1 Yohane 2:18 - Somi He Ɔ

¹⁸ Ye bimɛ, nyagbe ngmlɛfia a ji nɛ ɔ nɛ; nɛ bɔ nɛ nyɛ nu kaa lakpa kristo ɔ ma, nɛ jehanɛ lakpa kristohi fuu ba, he je ɔ, wa le kaa nyagbe ngmlɛfia a ji nɛ ɔ nɛ.

BAIBLO ALOO NGMAMI KLƆUKLƆU Ɔ

¹⁸ Ye bimɛ tsɔwi, nyagbe be ɔ su ta! A de nyɛ ke Kristo he nyɛlɔ ɔ ma; se amlɔ nɛ ɔ, Kristo he nyɛli fuu ba momo. Enɛ ɔ he ɔ, wa le kaa nyagbe ɔ su ta.

1 Yohane 2:18 ပူးပေါင်းရင်းမြစ်များ

1 Yohane 4:3

Nɛ mumi tsuaa mumi nɛ jaje we kaa Yesu Kristo ba ngɛ he lo mi ɔ, pi Mawu mi nɛ e je, se mohu e ji lakpa kristo mumi ɔ nɛ nyɛ nu e he kaa e ma a, nɛ jehanɛ tete e ngɛ je ɔ mi momo.

2 Yohane 1:7

Ejakaa sisili tuu ba je ɔ mi, nihi nɛ jaje we kaa Yesu Kristo ba ngɛ he lo mi; nɔ nɛ ɔmɛ ji sisilɔ kɛ lakpa kristo ɔ nɛ.

1 Yohane 2:22

Lɛɛ mɛnɔ ji lakpatsɛ? Lɛ ji nɔ nɛ deɔ ke pi Yesu ji Kristo ɔ. Nɔ nɛ kuaa Tsɛ ɔ kɛ Bi ɔ, lɛ ji lakpa kristo ɔ nɛ.

Mateo 24:24

Ejakaa lakpa kristohi kɛ lakpa gbali maa te si nɛ a maa pee okadi nguahi kɛ nyakpɛ nihi kɛ maa tsɔɔ, nɛ kaa e maa hi jinɛ a maa mlɔɔ nihi na a hla amɛ tete.

Mateo 24:5

Ejakaa nihi fuu kɛ ye biɛ maa ba, nɛ a ma ba de ke: ‘Imi ji Kristo ɔ nɛ!’ Nɛ a maa mlɔɔ nihi fuu.

1 Yohane 4:1

Suɔli, nyɛ ko he mumi tsuaa mumi ngɔ ye, se mohu nyɛɛ ka mumi ɔmɛ nɛ nyɛɛ hyɛ kaa Mawu mi a je lo; ejakaa lakpa gbali fuu je kpo kɛ ba je ɔ mi.

Marko 13:6

Nihi fuu maa ba ngɛ ye biɛ mi, nɛ a ma de ke: ‘Ami ji lɛ!’ nɛ a maa mlɔɔ nihi fuu.

2 Petro 2:1

Lakpa gbali te si hyɛ ngɛ Israelbi ɔmɛ a kpɛti, kaa bɔ nɔuu nɛ lakpa tsɔɔli maa ba nyɛ hu nyɛ kpɛti ɔ. A kɛ hɛ mi kpatami tsɔɔmihi ma ba hɔ mi zaa, nɛ Nyɔmtsɛ ɔ nɛ kpɔ mɛ ɔ po, a ma kua lɛ, nɛ a kɛ hɛ mi kpatami nɛ he ngɛ oya maa ba mɛ nitsɛmɛ a nɔ.

Mateo 24:11

Nɛ lakpa gbali fuu maa te si, nɛ a maa mlɔɔ nihi fuu.

Yuda 1:18

ejakaa a de nyɛ ke: “Nyagbe be ɔ mi ɔ, nɔ he fɛu yeli nɛ nyɛɛ ngɛ mɛ nitsɛmɛ a kɔnɔ yaya amɛ a nya a maa ba.”

2 Petro 3:3

Kekleekle ɔ, nyɛɛ le enɛ ɔ kaa nyagbe ligbi ɔmɛ a mi ɔ, nɔ he fɛu yeli maa ba kɛ he fɛu yemi, nihi nɛ maa nyɛɛ ngɛ mɛ nitsɛmɛ a kɔnɔ ɔmɛ a nya,

Hebribi 1:2

se ngɛ nyagbe ligbi nɛ ɔmɛ a mi ɔ, e Bi ɔ nya e kɛ wɔ tu munyu ngɛ, nɔ nɛ e ngɔ lɛ ngɔ pee nihi kulaa yelɔ ɔ, nɔ nɛ nɔ hu nɛ e gu kɛ bɔ je ɔ kɛ e mi ni ɔmɛ;

1 Petro 1:20

A hla lɛ momo sa loko a to je ɔ sisi, se e a je lɛ kpo ngɛ be ɔmɛ a nyagbe mi ngɛ nyɛ he.

1 Petro 1:5

nyɛ nihi nɛ a gu hemi kɛ yemi nɔ buu nyɛ he ngɛ Mawu he wami nya ngɔ toɔ yi wami hemi nɛ a dla ngɔ to nɛ a ma je kpo ngɛ nyagbe be ɔmɛ a mi ɔ.

Yohane 21:5

Jeha nɛ ɔ Yesu bi mɛ ke: “Bimɛ, nyɛ gbe lo ko lo?” A he nɔ ke: “Dɛbi.”

Romabi 13:11

Enɛ ɔ se ɔ wa le be ɔ kaa jeha nɛ ngmlɛfia nɛ waa kɛ maa te si kɛ je mahɛ mi ɔ su; ejakaa jeha nɛ wa yi wami hemi ɔ na wɔ pe kekle benɛ wa he ye ɔ.

Romabi 13:12

Nyɔ ɔ be ta, na je nami na wɔ. Lɔ ɔ he ɔ nyɛ ha nɛ waa ngmɛɛ diblii mi ni tsumi ɔmɛ a he, nɛ waa wo la ta hwumi ni ɔmɛ.

1 Petro 4:7

Nihi tsuo a nyagbe ɔ su ta; lɔ ɔ he ɔ, nyɛ juɛmi mi nɛ tsɔ nɛ nyɛ hɛ nɛ ka si kɛ ha sɔlemi.