1 Yohane 2:5 - Somi He Ɔ

⁵ Se nɔ tsuaa nɔ nɛ yeɔ e munyu ɔ nɔ ɔ, niinɛ, lɛ e mi Mawu suɔmi ɔ pi si ngɛ. Enɛ ɔ waa kɛ leɔ kaa wa ngɛ e mi.

BAIBLO ALOO NGMAMI KLƆUKLƆU Ɔ

⁵ Se nɔ tsuaa nɔ nɛ yeɔ Mawu mlaa a nɔ ɔ, lɛ ji nɔ nɛ suɔ Mawu anɔkuale mi. Enɛ ɔ waa kɛ maa le kaa niinɛ, waa kɛ Mawu ngɛ huɛ bɔe.

1 Yohane 2:5 ပူးပေါင်းရင်းမြစ်များ

Yohane 14:23

Yesu he nɔ nɛ e de lɛ ke: “Ke nɔ ko suɔ mi ɔ, e maa ye ye munyu ɔ nɔ, nɛ Tsaatsɛ maa suɔ lɛ, nɛ wa maa ba e ngɔ, nɛ waa kɛ e ngɔ maa pee wa sihi he.

Yohane 14:21

“Nɔ nɛ ngɔɔ ye kita amɛ nɛ e yeɔ nɔ ɔ, lɛ ji nɔ nɛ suɔ mi; nɛ nɔ nɛ suɔ mi ɔ, Tsaatsɛ maa suɔ lɛ, nɛ imi hu ma suɔ lɛ, nɛ ma je ye he si ngɔ tsɔɔ lɛ.”

Luka 11:28

Se Yesu he nɔ ke: “E ngɛ mi ja mohu, se a gbaa ninɛmɛ nɛ nuɔ Mawu munyu ɔ nɛ a yeɔ nɔ ɔ!”

1 Yohane 3:24

Nɔ nɛ yeɔ e kita amɛ a nɔ ɔ hii Mawu mi, nɛ Mawu hu hii emi. Nɛ nɔ́ nɛ waa kɛ leɔ kaa e hii wa mi ji mumi nɛ e ngɔ ha wɔ ɔ.

Kpojemi 14:12

Hiɛ ɔ klɔuklɔu bi ɔmɛ nɛ yeɔ Mawu kita amɛ kɛ Yesu nɔ hemi kɛ yemi ɔ nɔ ɔ a tsui si tomi ɔ ngɛ.

1 Yohane 5:2

Enɛ waa kɛ leɔ kaa wa suɔ Mawu bimɛ, ke wa suɔ Mawu nɛ wa yeɔ e kita amɛ a nɔ ɔ.

Yohane 15:5

“Imi ji wai tsɔ ɔ, nyɛ ji kɔni ɔmɛ. Nɔ nɛ hii ye mi nɛ imi hu i hii e mi ɔ, lɛ nɔuu lɛ e woɔ yiblii fuu; ejakaa ke pi imi ɔ, lɛɛ nyɛ be nɔ ko nyɛe maa pee.

1 Yohane 4:18

Gbeye be suɔmi mi, se mohu suɔmi nɛ hi kɛ pi si ɔ fieɔ gbeye, ejakaa piimi ngɛ gbeye yemi mi, se nɔ nɛ yee gbeye ɔ, e na we nɛ e hi kɛ pi si ngɛ suɔmi mi.

2 Korintobi 5:17

Lɔ ɔ he ɔ, ke nɔ ko ngɛ Kristo mi ɔ, bɔ nɔ́ he ji lɛ; blema ni ɔmɛ be kɛ ho; oʼɛ, nihi kulaa plɛ ehe.

Kpojemi 12:17

Kɛkɛ nɛ sinɔ ngua a mi mi fu yo ɔ, nɛ e pue nɔ kɛ ho konɛ e kɛ yo ɔ nina nɛ piɛ nɛ yeɔ Mawu kita amɛ a nɔ nɛ a hɛɛ Yesu Kristo he odase yemi ɔ mi ɔ ya hwu ta.

1 Yohane 5:20

Wa le kaa Mawu Bi ɔ ba, nɛ e ba ha wɔ juɛmi konɛ waa le anɔkualetsɛ ɔ. Wa ngɛ anɔkualetsɛ ɔ mi, ngɛ e Bi Yesu Kristo mi; lɛ ji anɔkuale Mawu ɔ kɛ neneene wami ɔ.

1 Korintobi 1:30

Se Mawu lɛ pee nɛ nyɛ ngɛ Kristo Yesu mi, nɔ nɛ plɛ ni lemi nɛ je Mawu ngɔ kɛ dami kɛ he tsukɔmi kɛ kpɔmi ha wɔ ɔ,

Romabi 8:1

Lɔ ɔ he ɔ jeha nɛ fɔ ko fɔ ko be nɛ a kɛ maa bu nihi nɛ ngɛ Kristo mi ɔ.

Yakobo 2:22

Tse o na kaa hemi kɛ yemi kɛ e ni tsumi ɔmɛ nɛ nyɛɛ, nɛ e ni tsumi ɔmɛ a mi e je nɛ e hemi kɛ yemi ɔ hi kɛ pi si ɔ nɛ,

2 Korintobi 5:21

Ejakaa nɔ nɛ li yayami ɔ, wa he ɔ Mawu ha e plɛ yayami, konɛ wɔɔ lɛɛ wa plɛ Mawu dami ngɛ e mi.

Yohane 6:56

Nɔ nɛ yeɔ ye he lo nɛ e nuu ye muɔ ɔ, e hii ye mi nɛ imi hu i hii e mi.

1 Yohane 4:17

Enɛ ɔ mi suɔmi ɔ hi kɛ pi si ngɛ ngɛ wa mi, konɛ wa na kã ngɛ kojomi ligbi ɔ nɔ; ejakaa bɔ nɛ e ngɛ ɔ, jã wɔ hu wa ngɛ ngɛ je nɛ mi.

2 Yohane 1:6

Enɛ ɔ ji suɔmi ɔ nɛ, kaa waa nyɛɛ ngɛ e kita amɛ a nya. Enɛ ɔ ji kita a nɛ, kaa bɔ nɛ nyɛ nu kɛ je sisije ɔ, nɛ nyɛɛ hi si ngɛ suɔmi mi.