1 Yohane 3:22 - Somi He Ɔ

²² Nɛ nɔ́ tsuaa nɔ́ nɛ wa baa iɛ ɔ, wa naa kɛ jee e dɛ mi, ejakaa e kita amɛ ɔ, wa yeɔ nɔ, nɛ wa peɔ nihi nɛ sa e hɛ mi.

BAIBLO ALOO NGMAMI KLƆUKLƆU Ɔ

²² Nɔ́ tsuaa nɔ́ nɛ wa bi lɛ ɔ, e haa wɔ, ejakaa wa yeɔ e mlaa amɛ a nɔ, nɛ wa peeɔ níhi nɛ sa e hɛ mi.

1 Yohane 3:22 ပူးပေါင်းရင်းမြစ်များ

Yohane 15:7

Ke nyɛ hi ye mi nɛ ye munyu ɔ hi nyɛ mi ɔ, nɔ́ tsuaa nɔ́ nɛ nyɛ ma kpa he pɛɛ ɔ, a maa pee ha nyɛ.

Yohane 9:31

Wa le kaa Mawu bui yayami peeli tue; se ke nɔ ko yee lɛ gbeye nɛ e peɔ e suɔmi nya ni ɔ, e buɔ lɛ tue.

Mateo 21:22

Nɛ nɔ́ tsuaa nɔ́ nɛ nyɛ maa sɔle ma bi kɛ hemi kɛ yemi ɔ, nyɛ nine maa su nɔ.”

1 Yohane 5:14

Nɛ enɛ ɔ ji ka nɛ wa ngɛ ngɛ e hɛ mi ɔ, kaa, ke wa ba nɔ́ ko ngɛ e suɔmi nya a, e buɔ wɔ tue.

Marko 11:24

Lɔ ɔ he ɔ, i ngɛ nyɛ dee ke: Nihi abɔ kulaa nɛ nyɛ ma kpa he pɛɛ ngɛ nyɛ sɔlemi mi ɔ, nyɛ he ye kaa nyɛ ma na nɛ a kɛ ma ha nyɛ.

Yohane 14:13

Nɔ́ tsuaa nɔ́ nɛ nyɛ ma kpa he pɛɛ ngɛ ye biɛ mi ɔ, lɔ ɔ ma pee, konɛ Tsɛ ɔ hɛ mi nɛ ba nyami ngɛ Bi ɔ mi.

Yakobo 1:5

Se ke e hia nyɛ ti nɔ ko ni lemi ɔ, e kpa Mawu nɛ haa nihi kulaa faa kɛ bua jɔmi nɛ e ka we nɔ hɛ mi ɔ pɛɛ, nɛ e ma ngɔ ha lɛ.

Yohane 8:29

Nɛ nɔ nɛ tsɔ mi ɔ kɛ mi ngɛ, Tsɛ ɔ si we ye nɔ kake, ejakaa imi lɛɛ, nɔ́ nɛ sa e hɛ mi i peɔ daa.”

Kolosebi 1:10

konɛ nyɛɛ nyɛɛ bɔ nɛ sa Nyɔmtsɛ ɔ nɛ e sa e hɛ mi saminya, nɛ nyɛɛ wo yiblii ngɛ ni tsumi kpakpa tsuaa ni tsumi kpakpa mi;

Yakobo 5:16

Nyɛɛ jaje nyɛ he yayami ɔmɛ ngɔ tsɔɔ nyɛ he, nɛ nyɛɛ sɔle ngɔ ha nyɛ he, konɛ a tsa nyɛ. Dalɔ sɔlemi nɛ mi wa a nyɛɔ nihi babauu tsuɔ.

Hebribi 13:21

lɛ e dla nyɛ ngɔ ha ni tsumi kpakpa tsuaa ni tsumi kpakpa, nɛ nyɛɛ pee e suɔmi nya ni, nɛ e gu Yesu Kristo nɔ nɛ e pee nɔ́ nɛ sa lɛ nitsɛ e hɛ mi ngɛ nyɛ mi; lɛ a ngɔ hɛ mi nyami ngɔ ha kɛ ya si neneene kɛ neneene ɔ! Amen.

Yohane 6:29

Yesu he nɔ nɛ e de mɛ ke: “Mawu ni tsumi ɔ ji nɛ ɔ nɛ, kaa nyɛ he nɔ nɛ e tsɔ ɔ nɔ ngɔ ye.”

Filipibi 4:18

I na nihi kulaa kɛ be nɔ, i tɔ kɛ nihi nɛ nyɛɛ kɛ mane Epafrodito kɛ ba ha mi ɔ nɛ ji via jemi kpakpa kɛ bɔ nɛ sa Mawu hɛ mi ɔ.

Ni Tsumi 17:30

Lɔ ɔ he ɔ, be nɛ a li ɔ Mawu ku e hɛ ngɔ fɔ nɔ, se jeha nɛ ɔ lɛɛ e ngɛ nimli kulaa nɛ ngɛ he tsuaa he ɔ kita woe kaa a tsake a tsui.

Yohane 15:10

Ke nyɛ ye ye kita amɛ a nɔ ɔ, nyɛ maa hi ye suɔmi ɔ mi; kaa bɔ nɛ imi hu i ye Tsaatsɛ kita amɛ a nɔ nɛ i ngɛ e suɔmi ɔ mi ɔ.

Mateo 17:5

Benɛ a ngɛ munyu ɔ tue kɛ mwɔɔ ɔ, oʼɛ, bɔku hleii ko ba ha a nɔ, nɛ oʼɛ, gbi je bɔku ɔ mi de ke: “Nɔ nɛ ɔ ji ye suɔmi bi nɛ i naa e he tsui ɔ nɛ; nyɛɛ bu lɛ tue!”

Ni Tsumi 20:21

nɛ i ye tsui tsakemi kɛ Mawu hami kɛ wa Nyɔmtsɛ Yesu Kristo nɔ hemi kɛ yemi ɔ he odase ngɔ tsɔɔ Yudafohi kɛ Helabihi kulaa.

Yakobo 4:3

Nyɛ kpaa pɛɛ, nɛ nyɛ na we, ejakaa nyɛ kpaa pɛɛ yaya konɛ nyɛ kpata ni ɔmɛ a hɛ mi ngɛ nyɛ kɔnɔ ɔmɛ a mi.

1 Yohane 2:3

Nɛ enɛ ɔ waa kɛ maa nɔ mi kaa wa le lɛ, ke wa yeɔ e kita amɛ a nɔ ɔ.