1 Yohane 2:1 - Somi He Ɔ

¹ Ye bimɛ tsɔwi, i ngɛ nyɛ ni nɛ ɔmɛ ngmae, konɛ nyɛ ko pee yayami. Se ke nɔ ko pee yayami po hu ɔ, wa ngɛ mi dalɔ ngɛ Tsɛ ɔ ngɔ, Yesu Kristo, dalɔ ɔ;

BAIBLO ALOO NGMAMI KLƆUKLƆU Ɔ

¹ Ye bimɛ tsɔwi, i ngɛ nyɛ womi nɛ ɔ ngmae, konɛ nyɛ ko pee yayami. Se ke nɔ ko pee yayami pohu ɔ, wa ngɛ nɔ nɛ daa mi kɛ haa wɔ ngɛ Tsɛ ɔ ngɔ. Lɛ ji Yesu Kristo, nɔ nɛ peeɔ nɔ́ nɛ da a.

1 Yohane 2:1 ပူးပေါင်းရင်းမြစ်များ

Luka 10:22

“Tsaatsɛ tu nihi tsuo kulaa ngɔ wo ye dɛ, nɛ nɔ ko li nɔ nɛ ji Bi ɔ, ja Tsɛ ɔ kɛkɛ, kɛ nɔ nɛ ji Tsɛ ɔ, ja Bi ɔ kɛ nɔ nɛ Bi ɔ suɔ kaa e je lɛ kpo ngɔ tsɔɔ ɔ.”

Yohane 10:15

kaa bɔ nɛ Tsɛ ɔ le mi, nɛ imi hu i le Tsɛ ɔ; nɛ i ngɔɔ ye wami ngɔ fɔɔ si ngɛ to ɔmɛ a nane mi.

Yohane 13:33

Bimɛ tsɔwi, be bɔɔ kɛkɛ e piɛ nɛ i kɛ nyɛ maa hi si; nyɛ ma hla mi, nɛ bɔ nɛ i de Yudafo ɔmɛ ke: ‘He nɛ i yaa a, nyɛɛ lɛɛ nyɛ be lejɛ ɔ nyɛe maa bɛ’ a, jã i ngɛ nyɛ hu dee jeha nɛ ɔ nɛ.

Yohane 14:16

Nɛ imi lɛɛ ma bi Tsɛ ɔ, nɛ e ma ha nyɛ Hepiɛlɔ kpa, konɛ e kɛ nyɛ nɛ hi si kɛ ya neneene;

Yohane 14:6

Yesu de lɛ ke: “Ami ji blɔ ɔ kɛ anɔkuale ɔ kɛ wami ɔ; nɔ ko bɛ́ Tsɛ ɔ ngɔ, kaa ja e gu ye nɔ.

Yohane 21:5

Jeha nɛ ɔ Yesu bi mɛ ke: “Bimɛ, nyɛ gbe lo ko lo?” A he nɔ ke: “Dɛbi.”

Yohane 5:14

Pee se ɔ Yesu ya na lɛ ngɛ sɔlemi we ɔ, nɛ e de lɛ ke: “Oʼɛ, o na he wami; koo pee yayami hu, kone nɔ́ ko yaya nɛ pe kekle nɔ́ ɔ ko ba o nɔ.”

Yohane 5:36

Se imi lɛɛ, i ngɛ odase nɛ pe Yohane nɔ ɔ, ejakaa ni tsumi ɔmɛ nɛ Tsɛ ɔ ngɔ ha mi kaa ma gbe nya a, lɛ ni tsumi ɔmɛ nɛ i tsuɔ ɔ nɔuu yeɔ ye he odase kaa Tsɛ ɔ lɛ tsɔ mi.

Yohane 6:27

Nyɛ ko tsu ngma nɛ puɛɛ ɔ he ni, se mohu nyɛ tsu ngma nɛ hii si kɛ yaa neneene wami mi nɛ Nɔmlɔ Bi ɔ ma ha nyɛ ɔ he ni, ejakaa lɛ e nya Tsɛ Mawu ɔ sɔu.”

Yohane 8:11

Nɛ e ke: “Nyɔmtsɛ, nɔ ko bui mi fɔ.” Nɛ Yesu de lɛ ke: “Lɛɛ imi hu i bui mo fɔ mɔ. Yaa nɛ o ko ya pee yayami hu.”]

Ni Tsumi 7:52

Gbali ɔmɛ a ti mɛnɔ nyɛ tsɛmɛ ɔmɛ wɛ́ lɛ yi mi hyɛ? Nɛ a gbe nihi nɛ gba sa ngɛ dalɔ ɔ bami ɔ he ɔ, nɔ nɛ jeha nɛ ɔ nyɛ plɛ e se blɔ tsɔɔli kɛ awi yeli ɔ,

Romabi 5:10

Ejakaa ke be mi nɛ wa ji henyɛli ɔ nɛ a kɛ Mawu bi ɔ gbenɔ ba kpata waa kɛ Mawu kpɛti ɔ, jeha nɛ nɛ a kpata nɛ ɔ, a ma he wa yi wami hluu ngɛ e wami ɔ mi.

Romabi 6:15

Lɛɛ kɛ ji lɛ kɛɛ? Waa pee yayami akɛnɛ wa be Mlaa sisi se dloomi mohu sisi wa ngɛ ɔ lo? Dɛbi!

