1 Yohane 2:20 - Somi He Ɔ

²⁰ Se nyɛɛ lɛɛ, nyɛ na nu pɔmi kɛ je Nɔ klɔuklɔu ɔ dɛ mi, nɛ nyɛ le anɔkuale ɔ.

BAIBLO ALOO NGMAMI KLƆUKLƆU Ɔ

²⁰ Se nyɛɛ lɛɛ, Kristo ha nyɛ Mumi Klɔuklɔu ɔ, nɛ lɔ ɔ he ɔ, nyɛ tsuo nyɛ le anɔkuale ɔ.

1 Yohane 2:20 ပူးပေါင်းရင်းမြစ်များ

Yohane 14:26

Se Hepiɛlɔ ɔ nɛ ji Mumi Klɔuklɔu ɔ, nɔ nɛ Tsɛ ɔ maa tsɔ ngɛ ye biɛ mi ɔ, lɛ e maa tsɔɔ nyɛ nihi kulaa, nɛ e ma kai nyɛ nihi tsuo nɛ i de nyɛ ɔ.

1 Yohane 2:27

Se nyɛɛ lɛɛ nu pɔmi nɛ nyɛ na kɛ je e ngɔ ɔ hii nyɛ mi, nɛ e hia we nyɛ nɔ ko nɛ tsɔɔ nyɛ ni, se mohu bɔ nɛ e nu pɔmi ɔ tsɔɔ nyɛ nihi kulaa, nɛ e ji anɔkuale se pi lakpa a, he je ɔ, bɔ nɛ e tsɔɔ nyɛ ɔ, nyɛɛ hi e mi.

Ni Tsumi 10:38

bɔ nɛ Mawu ngɔ Mumi Klɔuklɔu kɛ he wami ngɔ pɔ Yesu nɛ je Nazaret ɔ nu, nɛ e kpaa si peɔ kpakpa, nɛ e tsaa nihi kulaa nɛ abosiami haoɔ mɛ ɔ, ejakaa Mawu kɛ lɛ ngɛ.

Yohane 16:13

se ke anɔkuale Mumi ɔ na ba a, e maa tsɔɔ nyɛ anɔkuale ɔ kulaa mi blɔ; ejakaa e be lɛ nitsɛ e yi mi toe kɛ tu munyu, se mohu nɔ́ tsuaa nɔ́ nɛ e maa nu ɔ, kɔlɔ ɔ e ma de, nɛ nihi nɛ ma a, e maa wo nɔ ta de nyɛ.

Hebribi 1:9

O suɔ nɔ́ nɛ da, o nyɛɛ nɔ́ yaya peemi Lɔ ɔ he ɔ Mawu nɛ ji o Mawu ɔ Kɛ bua jɔmi nu ɔ pɔ mo pe o nyɛmimɛ ɔmɛ.”

1 Yohane 4:13

Enɛ ɔ waa kɛ leɔ kaa wa hii Mawu mi nɛ lɛ hu e hii wa mi, ejakaa e ngɔ lɛ nitsɛ e Mumi ɔ eko ngɔ ha wɔ.

Ni Tsumi 3:14

Se nyɛɛ lɛɛ nyɛ kua nɔ klɔuklɔu kɛ dalɔ ɔ, nɛ nyɛ kpa pɛɛ ke a ngmɛɛ nɔmlɔ awi yelɔ mohu he ngɔ ha nyɛ,

Luka 4:18

“Nyɔmtsɛ ɔ mumi ɔ ngɛ ye nɔ. Lɔ ɔ he ɔ, e pɔ mi nu konɛ ma fiɛ Sane Kpakpa a ngɔ tsɔɔ ohiafohi, Konɛ ma fiɛ he yemi ngɔ tsɔɔ nyɔgue ɔmɛ, Kɛ nɔ́ hyemi ha hɛyuyuili.

Marko 1:24

“Mɛni o ngɛ hlae ngɛ wa dɛ, Yesu Nazareno? O ma wa hɛ mi kpatami lo? I le nɔ nɛ ji mo: Mo ji Tsɔlɔ Klɔuklɔu nɛ je Mawu ngɔ ɔ nɛ!”

Kpojemi 4:8

Nɛ hɛkali eywiɛ ɔmɛ a ti nɔ tsuaa nɔ ngɛ ple ekpa ekpa, nɛ a he kɛ a mi tsuo hyi tɔtɔɔtɔ kɛ hɛngmɛ sɔuu, nɛ a jɔɔ we lami nyɔ kɛ pia ke: “Klɔuklɔu, klɔuklɔu, klɔuklɔu ji Nyɔmtsɛ Mawu Ope, Nɔ nɛ ngɛ sa a, kɛ nɔ nɛ ngɛ ɔ, kɛ nɔ nɛ maa ba a.”

Kpojemi 3:7

“Nɛ Filadelfia asafo ɔ bɔfo ɔ, ngmaa ya ha lɛ ke: “Nihi nɛ nɔ klɔuklɔu ɔ kɛ anɔkualetsɛ ɔ, nɔ nɛ hɛɛ David safe ɔ, nɔ nɛ bliɔ nɛ nɔ ko nga we, nɛ e ngaa hulɔ nɛ nɔ ko bli we ɔ de ji nɛ ɔ nɛ:

Hebribi 8:11

Nɛ a ti nɔ ko be e huɛ loo e nyɛmi tsɔɔe ke: ‘Le Nyɔmtsɛ ɔ.’ Ejakaa mɛ kulaa a maa le mi, Kɛ maa je a kpɛti nɔ nyafii nɔ Kɛ yaa su nɔ ngua nɔ.

1 Korintobi 2:15

Mumi mi nɔmlɔ ɔ kojoɔ nihi kulaa, se lɛɛ, nɔ ko nɔ ko kojo we lɛ.

Luka 4:34

“Aa, mɛni sane waa kɛ mo ngɛ, mo Yesu Nazareno? O ba wa hɛ mi kpatami lo? I le nɔ nɛ ji mo, mo ji Mawu Nɔ Klɔuklɔu ɔ nɛ!”

Mateo 13:11

Se e he nɔ nɛ e de mɛ ke: “Ejakaa nyɛɛ lɛɛ a ngɔ hiɔwe matsɛ yemi ɔ mi laami sane ɔmɛ ngɔ ha nyɛ ke nyɛɛ le, se mɛɛ lɛɛ a kɛ hi me.

Yuda 1:5

Nyɛ le enɛ lɛɛ, se i ngɛ hlae nɛ ma kai nyɛ, kaa benɛ Nyɔmtsɛ je e ma a kɛ je Mizraim ɔ, lɔ ɔ se ɔ, e kpata nihɛmɛ nɛ he we yi ɔmɛ a hɛ mi.