1 Yohane 2:24 - Somi He Ɔ

²⁴ Lɔ ɔ he ɔ, nyɛɛ lɛɛ, nɔ́ nɛ nyɛ nu kɛ je sisije ɔ, nyɛ ha kɔlɔ ɔ nɛ hi nyɛ mi. Ke nɔ́ nɛ nyɛ nu kɛ je sisije ɔ ngɛ nyɛ mi ɔ, lɔ ɔ lɛɛ nyɛ hu nyɛ maa hi Bi ɔ kɛ Tsɛ ɔ mi.

BAIBLO ALOO NGMAMI KLƆUKLƆU Ɔ

²⁴ Lɔ ɔ he ɔ, sɛ gbi ɔ nɛ nyɛ na kɛ je sisije ɔ, nyɛɛ pɛtɛ he wawɛɛ. Ke nyɛ pɛtɛ jamɛ a sɛ gbi ɔ he wawɛɛ ɔ, lɔ ɔ lɛɛ nyɛɛ maa hi Bi ɔ, kɛ Tsɛ ɔ mi daa.

1 Yohane 2:24 ပူးပေါင်းရင်းမြစ်များ

Yohane 14:23

Yesu he nɔ nɛ e de lɛ ke: “Ke nɔ ko suɔ mi ɔ, e maa ye ye munyu ɔ nɔ, nɛ Tsaatsɛ maa suɔ lɛ, nɛ wa maa ba e ngɔ, nɛ waa kɛ e ngɔ maa pee wa sihi he.

1 Yohane 4:13

Enɛ ɔ waa kɛ leɔ kaa wa hii Mawu mi nɛ lɛ hu e hii wa mi, ejakaa e ngɔ lɛ nitsɛ e Mumi ɔ eko ngɔ ha wɔ.

1 Yohane 4:16

Nɛ wɔɔ lɛɛ wa le, nɛ wa he Mawu suɔmi nɛ e kɛ suɔ wɔ ɔ ye. Mawu ɔ suɔmi ji lɛ, nɛ nɔ nɛ hii suɔmi mi ɔ, e hii Mawu mi, nɛ Mawu hu hii e mi.

Kpojemi 3:3

Lɔɔ he ɔ kaii nɔ́ nɛ a tsɔɔ mo kɛ bɔ nɛ o nu ɔ nɛ o kɛ to, nɛ o tsake o tsui. Se jehanɛ ke o hɛ tsɛ́ ɔ, ma tua mo kaa juɔ, nɛ o be lee ngmlɛfia nɔ nɛ ma ba a kulaa.

1 Yohane 2:7

Mamimɛ, pi kita he ko nɛ i ngɛ nyɛ ngmae nɛ ɔ, se mohu kita momo nɛ nyɛ ngɛ kɛ je sisije ɔ: Kita momo ɔ ji munyu nɛ nyɛ nu kɛ je sisije ɔ.

1 Yohane 1:3

Nɔ́ nɛ wa na nɛ wa nu ɔ, lɔ ɔ wa jajeɔ ngɔ tsɔɔ nyɛ, konɛ nyɛ hu nyɛɛ kɛ wɔ nɛ bɔ huɛ. Se oʼɛ, wa huɛ bɔmi ɔ, Tsɛ ɔ ke e Bi Yesu Kristo ɔ waa kɛ bɔɔ.

Yohane 15:7

Ke nyɛ hi ye mi nɛ ye munyu ɔ hi nyɛ mi ɔ, nɔ́ tsuaa nɔ́ nɛ nyɛ ma kpa he pɛɛ ɔ, a maa pee ha nyɛ.

Kpojemi 3:11

Oʼɛ, i ma oya; pɛtɛ nɔ nɛ o ngɛ ɔ he nɛ wa, konɛ nɔ ko ko kpɔ o jlasi ɔ!

