1 Yohane 3:5 - Somi He Ɔ

⁵ Nɛ nyɛ le kaa Kristo je e he kpo konɛ e wo wa he yayami ɔmɛ kɛ ho, nɛ yayami ko be e mi.

BAIBLO ALOO NGMAMI KLƆUKLƆU Ɔ

⁵ Nyɛ le kaa Kristo ba, konɛ e ba wó wa he yayami ɔmɛ kɛ ho. Nyɛ le hulɔ kaa Kristo ɔ, yayami ko be e he.

1 Yohane 3:5 ပူးပေါင်းရင်းမြစ်များ

2 Korintobi 5:21

Ejakaa nɔ nɛ li yayami ɔ, wa he ɔ Mawu ha e plɛ yayami, konɛ wɔɔ lɛɛ wa plɛ Mawu dami ngɛ e mi.

Hebribi 9:28

ja nɔuu Kristo hu, a ngɔ lɛ ngɔ ha si kake, konɛ e tloo nihi fuu a he yayami kɛ ho. E ma je e he kpo nɔ́ nɛ ji si enyɔ, pi ngɛ yayami he, se mohu konɛ e ba he ninɛmɛ nɛ ngɛ lɛ blɔ hyɛe ɔ a yi wami.

1 Petro 3:18

Ejakaa Kristo nitsɛ hu na amanehlu si kake nyɔngloo ngɛ yayamihi a he, lɛ dalɔ ɔ, ngɛ nihi nɛ dɛ ɔmɛ a nane mi, konɛ e kɛ wɔ nɛ ya Mawu ngɔ. A gbe lɛ ngɛ he lo blɔfami mohu, se a ha lɛ wami ngɛ mumi blɔfami.

1 Petro 2:24

Yesu nitsɛ tloo wa he yayami ɔmɛ ngɛ e nɔmlɔ tso ɔ hi kɛ ya sɛumi tso ɔ nɔ, konɛ wa gbo ha yayami nɛ wa hɛ hi ngmengmle ha dami, nɔ nɛ he pahi nɛ a kɛ tsa nyɛ ɔ.

Hebribi 9:26

ejakaa ke ja a, jinɛ sa kaa e na amanehlu kpiti kpiti kɛ je je mi siiije lokoo; se jehanɛ ɔ, si kake kɛkɛ a je lɛ kpo ngɛ je mi be ɔmɛ a nyagbe mi, konɛ e ngɔ lɛ nitsɛ e he nɛ e kɛ sa bɔ ɔ kɛ je yayami ɔ.

Yohane 1:29

E nɔ je na a, Yohane na Yesu ma e ngɔ nɛ e ke: “Oʼɛ Mawu To bi ɔ nɛ woɔ je ɔ he yayami ɔ kɛ yaa a!

Kpojemi 1:5

nɛ kɛ je Yesu Kristo, nɛ ji odaseyelɔ anɔkualetsɛ ɔ, ni gbogboehi a kpɛti kekleekle bi kɛ zugba a nɔ matsɛmɛ ɔmɛ a nɔyelɔ ɔ dɛ mi. Nɔ nɛ suɔ wɔ, nɛ e kɛ lɛ nitsɛ e muɔ tsukɔ wa he kɛ je wa he yayami ɔmɛ a mi,

1 Yohane 1:7

Se ke wa nyɛɛ ngɛ la a mi, kaa bɔ nɛ lɛ nitsɛ e ngɛ la a mi ɔ, lɔ ɔ lɛɛ waa kɛ wa he ngɛ huɛ bɔe, nɛ e Bi Yesu Kristo muɔ ɔ tsukɔɔ wa he kɛ jee yayami tsuaa yayami mi.

1 Yohane 1:2

Nɛ wami ɔ je e he kpo ngɔ tsɔɔ: nɛ wa na, nɛ wa yeɔ he odase, nɛ wa jajeɔ neneene wami ɔ, nɔ nɛ kɛ Tsɛ ɔ ngɛ nɛ e je e he kpo tsɔɔ wɔ ɔ he sane ɔ ngɔ tsɔɔ nyɛ.

Tito 2:14

nɔ nɛ ngɔ nitsɛ e he ngɔ ha ngɛ wa nane mi, konɛ e kpɔ wɔ kɛ je nɔ tɔmi kulaa mi, nɛ e tsukɔ wa he ngɔ pee lɛ nitsɛ e ma klɔuu nɛ hɛ dɔɔ ngɛ ni tsumi kpakpahi a he.

1 Petro 2:22

lɛ nɔ nɛ e pee we yayami nɛ jeha nɛ hu lakpa ko ji e nya mi ɔ,

Hebribi 1:3

nɔ hu nɛ ji e hɛ mi nyami ɔ kpɛmi ɔ su ɔ henɔ, nɛ e kɛ lɛ nitsɛ e he wami munyu ɔ hɛɔ nihi kulaa a, benɛ e tsukɔ wa he kɛ je wa he yayami ɔmɛ a mi ɔ, e ho ya hi si ngɛ hɛ mi nyamitsɛ agbo ɔ hiɛ ɔ nɔ ngɛ hiɔwe.

