1 Yohane 3:16 - Somi He Ɔ

¹⁶ Enɛ ɔ mi wa naa suɔmi ngɛ, kaa Kristo ngɔ e wami ngɔ fɔ si ngɛ wa he, lɔ ɔ he ɔ e sa kaa wɔ hu waa kɛ wa wami fɔɔ si ngɛ wa nyɛmimɛ a he.

BAIBLO ALOO NGMAMI KLƆUKLƆU Ɔ

¹⁶ Kristo ngɔ e wami ngɔ ha ngɛ wa he. Kɛ gu enɛ ɔ nɔ ɔ, wa na bɔ nɛ suɔmi tsuɔ ní ha. Lɔ ɔ he ɔ, e sa kaa wɔ hu waa ngɔ wa wami ngɔ ha ngɛ wa nyɛmimɛ a he.

1 Yohane 3:16 ပူးပေါင်းရင်းမြစ်များ

Efesobi 5:2

nɛ nyɛɛ nyɛɛ ngɛ suɔmi mi kaa bɔ nɛ Kristo hu suɔ wɔ nɛ e ngɔ lɛ nitsɛ e he ngɔ ha ngɛ wa he kaa nɔ́ke nɔ́ kɛ bɔ nɛ he via nɛ a kɛ ha Mawu.

Yohane 13:34

Kita he i ngɛ nyɛ woe, kaa nyɛɛ suɔ nyɛ he. Kaa bɔ nɛ i suɔ nyɛ ɔ, jã nyɛ hu nyɛɛ suɔ nyɛ he.

Yohane 3:16

Ejakaa Mawu suɔ je ɔ saminya, nɛ e ngɔ e bi kake ɔ ngɔ ha, konɛ nɔ tsuaa nɔ nɛ heɔ e nɔ yeɔ ɔ hɛ mi ko kpata, se mohu e na neneene wami.

Romabi 5:8

Se Mawu jeɔ e suɔmi nɛ e kɛ suɔ wɔ kpo tsɔɔ, kaa be mi nɛ wa ji yayami peeli lokoo nɛ Kristo ba gbo ngɛ wa nane mi.

Kpojemi 1:5

nɛ kɛ je Yesu Kristo, nɛ ji odaseyelɔ anɔkualetsɛ ɔ, ni gbogboehi a kpɛti kekleekle bi kɛ zugba a nɔ matsɛmɛ ɔmɛ a nɔyelɔ ɔ dɛ mi. Nɔ nɛ suɔ wɔ, nɛ e kɛ lɛ nitsɛ e muɔ tsukɔ wa he kɛ je wa he yayami ɔmɛ a mi,

1 Petro 3:18

Ejakaa Kristo nitsɛ hu na amanehlu si kake nyɔngloo ngɛ yayamihi a he, lɛ dalɔ ɔ, ngɛ nihi nɛ dɛ ɔmɛ a nane mi, konɛ e kɛ wɔ nɛ ya Mawu ngɔ. A gbe lɛ ngɛ he lo blɔfami mohu, se a ha lɛ wami ngɛ mumi blɔfami.

Mateo 20:28

Kaa bɔ nɛ Nɔmlɔ Bi ɔ bɛ nɛ a sɔmɔ lɛ, se e ba sɔmɔmi mohu, nɛ e ngɔ e klaa a kɛ ha kaa kpɔmi nɔ kɛ ha nihi fuu ɔ.”

Ni Tsumi 20:28

Lɔ ɔ he ɔ nyɛɛ le nyɛ he nɔ hyemi kɛ tohi a kuu ɔ kulaa nɛ Mumi Klɔuklɔu wo nyɛ a nɔ hyɛli ɔ, konɛ nyɛɛ lɛ Mawu asafo ɔ nɛ e kɛ lɛ nitsɛ e muɔ he ɔ.

