1 Yohane 4:14 - Somi He Ɔ

¹⁴ Nɛ wɔɔ lɛɛ wa na, nɛ wa ngɛ odase yee kaa Tsɛ ɔ tsɔ e Bi ɔ kaa je ɔ yi wami helɔ.

BAIBLO ALOO NGMAMI KLƆUKLƆU Ɔ

¹⁴ Wa na enɛ ɔ, nɛ wa ngɛ odase yee kaa Tsɛ ɔ tsɔ e Bi ɔ kɛ ba kaa je ɔ yi wami helɔ.

1 Yohane 4:14 ပူးပေါင်းရင်းမြစ်များ

1 Yohane 4:10

Enɛ ɔ mi suɔmi ɔ ngɛ: pi kaa wɔ iɛ wa suɔ Mawu se mohu kaa lɛ nɛ e suɔ wɔ, nɛ e tsɔ e Bi ɔ ke e ba pee wa he yayami ɔmɛ a he kpatami nɔ.

Yohane 4:42

nɛ a de yo ɔ ke: “Jeha nɛ ɔ wa ngɛ hee ngɛ yee, pi ngɛ o munyu ɔ nya hu; ejakaa wɔ nitsɛmɛ wa nu, nɛ wa na le kaa, niinɛ, nɔ nɛ ɔ ji je ɔ yi wami helɔ nɛ ji Kristo ɔ nɛ.”

Yohane 1:14

Nɛ Munyu ɔ plɛ he lo, nɛ e ba hi wa kpɛti, nɛ wa na e hɛ mi nyami ɔ kaa Tsɛ ɔ Bi kaketoo ɔ hɛ mi nyami, nɛ dloomi kɛ anɔkuale hyi lɛ tɔtɔɔtɔ.

Yohane 1:29

E nɔ je na a, Yohane na Yesu ma e ngɔ nɛ e ke: “Oʼɛ Mawu To bi ɔ nɛ woɔ je ɔ he yayami ɔ kɛ yaa a!

1 Yohane 5:9

Ke wa he nimli a odase ɔ, Mawu odase ɔ kle pe kɔlɔ ɔ; nɛ enɛ ji odase nɛ Mawu ye ngɛ e Bi ɔ he.

1 Petro 5:12

I gu wa nyɛmi Silvano nɛ ji anɔkualetsɛ kaa bɔ nɛ i buu lɛ ɔ nɔ ngma nyɛ bɔɔ nɛ ɔ i kɛ ngɛ munyu tue kɛ ngɛ nyɛ tsɔɔe, nɛ i ngɛ odase yee kɛ ngɛ se fiee kaa enɛ ɔ ji Mawu anɔkuale dloomi ɔ nɛ; nyɛɛ da si ngɛ mi.

Yohane 12:47

Nɛ ke nɔ ko nu ye munyu nɛ e yi nɔ ɔ, tsa pi imi nɛ ma kojo lɛ, ejakaa i bɛ nɛ ma ba kojo je ɔ, se mohu i ba nɛ ma ba he je ɔ yi wami.

Yohane 5:39

Nyɛ hla ngmami ɔmɛ a mi; ejakaa nyɛ nitsɛmɛ nyɛ susuu kaa kɔlɔ ɔmɛ a mi nyɛ naa neneene wami ngɛ, nɛ kɔlɔ ɔmɛ nɔuu ji nihi nɛ yeɔ ye he odase ɔ nɛ.

Yohane 3:34

Ejakaa nɔ nɛ Mawu tsɔ ɔ, Mawu munyu e tuɔ; ejakaa Mawu haa lɛ e Mumi ɔ faa.

Ni Tsumi 18:5

Benɛ Sila kɛ Timoteo je Makedonia ba a, munyu ɔ nyɛ Paulo nɔ, nɛ e ye odase veveeve ngɔ tsɔɔ Yudafo ɔmɛ ke Yesu ji Kristo ɔ nɛ.

Yohane 10:36

nyɛ ngɛ dee ngɛ nɔ nɛ Tsɛ ɔ pee lɛ klɔuklɔu nɛ e tsɔ lɛ kɛ ba je ɔ mi ɔ he ke: ‘O bɔ musu;’ mɛni he je ɔ, i de ke: Mawu bi ji mi ɔ lo?

Yohane 3:32

nɛ nɔ́ nɛ e na nɛ e nu ɔ, lɔ ɔ he odase e yeɔ; nɛ nɔ ko nɔ ko ngɔɛ e odase ɔ.

Yohane 3:11

I ngɛ mo dee anɔkuale mi ke: Nɔ́ nɛ wa le ɔ, kɔlɔ ɔ wa deɔ; nɛ nɔ́ nɛ wa na a, kɔlɔ ɔ he odase wa yeɔ, se nyɛ ngɔɛ wa odase ɔ.