1 Yohane 3:8 - Somi He Ɔ

⁸ Nɔ nɛ peɔ yayami ɔ, e je abosiami mi, ejakaa kɛ je sisije lokoo nɛ abosiami pee yayami. Enɛ ɔ he nɛ Mawu Bi ɔ je e he kpo konɛ e puɛ abosiami ni tsumi ɔmɛ ɔ nɛ.

BAIBLO ALOO NGMAMI KLƆUKLƆU Ɔ

⁸ Nɔ nɛ peeɔ yayami lɛɛ Abosiami bi ji lɛ, ejakaa kɛ je sisije tɔɔ nɛ Abosiami bɔni yayami peemi. Enɛ ɔ he tutuutu nɛ Mawu Bi ɔ ba a nɛ, konɛ níhi nɛ Abosiami tsu ɔ, e ba kpata lɛ tsuo hɛ mi.

1 Yohane 3:8 ပူးပေါင်းရင်းမြစ်များ

Hebribi 2:14

Lɔ ɔ he ɔ akɛnɛ bimɛ ɔmɛ hɛɛ he lo kɛ muɔ he je ɔ, lɛ hu e ngɔ kɔlɔ ɔ nɔuu eko kaa mɛ, konɛ e gu gbenɔ nɔ kɛ kpata nɔ nɛ ngɛ gbenɔ nɔ he wami nɛ ji abosiami ɔ hɛ mi,

Yohane 8:44

Nyɛɛ lɛɛ, nyɛ tsɛ nɛ nyɛ je e mi ji abosiami, nɛ nyɛ tsɛ ɔ tsui nya ni nyɛ suɔ kaa nyɛɛ pee. Lɛɛ nɔ gbelɔ ji lɛ kɛ je blema, nɛ e hi si ngɛ anɔkuale ɔ mi, ejakaa anɔkuale be e mi. Ke e ngɛ lakpa yee ɔ, lɛ nitsɛ e nihi a he munyu e tuɔ, ejakaa lakpatsɛ kɛ nya ngɔli a tsɛ ji lɛ.

Kolosebi 2:15

E kplɔ nɔkɔtɔma yemihi kɛ he blɔ ɔmɛ a he nihi, nɛ e bɔ mɛ ahlua pãa, nɛ e sã mɛ kɛ nyɛɛ e se ngɛ e kunimi yemi ɔ mi.

Romabi 16:20

Se e be kɛe nɛ he jɔmi Mawu ɔ maa naa Satan nɔ kulaa ngɛ nyɛ nane si. Wa Nyɔmtsɛ Yesu Kristo dloomi ɔ kɛ nyɛ nɛ hi si!

Yohane 16:11

kojomi he, ejakaa a kojo je ɔ mi matsɛ ɔ.

Yohane 12:31

Jeha nɛ ɔ je nɛ ɔ mi kojomi ɔ su; kpaako a maa hia je nɛ ɔ mi matsɛ ɔ ngɔ sake ngɔ fɔ he.

2 Petro 2:4

Ejakaa Mawu ngɔɛ bɔfohi nɛ pee yayami ɔmɛ a he ngɔ ki mɛ, se mohu e tsitsɛɛ mɛ wo gbeje muɔ mi, he nɛ a fi mɛ kɛ diblii kpa ngɔ to ha kojomi.

Marko 1:24

“Mɛni o ngɛ hlae ngɛ wa dɛ, Yesu Nazareno? O ma wa hɛ mi kpatami lo? I le nɔ nɛ ji mo: Mo ji Tsɔlɔ Klɔuklɔu nɛ je Mawu ngɔ ɔ nɛ!”

Efesobi 2:2

Jamɛ a be ɔ mi ɔ, nyɛ nyɛɛ ngɛ je nɛ ɔ mi kɔɔhiɔ mi he wami ɔ nɔ yelɔ, nɛ ji mumi nɛ tsuɔ ni mwɔnɛmwɔnɛ ngɛ tuegbenɔ bihi a mi ɔ su ɔ nya;

Luka 10:18

Se e de mɛ ke: “I na Satan kaa oslaba nɛ tsɔ kɛ je hiɔwe ba nɔ si.

