ, kaa a tsɛ wɔ Mawu bimɛ nɛ wa ji nɛ! Enɛ he ɔ, je ɔ li wɔ, ejakaa e li lɛ hulɔ.

2 Petro 3:7

Se hiɔwe kɛ zugba nɛ ngɛ nɛ ɔ, lɛ nɔuu e munyu lɛ hɛɛ mɛ kɛ to ha la, nɛ a kɛ mɛ to kɛ yaa su kojomi kɛ nimli nɛ kua Mawu ɔ a hɛ mi kpatami ligbi ɔ.

2 Petro 2:9

Lɔ ɔ he ɔ, Nyɔmtsɛ ɔ le bɔ nɛ e peɔ nɛ e jeɔ dali ngɛ ka mi, kɛ bɔ nɛ e peɔ nɛ e haa nimli yayamihi hii piimi mi kɛ maa su kojomi ligbi ɔ nɔ,

Yakobo 2:22

Tse o na kaa hemi kɛ yemi kɛ e ni tsumi ɔmɛ nɛ nyɛɛ, nɛ e ni tsumi ɔmɛ a mi e je nɛ e hemi kɛ yemi ɔ hi kɛ pi si ɔ nɛ,

Mateo 12:36

“Se i ngɛ nyɛ dee ke, yaka munyu tsuaa yaka munyu nɛ nimli tuɔ ɔ, a maa bu he akɔɔtaa ngɛ kojomi ligbi ɔ nɔ.

Mateo 11:24

Se i ngɛ nyɛ dee ke, e be wae ha Sodom zugba a ngɛ kojomi ligbi ɔ nɔ kaa mo Kapernaum.”

Mateo 11:22

Se i ngɛ nyɛ dee ke, e be wae ha Tiro kɛ Zidon ngɛ kojomi ligbi ɔ nɔ kaa nyɛ.

Mateo 10:25

E hiɛ kaa kaselɔ maa pee kaa e tsɔɔlɔ, nɛ nyɔguɛ hu maa pee kaa e nyɔmtsɛ. Ke a tsɛ wetsɛ ɔ Beelzebul ɔ, e webi ɔmɛ lɛɛ si enyɛmɛ a be mɛ tsɛe ja?”

Mateo 10:15

Niinɛ, i ngɛ nyɛ dee ke: E be wae ha Sodom kɛ Gomora zugba a ngɛ kojomi ligbi ɔ nɔ kaa jamɛ a ma a.”

Yakobo 2:13

Ejakaa kojomi mi ɔ, nɔ nɛ nɛ́ mɔbɔ ɔ, a be lɛ mɔbɔ nae; mɔbɔ nalɔ yi kojomi gbeye.

Yohane 17:22

Nɛ hɛ mi nyami nɛ o ngɔ ha mi ɔ, i ngɔ ha mɛ, konɛ sa pee kake, kaa bɔ nɛ wɔ hu wa ngɛ kake ɔ.

Hebribi 9:27

Nɛ be abɔ nɛ e fɔɔ si ha nimli kaa si kake a gboɔ nɛ lɔ ɔ se ɔ a maa kojo mɛ ɔ,

1 Yohane 2:6

Nɔ nɛ deɔ ke e ngɛ Mawu mi ɔ, bɔ nɛ Yesu Kristo nyɛɛ ɔ, lɛ hu e nyɛɛ ja nɔuu.

1 Yohane 3:7

Bimɛ tsɔwi, nyɛ ko ha nɛ nɔ ko nɛ mlɔɔ nyɛ. Nɔ nɛ tsuɔ dami nihi ɔ, dalɔ ji lɛ, kaa bɔ nɛ Kristo hu ji dalɔ ɔ.