1 Yohane 2:3 - Somi He Ɔ

³ Nɛ enɛ ɔ waa kɛ maa nɔ mi kaa wa le lɛ, ke wa yeɔ e kita amɛ a nɔ ɔ.

BAIBLO ALOO NGMAMI KLƆUKLƆU Ɔ

³ Ke wa yeɔ Mawu mlaa amɛ a nɔ ɔ, lɔ ɔ waa kɛ naa anɔkuale mi kaa wa le lɛ.

1 Yohane 2:3 ပူးပေါင်းရင်းမြစ်များ

Luka 6:46

“Se mɛ he je nyɛ tsɛɛ mi: ‘Nyɔmtsɛ, Nyɔmtsɛ,’ nɛ nyɛ pee we nihi nɛ i deɔ ɔ?

Yohane 14:15

“Ke nyɛ suɔ mi ɔ, nyɛ maa ye ye kita amɛ a nɔ.

Yohane 15:10

Ke nyɛ ye ye kita amɛ a nɔ ɔ, nyɛ maa hi ye suɔmi ɔ mi; kaa bɔ nɛ imi hu i ye Tsaatsɛ kita amɛ a nɔ nɛ i ngɛ e suɔmi ɔ mi ɔ.

Yohane 15:14

Ke nyɛ pee nihi nɛ i ngɛ nyɛ he kita woe nɛ ɔ, lɛɛ ye huɛmɛ ji nyɛ.

Yohane 17:3

Se enɛ ɔ ji neneene wami ɔ nɛ, kaa a le mo, anɔkuale Mawu kake ɔ, kɛ Yesu Kristo nɔ nɛ o tsɔ ɔ.

2 Korintobi 4:6

Ejakaa Mawu nɛ de ke: “La nɛ je diblii mi nɛ e kpɛ” ɔ, lɛ nɔuu lɛ e kpɛ ngɛ wa tsui mi hulɔ, konɛ Mawu hɛ mi nyami he ni lemi ɔ nɛ kpɛ ngɛ Yesu Kristo hɛ mi.

Hebribi 5:9

nɛ benɛ a ha e hi kɛ pi si ɔ, e plɛ nɔ nɛ mi nɛ neneene yi wami hemi jee kɛ haa nihi tsuo nɛ buɔ lɛ tue ɔ,

1 Yohane 2:13

I ngɛ nyɛ ngmɛe, tsaatsɛmɛ, ejakaa nyɛ le nɔ nɛ ngɛ kɛ je sisije ɔ. I ngɛ nyɛ ngmae, nihewi, ejakaa nyɛ ye nɔ yayami ɔ nɔ kunimi. I ngɛ nyɛ ngmae, jokuɛwi, ejakaa nyɛ le Tsɛ ɔ.

1 Yohane 3:14

Wa le kaa wa po mi kɛ je gbenɔ mi kɛ ho wami mi ya, ejakaa wa suɔ wa nyɛmimɛ. Nɔ nɛ sume e nyɛmi ɔ, e hii gbenɔ mi.

1 Yohane 3:19

Enɛ waa kɛ maa le kaa anɔkuale ɔ mi wa je, nɛ wa ma tsɔ wa tsui ngɔ fɔ wa mi ngɛ Mawu hɛ mi.

1 Yohane 3:6

Nɔ tsuaa nɔ nɛ hii Kristo mi ɔ, e pee we yayami. Nɔ tsuaa nɔ nɛ peɔ yayami ɔ, e nɛ lɛ, nɛ jehanɛ hu e li lɛ.

1 Yohane 4:13

Enɛ ɔ waa kɛ leɔ kaa wa hii Mawu mi nɛ lɛ hu e hii wa mi, ejakaa e ngɔ lɛ nitsɛ e Mumi ɔ eko ngɔ ha wɔ.

1 Yohane 4:7

Mamimɛ, nyɛ ha waa suɔ wa sibi, ejakaa suɔmi ɔ Mawu mi e je, nɛ nɔ tsuaa nɔ nɛ suɔ nɔ ɔ, Mawu bi ji lɛ, nɛ e le Mawu.

1 Yohane 5:19

Wa le kaa wa je Mawu mi nɛ je mluku ɔ tsuo ngɛ nɔ yayami ɔ sisi.

1 Yohane 5:2

Enɛ waa kɛ leɔ kaa wa suɔ Mawu bimɛ, ke wa suɔ Mawu nɛ wa yeɔ e kita amɛ a nɔ ɔ.

1 Yohane 5:3

Ejakaa enɛ ji suɔmi nɛ wa suɔ Mawu kaa waa ye e kita amɛ a nɔ; nɛ e kita amɛ a nya wɛ́,

Kpojemi 12:17

Kɛkɛ nɛ sinɔ ngua a mi mi fu yo ɔ, nɛ e pue nɔ kɛ ho konɛ e kɛ yo ɔ nina nɛ piɛ nɛ yeɔ Mawu kita amɛ a nɔ nɛ a hɛɛ Yesu Kristo he odase yemi ɔ mi ɔ ya hwu ta.

Kpojemi 14:12

Hiɛ ɔ klɔuklɔu bi ɔmɛ nɛ yeɔ Mawu kita amɛ kɛ Yesu nɔ hemi kɛ yemi ɔ nɔ ɔ a tsui si tomi ɔ ngɛ.

Kpojemi 22:14

A gbaa nihi nɛ fɔɔ a tade ɔmɛ a he ɔ, konɛ a na wami tso ɔ nɔ yiblii ɔ yemi he blɔ, nɛ a gu a gbo ɔmɛ a mi kɛ sɛ ma a mi.