Efesobi 5:25

Nyɛ, hunomɛ ɔmɛ ɔ, nyɛɛ suɔ nyɛ nitsɛmɛ nyɛ yihi, kaa bɔ nɛ Kristo hu suɔ asafo ɔ nɛ e ngɔ lɛ nitsɛ e he ngɔ ha ngɛ e he ɔ,

Tito 2:13

nɛ waa hyɛ Mawu Ope ɔ kɛ wa yiwami helɔ Yesu Kristo gbaami nɛ wa hɛ ngɛ nɔ ɔ kɛ e hɛ mi nyami ɔ he kpo jemi ɔ blɔ;

Romabi 16:4

nihi nɛ kɛ a he wo gbenɔ mi ngɛ ye wami he, nɛ pi imi kɛkɛ nɛ i naa mɛ si, se mohu majeli ɔmɛ a mi asafo ɔmɛ kulaa hu ngɛ mɛ si nae.

1 Yohane 2:6

Nɔ nɛ deɔ ke e ngɛ Mawu mi ɔ, bɔ nɛ Yesu Kristo nyɛɛ ɔ, lɛ hu e nyɛɛ ja nɔuu.

Yohane 10:15

kaa bɔ nɛ Tsɛ ɔ le mi, nɛ imi hu i le Tsɛ ɔ; nɛ i ngɔɔ ye wami ngɔ fɔɔ si ngɛ to ɔmɛ a nane mi.

Filipibi 2:17

Se ke a plɛ ye muɔ ngɔ pue nyɛ hemi kɛ yemi bɔ kɛ jami ɔ nɔ po ɔ, i ngɛ he tsui nɛ i kɛ nyɛ tsuo ma na bua jɔmi;

Kpojemi 5:9

Nɛ a la la he ko de ke: “Mo lɛ sa kaa o heɔ womi ɔ Nɛ o tsɔɔ e nya sɔumi ɔmɛ, Ejakaa a gbe mo, Nɛ o kɛ o muɔ ɔ kpɔ wɔ ha Mawu Kɛ je wetso tsuaa wetso kɛ munyu tsuaa munyu Kɛ ma tsuaa ma kɛ je ma tsuaa je ma mi.

1 Petro 2:24

Yesu nitsɛ tloo wa he yayami ɔmɛ ngɛ e nɔmlɔ tso ɔ hi kɛ ya sɛumi tso ɔ nɔ, konɛ wa gbo ha yayami nɛ wa hɛ hi ngmengmle ha dami, nɔ nɛ he pahi nɛ a kɛ tsa nyɛ ɔ.

1 Petro 1:18

Nyɛ le kaa pi nihi nɛ puɛɔ, kaa juɛtɛɛ loo sika tsu, a kɛ kpɔ nyɛ kɛ je nyɛ yakayaka je mi bami nɛ nyɛ na kɛ je nyɛ tsɛmɛ ɔmɛ a ngɔ ɔ mi,

Filipibi 2:30

ejakaa Kristo ni tsumi ɔ he ɔ, e su gbenɔ he tataata, nɛ e sake e wami ngɔ fɔ he, konɛ e kɛ gbe nɔ́ nɛ piɛ ha nyɛ ngɛ sɔmɔmi nɛ nyɛɛ kɛ ma sɔmɔ mi ɔ nya.

Yohane 10:11

“Imi ji to hyɛlɔ kpakpa a nɛ. To hyɛlɔ kpakpa a ngɔɔ e klaa ngɔ fɔɔ si ngɛ e to ɔmɛ a nane mi.

1 Tesalonikabi 2:8

Akɛnɛ wa suɔ nyɛ saminya he je ɔ, wa ngɛ he tsui kaa pi Mawu sane kpakpa a kɛkɛ nɛ waa kɛ ma ha nyɛ, se mohu wɔ nitsɛmɛ wa wami tete, ejakaa wa suɔ nyɛ wawɛɛ.

1 Yohane 2:9

Nɔ nɛ deɔ ke e ngɛ la a mi nɛ e nyɛɛ lɛ nitsɛ e nyami ɔ, diblii ɔ mi e ngɛ kɛ mwɔɔ.

2 Korintobi 4:12

Lɔ ɔ he ɔ jehanɛ, gbenɔ tsuɔ ni ngɛ wa mi, se nyɛɛ lɛɛ, wami tsuɔ ni ngɛ nyɛ mi.