1 Yohane 3:24 - Somi He Ɔ

²⁴ Nɔ nɛ yeɔ e kita amɛ a nɔ ɔ hii Mawu mi, nɛ Mawu hu hii emi. Nɛ nɔ́ nɛ waa kɛ leɔ kaa e hii wa mi ji mumi nɛ e ngɔ ha wɔ ɔ.

BAIBLO ALOO NGMAMI KLƆUKLƆU Ɔ

²⁴ Nɔ tsuaa nɔ nɛ yeɔ Mawu mlaa amɛ a nɔ ɔ, e hii Mawu mi, nɛ Mawu hu hii e mi. Nɛ mumi ɔ nɛ Mawu ha wɔ ɔ he je ɔ, wa le kaa Mawu ngɛ wa mi.

1 Yohane 3:24 ပူးပေါင်းရင်းမြစ်များ

1 Korintobi 3:16

Anɛ nyɛ li kaa Mawu sɔlemi tsu ji nyɛ nɛ Mawu Mumi ɔ hii nyɛ mi lo?

2 Timoteo 1:14

Ni kpakpahi nɛ a tu wo o dɛ ɔ buu he ngɛ Mumi Klɔuklɔu nɛ hii wa mi ɔ he wami nya!

1 Yohane 2:6

Nɔ nɛ deɔ ke e ngɛ Mawu mi ɔ, bɔ nɛ Yesu Kristo nyɛɛ ɔ, lɛ hu e nyɛɛ ja nɔuu.

1 Korintobi 6:19

Anɛ nyɛ li kaa nyɛ nɔmlɔ tso ɔ Mumi Klɔuklɔu nɛ ngɛ nyɛ mi nɛ nyɛ na kɛ je Mawu ngɔ ɔ sɔlemi tsu ʼi, nɛ nyɛ pi nyɛ nitsɛmɛ nyɛ nɔ lo?

1 Yohane 4:7

Mamimɛ, nyɛ ha waa suɔ wa sibi, ejakaa suɔmi ɔ Mawu mi e je, nɛ nɔ tsuaa nɔ nɛ suɔ nɔ ɔ, Mawu bi ji lɛ, nɛ e le Mawu.

Yohane 17:21

Konɛ mɛ tsuo a pee kake, kaa bɔ nɛ mo, Tsaatsɛ, o ngɛ ye mi nɛ imi hu i ngɛ o mi ɔ, konɛ mɛ hu a pee kake ngɛ wa mi, konɛ je ɔ nɛ he ye kaa mo lɛ o tsɔ mi.

1 Yohane 3:22

Nɛ nɔ́ tsuaa nɔ́ nɛ wa baa iɛ ɔ, wa naa kɛ jee e dɛ mi, ejakaa e kita amɛ ɔ, wa yeɔ nɔ, nɛ wa peɔ nihi nɛ sa e hɛ mi.

2 Korintobi 6:16

Nɛ jehanɛ hu, mɛni kake peemi Mawu sɔlemi we ɔ kɛ amagahi ngɛ? Ejakaa Mawu hɛ kalɔ ɔ sɔlemi tsu ji nyɛ, kaa bɔ nɛ Mawu de ke: “Ma hi a mi, nɛ ma nyɛɛ a kpɛti, Nɛ ma pee a Mawu, nɛ mɛ hu a maa pee ye ma.”

Yohane 10:38

se ke i tsuɔ ɔ, nɛ kɛ̃ ɔ nyɛ he we mi yi ɔ, lɛɛ nyɛ he ni tsumi ɔmɛ ye mɔ, konɛ nyɛɛ le nɛ nyɛ he ye kaa Tsɛ ɔ ngɛ ye mi, nɛ imi hu i ngɛ Tsɛ ɔ mi.”

Yohane 14:17

anɔkuale mumi ɔ nɛ je ɔ nyɛ we lɛ nɛ e ngɔ ɔ, mɛni he je ɔ, e nɛ́ lɛ, nɛ pohu e li lɛ; se nyɛɛ lɛɛ nyɛ le lɛ, ejakaa e kɛ nyɛ lɛ ngɛ, nɛ e maa hi nyɛ mi.

1 Tesalonikabi 4:8

Lɔ ɔ he ɔ jehanɛ, nɔ nɛ bui tsɔɔmi nɛ ɔ ɔ, pi nɔmlɔ ko nɛ e bui ɔ, se mohu Mawu nɔ nɛ ngɔ e Mumi Klɔuklɔu ɔ ngɔ wo nyɛ mi ɔ ʼi.

1 Yohane 2:3

Nɛ enɛ ɔ waa kɛ maa nɔ mi kaa wa le lɛ, ke wa yeɔ e kita amɛ a nɔ ɔ.

1 Yohane 2:5

Se nɔ tsuaa nɔ nɛ yeɔ e munyu ɔ nɔ ɔ, niinɛ, lɛ e mi Mawu suɔmi ɔ pi si ngɛ. Enɛ ɔ waa kɛ leɔ kaa wa ngɛ e mi.

1 Yohane 2:24

Lɔ ɔ he ɔ, nyɛɛ lɛɛ, nɔ́ nɛ nyɛ nu kɛ je sisije ɔ, nyɛ ha kɔlɔ ɔ nɛ hi nyɛ mi. Ke nɔ́ nɛ nyɛ nu kɛ je sisije ɔ ngɛ nyɛ mi ɔ, lɔ ɔ lɛɛ nyɛ hu nyɛ maa hi Bi ɔ kɛ Tsɛ ɔ mi.