1 Yohane 2:16 - Somi He Ɔ

¹⁶ Ejakaa nɔ́ tsuaa nɔ́ nɛ ngɛ je ɔ mi ɔ, he lo ɔ se dimi ni ɔmɛ kɛ hɛngmɛ ɔ se dimi ni ɔmɛ kɛ si himi ɔ mi he womi ɔ, ji Tsɛ ɔ mi, se mohu je ɔ mi e je.

BAIBLO ALOO NGMAMI KLƆUKLƆU Ɔ

¹⁶ Nɔ́ tsuaa nɔ́ nɛ ngɛ je nɛ ɔ mi ɔ, je ɔ mi e je. Níhi nɛ he lo ɔ dii se, níhi nɛ hɛngmɛ dii se, kɛ níhi nɛ nihi fĩaa kɛ fɔɔ nɔ ɔ, lɛ tsuo je je nɛ ɔ mi; ekoeko ji Tsɛ ɔ ngɔ.

1 Yohane 2:16 ပူးပေါင်းရင်းမြစ်များ

Romabi 13:14

se mohu nyɛɛ wo Nyɔmtsɛ Yesu Kristo, nɛ nyɛ ko ha he lo ɔ he susumi ɔ ba plɛ he lo ɔ se dimi.

Galatabi 5:17

Ejakaa nihi nɛ he lo ɔ dii se ɔ kɛ mumi ɔ yi, nɛ nihi nɛ mumi ɔ hu dii se ɔ kɛ he lo ɔ yi. Ni nɛ ɔmɛ kɛ a he yi, konɛ nyɛ ko pee nihi nɛ nyɛ suɔ.

Efesobi 2:3

kɔlɔ ɔmɛ a mi wɔ tsuo hu wa ba wa je mi ngɛ sa ngɛ wa he lo akɔnɔ ɔmɛ a mi, nɛ wa tsu nihi nɛ he lo kɛ juɛmi suɔ ɔ, nɛ wa ji Mawu muklii mi fumi bimɛ ngɛ wa fɔmi su ɔ nya kaa nihi nɛ piɛ ɔmɛ nɔuu.

Yakobo 3:15

Kikɛmɛ a ni lemi nɛ ɔ, pi hiɔwe nɛ e je, se mohu zugba nɛ ɔ nɔ nɔ́ ʼi, he lo nya nɔ́ ʼi, mumi yayamihi a nɔ́ ʼi.

1 Petro 2:11

Mamimɛ, i ngɛ munyu tue kɛ ngɛ nyɛ tsɔɔe kaa nibwɔhi kɛ blɔ hiali kaa nyɛɛ nyɛ he lo se dimi nihi nɛ kɛ klaa hwuɔ ta,

2 Petro 2:10

se titli ɔ, nihi nɛ nyɛɛ he lo se ngɛ he blemi akɔnɔ mi, nɛ a gbee Mawu nɔ yemi he guɛ ɔ. Kikɛmɛ a lakpa tsɔɔli nɛ ɔmɛ a tsui wa, nɛ a woɔ a he, nɛ a bui hiɔwe bɔfohi tete, nɛ a tuɔ a he munyu yaya.

Tito 2:12

nɛ e tsɔseɔ wɔ konɛ wa kua nɔ yaya peemi kɛ je nɛ ɔ mi akɔnɔ ɔmɛ, nɛ waa kɛ juɛmi kpakpa kɛ dami kɛ Mawu gbeye yemi nɛ hi si ngɛ je nɛ ɔ mi,

2 Petro 2:18

Akɛnɛ nya puu munyu nguahi jee a nya mi he je ɔ, a guu he lo akɔnɔhi a nɔ nɛ a kɛ ya homi mlɔɔ ninɛmɛ nɛ je wɔ jami mi kɛ we ɔ.

1 Petro 1:14

Nyɛɛ pee nyɛ he kaa bimɛ tue buli, nɛ nyɛ ko ba nyɛ je mi ngɛ sa benɛ nyɛ li nɔ́ ko ɔ mi akɔnɔ ɔmɛ a nya hu,

Tito 3:3

Ejakaa sa a wɔ hu wa li nɔ́ ko, tue gboli, blɔ dali, nihi nɛ sɔmɔɔ akɔnɔ ni kɛ helo se di ni slɔɔtohi fuu, nɛ wa baa wa je mi ngɛ ni yayahi kɛ he tsɛmi mi, wa he ngɛ tai, nɛ wa nyɛɛ wa he.

Mateo 5:28

Se i ngɛ nyɛ e nɔ dee: Nɔ tsuaa nɔ nɛ hyɛɛ yo nɛ e he peɔ lɛ akɔnɔ ɔ, e yeɔ fɔ ejakaa e kɛ lɛ puɛ gba momo ngɛ e tsui mi.

Luka 4:5

Kɛkɛ nɛ abosiami ngɔ lɛ kɛ ya yo gaga ko nɔ, nɛ e ngɔ je mi matsɛ yemi ɔmɛ tsuo ngɔ tsɔɔ lɛ hɛngmɛfia.

Galatabi 5:24

Se nihi nɛ ji Kristo Yesu nihi ɔ, a sɛu he lo ɔ kɛ e he numi nihi kɛ e kɔnɔ ɔmɛ kulaa.

Mateo 4:8

Jeha nɛ ɔ bosiami ngɔ lɛ kɛ ho yoku kpetekpleenyɛ nɛ ya hiɔwe ko nɔ ya nɛ e ngɔ je mi matsɛ yemi hehi tsuo kɛ a nyami ɔmɛ ngɔ tsɔɔ lɛ;

1 Korintobi 10:6

Se a kɛ enɛ ɔmɛ to wɔ okadi konɛ wa ko ha ni yayahi nɛ pee wɔ akɔnɔ kaa bɔ nɛ e pee mɛ ɔ.

Yakobo 4:16

Se jehanɛ nyɛ fiaa ngɛ nyɛ he womi ɔmɛ a mi; kikɛmɛ a fiami nɛ ɔ kulaa a yayami ʼi.