1 Yohane 2:23 - Somi He Ɔ

²³ Nɔ tsuaa nɔ nɛ kuaa Bi ɔ, e kuaa Tsɛ ɔ hulɔ. Se nɔ nɛ heɔ Bi ɔ, e ngɛ Tsɛ ɔ hulɔ.

BAIBLO ALOO NGMAMI KLƆUKLƆU Ɔ

²³ Ejakaa nɔ tsuaa nɔ nɛ ma kua Bi ɔ, e kua Tsɛ ɔ hulɔ. Se nɔ nɛ ma he Bi ɔ, e he Tsɛ ɔ hulɔ.

1 Yohane 2:23 ပူးပေါင်းရင်းမြစ်များ

1 Yohane 4:15

Nɔ tsuaa nɔ nɛ jajeɔ paa kaa Yesu ji Mawu Bi ɔ, Mawu hii e mi, nɛ lɛ hu e hii Mawu mi.

Yohane 8:19

Jeha nɛ ɔ a bi lɛ ke: “Jije o tsɛ ɔ ngɛ?” Yesu he nɔ ke: “Nyɛ li mi nɛ nyɛ pa li Tsaatsɛ. Kaa nyɛ le mi ɔ, nyɛ ko le Tsaatsɛ hulɔ.”

Yohane 10:30

Imi kɛ Tsaatsɛ tsuo ɔ, kake ʼi.”

Yohane 5:23

konɛ nihi tsuo bu Bi ɔ, kaa bɔ nɛ a buu Tsɛ ɔ. Nɔ nɛ bui Bi ɔ, e bui Tsɛ ɔ nɛ tsɔ lɛ ɔ hulɔ.

1 Yohane 5:1

Nɔ tsuaa nɔ nɛ heɔ yeɔ kaa Yesu ji Kristo ɔ, Mawu bi ji lɛ. Nɛ nɔ tsuaa nɔ nɛ suɔ fɔlɔ ɔ, suɔ bi ɔ nɛ e fɔ ɔ hulɔ.

Luka 10:22

“Tsaatsɛ tu nihi tsuo kulaa ngɔ wo ye dɛ, nɛ nɔ ko li nɔ nɛ ji Bi ɔ, ja Tsɛ ɔ kɛkɛ, kɛ nɔ nɛ ji Tsɛ ɔ, ja Bi ɔ kɛ nɔ nɛ Bi ɔ suɔ kaa e je lɛ kpo ngɔ tsɔɔ ɔ.”

Mateo 11:27

“Tsaatsɛ tu nihi kulaa ngɔ wo ye dɛ mi; nɛ nɔ ko nɔ ko li Bi ɔ, kaa ja Tsɛ ɔ kɛkɛ; jeha nɛ ɔ, nɔ ko nɔ ko li Tsɛ ɔ, kaa ja Bi ɔ, kɛ nɔ nɛ Bi ɔ suɔ kaa e je lɛ kpo ngɔ tsɔɔ ɔ.

1 Yohane 2:22

Lɛɛ mɛnɔ ji lakpatsɛ? Lɛ ji nɔ nɛ deɔ ke pi Yesu ji Kristo ɔ. Nɔ nɛ kuaa Tsɛ ɔ kɛ Bi ɔ, lɛ ji lakpa kristo ɔ nɛ.

Yohane 16:3

Nɛ a maa pee enɛ ɔmɛ, ejakaa a li Tsɛ ɔ loo imi hulɔ.

Yohane 17:3

Se enɛ ɔ ji neneene wami ɔ nɛ, kaa a le mo, anɔkuale Mawu kake ɔ, kɛ Yesu Kristo nɔ nɛ o tsɔ ɔ.

1 Yohane 4:2

Enɛ nyɛɛ kɛ ma yo Mawu mumi ɔ: Mumi tsuaa mumi nɛ jajeɔ paa kaa Yesu Kristo ba ngɛ he lo mi ɔ, e je Mawu mi.

1 Yohane 5:20

Wa le kaa Mawu Bi ɔ ba, nɛ e ba ha wɔ juɛmi konɛ waa le anɔkualetsɛ ɔ. Wa ngɛ anɔkualetsɛ ɔ mi, ngɛ e Bi Yesu Kristo mi; lɛ ji anɔkuale Mawu ɔ kɛ neneene wami ɔ.