1 Timoteo 1:15

E ji anɔkuale munyu nɛ sa kaa a pɛtɛ he kulaa, kaa Kristo Yesu ba je nɛ ɔ mi, nɛ e ba he yayami peeli a yi wami, nihi a kpɛti nɛ imi ji titima a;

Mateo 1:21

e ma fɔ binyumu, nɛ o maa wo lɛ biɛ ke Yesu, ejakaa e ma he e ma a yi wmai kɛ je a he yayami ɔmɛ a mi.”

1 Yohane 2:1

Ye bimɛ tsɔwi, i ngɛ nyɛ ni nɛ ɔmɛ ngmae, konɛ nyɛ ko pee yayami. Se ke nɔ ko pee yayami po hu ɔ, wa ngɛ mi dalɔ ngɛ Tsɛ ɔ ngɔ, Yesu Kristo, dalɔ ɔ;

1 Petro 1:20

A hla lɛ momo sa loko a to je ɔ sisi, se e a je lɛ kpo ngɛ be ɔmɛ a nyagbe mi ngɛ nyɛ he.

Hebribi 4:15

Ejakaa wa osɔfo nɔkɔtɔma nɛ wa ngɛ ɔ, e pi nɔ nɛ be nyɛe maa nu wa gbɔjɔmi ɔmɛ a he ha wɔ, se e ji nɔ ko nɛ a ka lɛ ngɛ nihi kulaa blɔfami kaa wɔ, nɛ kɛ̃ ɔ yayami ko yayami ko be e he.

Hebribi 7:26

Yesu ji Osɔfo nɔkɔtɔma nɛ sa wɔ pɛ: nɔ nɛ he tsɔ, nɛ yayami ko be e he, nɛ e he be piami ko, nɛ e tsɔ e he kɛ je yayami peeli a he, nɛ a wo e nɔ kɛ be hiɔwe, he;

1 Timoteo 3:16

Nɔ jemi be he kaa Mawu jami laami sane ɔ, e mi kuɔ. Mawu je e he si paa ngɛ he lo mi, E ye nguɔ ngɛ mumi mi, E je e he kpo ngɔ tsɔɔ bɔfohi, A fiɛ lɛ ngɛ majeli a kpɛti, A he e nɔ ye ngɛ je mi, A ngɔ lɛ kɛ ho hiɔwe ya ngɛ nyami mi.

Yohane 14:30

I kɛ nyɛ be munyu tue fuu hu, ejakaa je ɔ mi matsɛ ɔ ma, se e be he wami ko nyɛ nyɛ nɔ.

Yohane 8:46

Nyɛ ti mɛnɔ buu mi fɔ ngɛ yayami ko he? Se ke anɔkuale i tuɔ ɔ, mɛni he je nyɛ he we mi yi ɔ?

Yohane 1:31

Nɛ imi lɛɛ i li lɛ, se mohu bene pee nɛ a je lɛ kpo ngɔ tsɔɔ Israel he je nɛ i ba ngɛ baptisie ngɛ nyu mi nɔ nɛ.”

Luka 23:47

Se benɛ aslaafohi lafa a nya tsɛ ɔ na nɔ nɛ a pee ɔ, e wo Mawu hɛ mi nyami nɛ e ke: “E ngɛ mi niinɛ kaa kikɛmɛ a nyumu nɛ ɔ ɔ dalɔ ʼi!”

Luka 23:41

Wɔɔ lɛɛ wa nɔ ɔ sa wɔ, ejakaa wa ni peemi nihi a he hiɔwo wa na a nɛ; se nɔ nɛ ɔ lɛɛ e pee we nɔ ko nɛ sɛ́.”

1 Petro 1:18

Nyɛ le kaa pi nihi nɛ puɛɔ, kaa juɛtɛɛ loo sika tsu, a kɛ kpɔ nyɛ kɛ je nyɛ yakayaka je mi bami nɛ nyɛ na kɛ je nyɛ tsɛmɛ ɔmɛ a ngɔ ɔ mi,

1 Yohane 2:2

iɛ ji wa he yayami ɔmɛ a he kpatami nɔ́; se pi ngɛ wa nɔ́ ɔ kɛkɛ he, se mohu je mluku ɔ tsuo nɔ́ ɔ he hulɔ.

1 Yohane 2:29

Ke nyɛ le kaa dalɔ ji Kristo ɔ, nyɛ na nɛ nyɛɛ le kaa nɔ tsuaa nɔ nɛ ytsuɔ dami ni ɔ, Mawu bi ji lɛ.

1 Yohane 3:8

Nɔ nɛ peɔ yayami ɔ, e je abosiami mi, ejakaa kɛ je sisije lokoo nɛ abosiami pee yayami. Enɛ ɔ he nɛ Mawu Bi ɔ je e he kpo konɛ e puɛ abosiami ni tsumi ɔmɛ ɔ nɛ.