1 Yohane 3:23 - Somi He Ɔ

²³ Nɛ enɛ ji e kitaa a nɛ, kaa wa he e Bi Yesu Kristo biɛ ɔ nɔ ngɔ ye, nɛ waa suɔ wa sibi, kaa bɔ nɛ e wo wɔ kita a.

BAIBLO ALOO NGMAMI KLƆUKLƆU Ɔ

²³ Nɔ́ nɛ e fa wɔ ke waa pee ji kaa wa he e Bi Yesu Kristo waa ye, nɛ waa suɔ wa sibi kaa bɔ nɛ Kristo fa wɔ ɔ.

1 Yohane 3:23 ပူးပေါင်းရင်းမြစ်များ

Yohane 13:34

Kita he i ngɛ nyɛ woe, kaa nyɛɛ suɔ nyɛ he. Kaa bɔ nɛ i suɔ nyɛ ɔ, jã nyɛ hu nyɛɛ suɔ nyɛ he.

1 Petro 1:22

Jehanɛ, akɛnɛ nyɛ tsukɔ nyɛ klaa amɛ a he ngɛ anɔkuale tue bumi mi ha nyɛmimɛ a he dɔmi nɛ lakpa be mi he je ɔ, nyɛɛ kɛ tsui klɔuu nɛ suɔ nyɛ he saminya.

Yohane 15:12

Enɛ ɔ ji ye kita a, kaa nyɛɛ suɔ nyɛ sibi kaa bɔ nɛ i suɔ nyɛ ɔ.

Yohane 6:29

Yesu he nɔ nɛ e de mɛ ke: “Mawu ni tsumi ɔ ji nɛ ɔ nɛ, kaa nyɛ he nɔ nɛ e tsɔ ɔ nɔ ngɔ ye.”

1 Petro 4:8

Se titli ɔ, suɔmi nɛ nyɛɛ kɛ suɔ nyɛ he ɔ mi nɛ wa, ejakaa suɔmi haa yayamihi babauu nɔ.

1 Yohane 3:11

Ejakaa enɛ ɔ ji fiɛmi nɛ nyɛ nu kɛ je sisije ɔ kaa waa suɔ wa sibi;

1 Yohane 4:21

Kita nɛ ji nɔ nɛ waa kɛ je Kristo ngɔ, konɛ nɔ nɛ suɔ Mawu ɔ, e suɔ lɛ nitsɛ e nyɛmi hulɔ.

1 Tesalonikabi 4:9

E hia we kaa ma ngma nyɛ ngɛ nyɛmimɛ a suɔmi he, ejakaa nyɛ nitsɛmɛ ɔ, Mawu tsɔɔ nyɛ kaa nyɛɛ suɔ nyɛ he;

Efesobi 5:2

nɛ nyɛɛ nyɛɛ ngɛ suɔmi mi kaa bɔ nɛ Kristo hu suɔ wɔ nɛ e ngɔ lɛ nitsɛ e he ngɔ ha ngɛ wa he kaa nɔ́ke nɔ́ kɛ bɔ nɛ he via nɛ a kɛ ha Mawu.

Marko 9:7

Nɛ bɔku ko ba ha a nɔ, nɛ gbi ko je bɔku ɔ mi de ke: “Nɔ nɛ ɔ ji ye suɔmi bi ɔ nɛ, nyɛɛ bu lɛ tue!”

Mateo 22:39

Nɛ nɔ nɛ nyɛɛ se ɔ ngɛ kaa kɔlɔ ɔ ke: ‘Suɔ o nyɛmi nɔmlɔ kaa bɔ nɛ o suɔ mo nitsɛ o he.’

Ni Tsumi 16:31

Nɛ a ke: “He Nyɔmtsɛ Yesu Kristo nɔ ngɔ ye, nɛ a ma he o kɛ o we ɔ kulaa yi wami.”

Yohane 17:3

Se enɛ ɔ ji neneene wami ɔ nɛ, kaa a le mo, anɔkuale Mawu kake ɔ, kɛ Yesu Kristo nɔ nɛ o tsɔ ɔ.

Yohane 14:1

“Nyɛ ko ye nyɛ tsui; nyɛ he Mawu nɔ nyɛɛ ye, nɛ imi hu nyɛ he ye nɔ nyɛɛ ye.

1 Timoteo 1:15

E ji anɔkuale munyu nɛ sa kaa a pɛtɛ he kulaa, kaa Kristo Yesu ba je nɛ ɔ mi, nɛ e ba he yayami peeli a yi wami, nihi a kpɛti nɛ imi ji titima a;

Yohane 1:12

Se nihi abɔ nɛ he lɛ ɔ, nihi nɛ heɔ e biɛ ɔ nɔ ye ɔ, e ha mɛ he blɔ kaa a pee Mawu bimɛ,

Yohane 2:23

Jeha nɛ ɔ, benɛ Yesu ngɛ Yerusalem ngɛ Hetsɔmi ligbi ɔmɛ a mi ɔ, nihi fuu na nyakpɛ nihi nɛ e pee ɔ, nɛ a he e biɛ ɔ nɔ ye.

Yohane 3:18

Nɔ nɛ heɔ e nɔ yeɔ, a kojo we lɛ, se nɔ nɛ he we yi ɔ, a kojo lɛ momo, ejakaa e he we Mawu bi kake ɔ nɔ yi.

1 Yohane 2:7

Mamimɛ, pi kita he ko nɛ i ngɛ nyɛ ngmae nɛ ɔ, se mohu kita momo nɛ nyɛ ngɛ kɛ je sisije ɔ: Kita momo ɔ ji munyu nɛ nyɛ nu kɛ je sisije ɔ.

1 Yohane 4:15

Nɔ tsuaa nɔ nɛ jajeɔ paa kaa Yesu ji Mawu Bi ɔ, Mawu hii e mi, nɛ lɛ hu e hii Mawu mi.

1 Yohane 5:13

I ngɛ nyɛ ni nɛ ɔmɛ ngmae konɛ nyɛ nihi nɛ nyɛ heɔ Mawu Bi ɔ biɛ ɔ nɔ yeɔ ɔ, nyɛ na nɛ nyɛɛ le kaa nyɛ ngɛ neneene wami.