Kolosebi 3:16

Nyɛ ha Kristo munyu ɔ nɛ hi nyɛ mi babauu ngɛ ni lemi tsuaa ni lemi mi; nɛ nyɛɛ tsɔɔ nyɛ he ni nɛ nyɛɛ tu munyu ngɔ tsɔɔ nyɛ he ngɛ saku fiamihi kɛ yi jemi lahi kɛ mumi mi lahi a mi, nɛ nyɛɛ kɛ sina nɛ la ngɛ nyɛ tsui mi ha Mawu.

1 Yohane 1:7

Se ke wa nyɛɛ ngɛ la a mi, kaa bɔ nɛ lɛ nitsɛ e ngɛ la a mi ɔ, lɔ ɔ lɛɛ waa kɛ wa he ngɛ huɛ bɔe, nɛ e Bi Yesu Kristo muɔ ɔ tsukɔɔ wa he kɛ jee yayami tsuaa yayami mi.

Hebribi 3:14

Ejakaa Kristo he piɛli ji wɔ ke wa hɛɛ wa he nɛ waa kɛ fɔɔ e nɔ kɛ je sisije ɔ mi kpɛii kɛ ya su nyagbe ɔ.

Filipibi 4:15

Jehanɛ nyɛ Filipibi ɔmɛ nitsɛmɛ hu ɔ, nyɛ le kaa sane kpakpa a sisi jemi mi, benɛ i pue nɔ kɛ je Makedonia a, asafo ko be nɛ kɛ mi bɔɔ huɛ ngɛ nɔ́ hami kɛ hemi blɔfami kaa ja nyɛ kɛkɛ;

3 Yohane 1:3

Ejakaa i na bua jɔmi babauu benɛ nyɛmimɛ komɛ ba nɛ a ba ye o nɔkuale ɔ he odase, bɔ nɛ o nyɛɛ ngɛ anɔkuale ɔ mi ɔ.

2 Yohane 1:2

ngɛ anɔkuale nɛ hii wa mi nɛ e kɛ wɔ maa hi si kɛ maa ya neneene ɔ he.

Hebribi 2:1

Lɔ ɔ he ɔ e sa kaa waa pɛtɛ nihi nɛ wa nu ɔmɛ a he wawɛɛ konɛ wa ko tsɔ kɛ je he.

Yohane 8:25

Jeha nɛ ɔ a bi lɛ ke: “Mɛnɔ ji mo?” Nɛ Yesu de mɛ ke: “Lɔ ɔ nɔuu i de nyɛ kɛ je sisi ɔ nɛ.

Luka 1:2

kaa bɔ nɛ nihi nɛ na kɛ a hɛngmɛ kɛ je sisije nɛ a ji munyu ɔ he sɔmɔli ɔmɛ fie tsɔɔ wɔ ɔ,

Luka 9:44

“Nyɛɛ lɛɛ nyɛ ha kikɛmɛ a munyu nɛ ɔmɛ nɛ sɛ nyɛ tue mi, ejakaa a maa ngɔ Nɔmlɔ Bi ɔ ngɔ wo nimli a dɛ mi.”

Yohane 6:56

Nɔ nɛ yeɔ ye he lo nɛ e nuu ye muɔ ɔ, e hii ye mi nɛ imi hu i hii e mi.

1 Yohane 3:24

Nɔ nɛ yeɔ e kita amɛ a nɔ ɔ hii Mawu mi, nɛ Mawu hu hii emi. Nɛ nɔ́ nɛ waa kɛ leɔ kaa e hii wa mi ji mumi nɛ e ngɔ ha wɔ ɔ.

1 Yohane 4:15

Nɔ tsuaa nɔ nɛ jajeɔ paa kaa Yesu ji Mawu Bi ɔ, Mawu hii e mi, nɛ lɛ hu e hii Mawu mi.

2 Yohane 1:9

Nɔ tsuaa nɔ nɛ jee nɛ e hi si ngɛ Kristo tsɔɔmi ɔ mi ɔ, e be Mawu. Nɔ nɛ hii Kristo tsɔɔmi ɔ mi ɔ, lɛ lɛ ngɛ Tsɛ ɔ kɛ Bi ɔ.