1 Yohane 2:15 - Somi He Ɔ

¹⁵ Nyɛ ko suɔ je ɔ aloo nihi hu nɛ ngɛ je ɔmi ɔ. Ke nɔ ko suɔ je ɔ, lɛɛ Tsɛ ɔ suɔmi ɔ be e mi.

BAIBLO ALOO NGMAMI KLƆUKLƆU Ɔ

¹⁵ Nyɛ ko suɔ je ɔ, loo níhi nɛ ngɛ je ɔ mi ɔ. Ke nɔ ko suɔ je ɔ, lɛɛ e sume Tsɛ ɔ.

1 Yohane 2:15 ပူးပေါင်းရင်းမြစ်များ

Yakobo 4:4

Gbapuɛli! Nyɛ li kaa je nɛ ɔ kɛ huɛbɔmi ɔ Mawu nyɛmi ʼi lo? Lɔ ɔ he ɔ, nɔ tsuaa nɔ nɛ suɔ nɛ e kɛ je ɔ nɛ bɔ huɛ ɔ, e ji Mawu henyɛlɔ.

Romabi 12:2

Nɛ nyɛ je mi bami ko pee kaa je mi bihi a je mi bami, se mohu nyɛ ha Mawu nɛ tsake nyɛ juɛmi, konɛ nyɛ yɔse nihi nɛ ji Mawu suɔmi nya ni kpakpahi nɛ sa e hɛ mi saminya nɛ hi kɛ pi si ɔ.

Mateo 6:24

“Nɔ ko be nyɔmtsɛmɛ enyɔ nyɛe ma sɔmɔ; ejakaa eko ɔ e maa nyɛ nɔ kake nɛ e maa suɔ nɔ kpa a; aloo e maa pɛtɛ nɔ kake he, nɛ e maa gbe nɔ kpa a he guɛ. Nyɛ be Mawu kɛ mamona (ni nami) nyɛe ma sɔmɔ.

Luka 16:13

“Wenyumu ko be nyɔmtsɛmɛ enyɔ nyɛe ma sɔmɔ, ejakaa eko ɔ e maa nyɛ nɔ kake nɛ e maa suɔ nɔ kpa a, aloo e maa pɛtɛ nɔ kake he, nɛ e maa gbe nɔ kpa a he guɛ. Nyɛ be Mawu kɛ ni nami nyɛe ma sɔmɔ.”

Yohane 15:19

Kaa je ɔ mi nyɛ je jinɛ, je ɔ maa suɔ lɛ nitsɛ e nihi, se akɛnɛ nyɛ ji je ɔ mi se imi mohu lɛ i hla nyɛ kɛ je je ɔ mi ɔ, kɔlɔ ɔ he nɛ je ɔ nyɛɛ nyɛ ɔ nɛ.

1 Yohane 3:17

Ke nɔ ko na je nɔ mi ni, nɛ e na kaa e fi nyɛmi, nɛ e nga e tsui nyɛ wo lɛ ɔ, kɛ Mawu suɔmi ɔ maa pee kɛ hi e mi kɛɛ?

1 Timoteo 6:10

Ejakaa ni yayahi kulaa sipoku ji sika suɔmi nɛ ni komɛ di se nɛ a tla blɔ kɛ je hemi kɛ yemi ɔ mi, nɛ a kɛ piimi babauu gbɔ a tsui mi ɔ.

Galatabi 1:10

Blɔɔ jehanɛ nimli a hɛ mi i ngɛ hlɛe nɛ ma sa loo Mawu? Aloo i ngɛ nimli a hɛ mi hlae ma sa? Ejakaa ke i ngɛ nɔ ngɛ nimli a hɛ mi sae kɛ mwɔɔ ɔ, lɛɛ pi Kristo tsɔlɔ ji mi.

1 Yohane 4:5

Mɛɛ lɛɛ je ɔ mi a je, lɔ ɔ he ɔ a tuɔ munyu kaa ninɛmɛ nɛ je je ɔ mi, nɛ je ɔ buɔ mɛ tue.

Efesobi 2:2

Jamɛ a be ɔ mi ɔ, nyɛ nyɛɛ ngɛ je nɛ ɔ mi kɔɔhiɔ mi he wami ɔ nɔ yelɔ, nɛ ji mumi nɛ tsuɔ ni mwɔnɛmwɔnɛ ngɛ tuegbenɔ bihi a mi ɔ su ɔ nya;

1 Yohane 5:10

Lɔ ɔ he ɔ, nɔ nɛ heɔ Mawu Bi ɔ nɔ yeɔ ɔ, e ngɛ odase ngɛ lɛ nitsɛ e tsui mi; se nɔ nɛ he we Mawu yi ɔ, ha e plɛ lakpatsɛ, ejakaa e he we odase nɛ Mawu ye ngɛ e Bi ɔ he ɔ yi.

Mateo 4:8

Jeha nɛ ɔ bosiami ngɔ lɛ kɛ ho yoku kpetekpleenyɛ nɛ ya hiɔwe ko nɔ ya nɛ e ngɔ je mi matsɛ yemi hehi tsuo kɛ a nyami ɔmɛ ngɔ tsɔɔ lɛ;

Yakobo 1:27

Mawu jami nɛ he tsɔ nɛ he be mu ko ngɛ Mawu tsɛ ɔ hɛ mi ji nɛ ɔ nɛ, kaa a slaa ahusahi kɛ yalɔyi ngɛ a hiamihi a mi, nɛ e to e he nɛ je ɔ ko wo e he mu.