1 Yohane 3:10

Enɔ mi nɛ slɔɔto nɛ ngɛ Mawu bimɛ kɛ abosiami bimɛ a kpɛti ɔ jeɔ e he si paa ngɛ. Nɔ tsuaa nɔ nɛ tsu we dami nihi ɔ, nɛ e sume e nyɛmi hulɔ ɔ, pi Mawu bi ji lɛ.

Mateo 13:38

ngmɔ ɔ ji je nɛ ɔ mi; dumi ni kpakpa amɛ ji matsɛ yemi mi bimɛ ɔmɛ; hu ɔ ji nɔ yayami ɔ bimɛ ɔmɛ;

Kpojemi 20:10

Nɛ Abosiami ɔ nɛ sisi mɛ ɔ, a ngɔ lɛ ngɔ wo la gligliigli taku ɔ mi, he nɛ lohwe ɔ kɛ lakpa gbalɔ ɔ hu ngɛ ɔ, nɛ a ma pii mɛ nyɔ kɛ pia kɛ maa ya neneene kɛ neneene.

1 Yohane 5:19

Wa le kaa wa je Mawu mi nɛ je mluku ɔ tsuo ngɛ nɔ yayami ɔ sisi.

1 Yohane 3:5

Nɛ nyɛ le kaa Kristo je e he kpo konɛ e wo wa he yayami ɔmɛ kɛ ho, nɛ yayami ko be e mi.

Kpojemi 20:15

Nɛ ke nɔ ko ngɛ nɛ a nɛ́ kaa a ngma e biɛ ngɛ wami womi ɔ mi ɔ, a sakee lɛ ngɔ fɔɔ la taku ɔ mi.

Yuda 1:6

Nɛ hiɔwe bɔfohi hu nɛ hɛɛ we mɛ nitsɛmɛ a nɔkɔtɔma yemi ɔ mi, se mohu a je mɛ nitsɛmɛ a si himi he ɔ, e kɛ neneene kpahi fi mɛ ngɔ to diblii tsitsliitsli mi ha Ligbi ngua a nɔ kojomi ɔ.

Mateo 4:3

Nɛ nya tsɔlɔ ɔ ba e ngɔ ba de lɛ ke: “Ke Mawu bi ji mo ɔ, de konɛ tɛ nɛ ɔmɛ nɛ plɛ abolo.”

Mateo 12:28

Se ke imi lɛɛ, Mawu Mumi ɔ nya i hiaa mumi yayami ɔmɛ ngɛ ɔ, lɔ ɔ lɛɛ pe Mawu matsɛ yemi ɔ na nyɛ nɛ ɔ nɛ.

1 Timoteo 3:16

Nɔ jemi be he kaa Mawu jami laami sane ɔ, e mi kuɔ. Mawu je e he si paa ngɛ he lo mi, E ye nguɔ ngɛ mumi mi, E je e he kpo ngɔ tsɔɔ bɔfohi, A fiɛ lɛ ngɛ majeli a kpɛti, A he e nɔ ye ngɛ je mi, A ngɔ lɛ kɛ ho hiɔwe ya ngɛ nyami mi.

Hebribi 9:26

ejakaa ke ja a, jinɛ sa kaa e na amanehlu kpiti kpiti kɛ je je mi siiije lokoo; se jehanɛ ɔ, si kake kɛkɛ a je lɛ kpo ngɛ je mi be ɔmɛ a nyagbe mi, konɛ e ngɔ lɛ nitsɛ e he nɛ e kɛ sa bɔ ɔ kɛ je yayami ɔ.

1 Yohane 1:2

Nɛ wami ɔ je e he kpo ngɔ tsɔɔ: nɛ wa na, nɛ wa yeɔ he odase, nɛ wa jajeɔ neneene wami ɔ, nɔ nɛ kɛ Tsɛ ɔ ngɛ nɛ e je e he kpo tsɔɔ wɔ ɔ he sane ɔ ngɔ tsɔɔ nyɛ.