1 Yohane 2:25 - Somi He Ɔ

²⁵ Nɛ enɛ ɔ ji si nɛ Kristo wo wɔ ɔ nɛ; neneene wami ɔ.

BAIBLO ALOO NGMAMI KLƆUKLƆU Ɔ

²⁵ Nɛ nɔ́ nɛ Kristo nitsɛ wo wɔ he si ɔ ji neneene wami.

1 Yohane 2:25 ပူးပေါင်းရင်းမြစ်များ

Yohane 10:28

nɛ imi nɔuu lɛ i haa mɛ neneene wami, nɛ a hɛ mi be kpatae kɛ maa ya neneene nɛ jeha nɛ ɔ hu, nɔ ko be mɛ kpɔe ngɛ ye dɛ.

Tito 3:7

konɛ bɔ nɛ a wo wɔ nguɔ ngɛ lɛ nɔuu e dloomi nya a, a ha waa pee neneene wami ɔ yeli ngɛ hɛ kɛ nɔ fɔmi ɔ nya.

Yuda 1:21

nɛ nyɛɛ to nyɛ he ngɛ Mawu suɔmi ɔ mi, nɛ nyɛɛ hyɛ wa Mawetsɛ Yesu mɔbɔ nami ɔ blɔ, konɛ nyɛ na neneene wami.

1 Timoteo 6:12

Hwu hemi kɛ yemi ta kpakpa a, pɛtɛ neneene wami ɔ he, nɔ́ he hulɔ nɛ a tsɛ mo kɛ ba benɛ o jaje jajemi kpakpa ngɛ odasefohi fuu a hɛ mi, ɔ.

1 Yohane 1:2

Nɛ wami ɔ je e he kpo ngɔ tsɔɔ: nɛ wa na, nɛ wa yeɔ he odase, nɛ wa jajeɔ neneene wami ɔ, nɔ nɛ kɛ Tsɛ ɔ ngɛ nɛ e je e he kpo tsɔɔ wɔ ɔ he sane ɔ ngɔ tsɔɔ nyɛ.

Tito 1:2

nɛ maa si ngɛ neneene wami ɔ he hɛ kɛ nɔ fɔmi ɔ mi. Mawu nɛ yi lakpa a wo wɔ kikɛmɛ a wami nɛ ɔ he si loko a bɔ je mi be ɔmɛ,

Romabi 5:21

konɛ bɔ nɛ yayami ɔ ye tsɛ ngɛ gbenɔ mi ɔ, ja nɔuu dloomi ɔ maa gu dami nɔ kɛ ye tsɛ hulɔ kɛ maa ya neneene wami mi ngɛ Yesu Kristo wa Nyɔmtsɛ ɔ he.

Romabi 2:7

Nihi nɛ kɛ kpakpa peemi kɛ tsui si tomi hlaa hɛ mi nyami kɛ bu kɛ si himi nɛ puɛ we ɔ, Mawu ma ha mɛ neneene wami.

Yohane 12:50

Nɛ i le kaa e kita a neneene wami ʼi; lɔ ɔ he ɔ nɔ́ tsuaa nɔ́ nɛ i ngɛ dee ɔ, bɔ nɛ Tsɛ ɔ de mi ɔ, ja i deɔ.”

Yohane 6:68

Simon Petro he nɔ ke: “Mawetsɛ, mɛnɔ ngɔ wa maa ya? Mo lɛ o ngɛ neneene wami munyu ɔmɛ ɔ nɛ;

1 Yohane 5:20

Wa le kaa Mawu Bi ɔ ba, nɛ e ba ha wɔ juɛmi konɛ waa le anɔkualetsɛ ɔ. Wa ngɛ anɔkualetsɛ ɔ mi, ngɛ e Bi Yesu Kristo mi; lɛ ji anɔkuale Mawu ɔ kɛ neneene wami ɔ.

1 Timoteo 6:19

a to juetli ngɔ ha a he, nɛ e pee sisi tomi kpakpa ha be nɛ maa ba a, konɛ a pɛtɛ anɔkuale wami ɔ he.

Yohane 6:54

Nɔ nɛ yeɔ ye he lo nɛ e nuu ye muɔ ɔ, e ngɛ neneene wami, nɛ imi lɛɛ ma tle lɛ si ngɛ nyagbe ligbi ɔ nɔ.

Yohane 6:47

“I ngɛ nyɛ dee anɔkuale mi ke: Nɔ nɛ heɔ yeɔ ɔ, e ngɛ neneene wami.

Yohane 6:27

Nyɛ ko tsu ngma nɛ puɛɛ ɔ he ni, se mohu nyɛ tsu ngma nɛ hii si kɛ yaa neneene wami mi nɛ Nɔmlɔ Bi ɔ ma ha nyɛ ɔ he ni, ejakaa lɛ e nya Tsɛ Mawu ɔ sɔu.”

Yohane 5:39

Nyɛ hla ngmami ɔmɛ a mi; ejakaa nyɛ nitsɛmɛ nyɛ susuu kaa kɔlɔ ɔmɛ a mi nyɛ naa neneene wami ngɛ, nɛ kɔlɔ ɔmɛ nɔuu ji nihi nɛ yeɔ ye he odase ɔ nɛ.

Luka 18:30

nɛ e be nane mi tomi si abɔ nae ngɛ be nɛ ɔ mi, nɛ je nɛ maa ba a mi hu e be neneene wami nae.”

1 Timoteo 1:16

se kɛ ɔ, enɛ ɔ he nɛ a na mi mɔbɔ ɔ nɛ, konɛ imi kekle ye mi nɛ Kristo nɛ je e tsui si tomi ɔ kulaa kpo ngɛ, nɛ a kɛ to okadi ha nihi nɛ ma he e nɔ ngɔ ye, nɛ a na neneene wami.

Galatabi 6:8

Ejakaa nɔ nɛ duɔ ni ngɛ lɛ nitsɛ e he lo mi ɔ, e he lo ɔ mi e ma kpa puemi kɛ je. Se nɔ nɛ duɔ ni ngɛ Mumi mi ɔ, Mumi ɔ mi nɔuu e ma kpa neneene wami kɛ je.

Romabi 6:23

Ejakaa yayami dɛ mi hiɔwe ɔ gbenɔ ʼi; se Mawu dloomi nike ni ɔ neneene wami ʼi ngɛ Kristo Yesu wa Nyɔmtsɛ ɔ mi.

Yohane 3:15

Konɛ nɔ tsuaa nɔ nɛ heɔ e nɔ yeɔ ɔ hɛ mi ko kpata, se mohu e na neneene wami.

Yohane 6:40

Ejakaa enɛ ɔ ji Tsaatsɛ suɔmi nya ni ɔ nɛ, kaa nɔ tsuaa nɔ nɛ hyɛɛ Bi ɔ nɛ e heɔ e nɔ yeɔ ɔ, e na neneene wami, nɛ imi ɔ, ma tle lɛ si ngɛ nyagbe ligbi ɔ nɔ.”