Romabi 8:34

Mɛnɔ ji nɔ nɛ buu fɔ ɔ? Yesu Kristo nɔ nɛ e gbo, se nɔ́ nɛ pe kɔlɔ ɔ, nɔ nɛ a tle lɛ si hulɔ, nɛ e ngɛ Mawu hiɛ ɔ nɔ, nɛ e pa daa mi haa wɔ.

1 Korintobi 15:34

Nyɛ ha nyɛ hɛ mi nɛ tsɔ nyɛ saminya, nɛ nyɛ ko pee yayami; ejakaa nyɛ ti ni komɛ li nɔ́ ko nɔ́ ko ngɛ Mawu he. I ngɛ enɛ ɔ dee nɛ ma kɛ gbe nyɛ zo.

2 Korintobi 5:21

Ejakaa nɔ nɛ li yayami ɔ, wa he ɔ Mawu ha e plɛ yayami, konɛ wɔɔ lɛɛ wa plɛ Mawu dami ngɛ e mi.

Galatabi 4:19

Ye bimɛ kpakpahi, i nu kɔɔmi ngɛ nyɛ fɔmi he ekohu kɛ maa su be nɛ a maa bɔ Kristo subai ɔ ngɛ nyɛ mi.

Efesobi 2:18

ejakaa e nɔ wɔ ni enyɔ ɔmɛ kulaa guu kɛ naa blɔ ngɛ mumi kake mi kɛ yaa Tsɛ ɔ ngɔ.

Efesobi 4:26

Nyɛ muklii mi nɛ fu, se nyɛ ko pee yayami; pu ko nɔ si ngɛ nyɛ mi mi fumi ɔ nɔ,

1 Timoteo 2:5

Ejakaa Mawu kake lɛ ngɛ, kɛ Mawu kɛ nimli a mi dalɔ kake hu nɛ ji nɔmlɔ Kristo Yesu ɔ,

1 Timoteo 3:14

I ngɛ mo enɛ ɔmɛ ngmae, nɛ ye hɛ ngɛ nɔ kaa e be kɛe nɛ ma ba o ngɔ.

Hebribi 9:24

Ejakaa pi he klɔuklɔu nɛ a kɛ ninehi pee nɛ ji nɔ́ ɔ nitsɛ henɔ kɛkɛ mi nɛ Kristo ya sɛ ɔ, se mohu hiɔwe nitsɛ e ya sɛ, konɛ jehanɛ ya je e he kpo ngɛ Mawu hɛ mi ha wɔ.

Yakobo 1:27

Mawu jami nɛ he tsɔ nɛ he be mu ko ngɛ Mawu tsɛ ɔ hɛ mi ji nɛ ɔ nɛ, kaa a slaa ahusahi kɛ yalɔyi ngɛ a hiamihi a mi, nɛ e to e he nɛ je ɔ ko wo e he mu.

Yakobo 3:9

Lɔ ɔ nɔuu waa kɛ gbaa Nyɔmtsɛ ɔ kɛ Tsɛ ɔ, nɛ lɔ ɔ nɔuu hulɔ waa kɛ gbiɛɛ nimli nɛ a bɔ ngɛ Mawu subai nɔ ɔ.

1 Petro 2:22

lɛ nɔ nɛ e pee we yayami nɛ jeha nɛ hu lakpa ko ji e nya mi ɔ,

1 Petro 3:18

Ejakaa Kristo nitsɛ hu na amanehlu si kake nyɔngloo ngɛ yayamihi a he, lɛ dalɔ ɔ, ngɛ nihi nɛ dɛ ɔmɛ a nane mi, konɛ e kɛ wɔ nɛ ya Mawu ngɔ. A gbe lɛ ngɛ he lo blɔfami mohu, se a ha lɛ wami ngɛ mumi blɔfami.

1 Yohane 3:18

Bimɛ tsɔwi, nyɛ ko ha waa suɔ nimli ngɛ munyu tutui mi loo ngɛ lilɛ nɔ kɛkɛ, se mohu ngɛ ni tsumi kɛ anɔkuale mi.

1 Yohane 3:5

Nɛ nyɛ le kaa Kristo je e he kpo konɛ e wo wa he yayami ɔmɛ kɛ ho, nɛ yayami ko be e mi.

1 Yohane 3:7

Bimɛ tsɔwi, nyɛ ko ha nɛ nɔ ko nɛ mlɔɔ nyɛ. Nɔ nɛ tsuɔ dami nihi ɔ, dalɔ ji lɛ, kaa bɔ nɛ Kristo hu ji dalɔ ɔ.

1 Yohane 4:4

Bimɛ tsɔwi, nyɛɛ lɛɛ nyɛ je Mawu mi, nɛ nyɛ ye lakpa gbali ɔmɛ a nɔ kunimi; ejakaa mumi nɛ ngɛ nyɛ mi ɔ kle pe mumi nɛ ngɛ je ɔ mi ɔ.

1 Yohane 5:17

Nɔ́ tsuaa nɔ́ nɛ dɛ blɔ ɔ yayami ʼi, se yayami ko ngɛ nɛ pi gbenɔ yayami.

1 Yohane 5:21

Bimɛ tsɔwi, nyɛɛ hyɛ nyɛ he nɛ hi ngɛ wɔhi a he.

3 Yohane 1:4

Nɔ ko pee we mi bua jɔmi pe enɛ kaa ma nu kaa ye bimɛ ɔmɛ nyɛɛ ngɛ anɔkuale ɔ mi.