1 Yohane 1:8 - Somi He Ɔ

⁸ Ke wa de ke yayami ko be wa he ɔ, wɔ nitsɛmɛ wa he wa ngɛ sisie, nɛ anɔkuale ɔ be wa mi.

BAIBLO ALOO NGMAMI KLƆUKLƆU Ɔ

⁸ Ke wa de ke yayami ko be wa he ɔ, wɔ nitsɛmɛ wa he wa ngɛ sisie; nɛ Mawu we anɔkuale ɔ be wa mi.

1 Yohane 1:8 ပူးပေါင်းရင်းမြစ်များ

Yohane 8:44

Nyɛɛ lɛɛ, nyɛ tsɛ nɛ nyɛ je e mi ji abosiami, nɛ nyɛ tsɛ ɔ tsui nya ni nyɛ suɔ kaa nyɛɛ pee. Lɛɛ nɔ gbelɔ ji lɛ kɛ je blema, nɛ e hi si ngɛ anɔkuale ɔ mi, ejakaa anɔkuale be e mi. Ke e ngɛ lakpa yee ɔ, lɛ nitsɛ e nihi a he munyu e tuɔ, ejakaa lakpatsɛ kɛ nya ngɔli a tsɛ ji lɛ.

Romabi 3:10

kaa bɔ nɛ wa ngma a ke: “Dalɔ ko be, nɔ kake ngmelu be;

Romabi 3:23

Ejakaa slɔɔto ko be: ejakaa nihi tsuo peɔ yayami, nɛ Mawu hɛ mi nyami ɔ bɔ mɛ,

1 Korintobi 3:18

Nyɛ ti nɔ ko nɔ ko ko mlɔɔ lɛ nitsɛ e he. Ke nɔ ko susu kaa ni lelɔ ji lɛ ngɛ nyɛ kpɛti ngɛ je nɛ ɔ mi ɔ, e pee e he kuasia, konɛ e plɛ ni lelɔ.

Galatabi 6:3

Ejakaa ke e peɔ nɔ ko kaa nɔ ko ji lɛ nɛ e pi nɔ ko ɔ, lɛ nitsɛ e he e ngɛ sisie.

1 Timoteo 6:5

nɛ ji yakayaka ngmlaa kpami nɛ nimli nɛ a juɛmi puɛ nɛ a kpɔ anɔkuale ɔ ngɛ a dɛ nɛ a susuɔ kaa Mawu jami ji ni nami ɔ.

2 Timoteo 3:13

Se nimli yayamihi kɛ sisili maa ya hɛ mi ngɛ yayami peemi mi; a sisiɔ nihi, nɛ mɛ hu a sisiɔ mɛ.

Yakobo 1:22

Nyɛɛ pee munyu ɔ nɔ yeli, se pi munyu ɔ nuli kɛkɛ, nɛ nyɛɛ kɛ mlɔɔ nyɛ nitsɛmɛ nyɛ he.

Yakobo 1:26

Se ke e peɔ nyɛ ti nɔ ko kaa Mawu jalɔ ji lɛ nɛ e kɔɛ e lilɛ mi ɔ, e ngɛ e he sisie, nɛ kikɛmɛ a nɔmlɔ nɔ jami ɔ ji yaka.

Yakobo 3:2

Ejakaa wɔ tsuo kulaa wa tɔɔ fuu. Ke nɔ ko tɔ we ngɛ munyu mi ɔ, lɛɛ nɔmlɔ nɛ hi kɛ pi si ji lɛ, nɛ e ngɛ he wami nɛ e kɛ maa ye e nɔmlɔ tso mluku ɔ kulaa nɔ.

2 Petro 2:13

a kɛ nɔ nami maa wo mɛ nihi nɛ dɛ blɔ ɔmɛ a he hiɔ. A buu kpo nɔ ya homi kaa nɔ́ nɛ ngɔɔ; mutsɛmɛ nɛ he ngɛ tai ji mɛ, a hoɔ ya ngɛ a blɔ laami ɔmɛ a mi benɛ a kɛ nyɛ ngɛ ni yee ɔ.

1 Yohane 1:10

Ke wa ke wa pee we yayami ɔ, lɛɛ wa ngɛ Mawu lakpatsɛ bue, nɛ e munyu ɔ be wa mi.

1 Yohane 1:6

Ke wa de ke waa kɛ lɛ ngɛ huɛ bɔe, se wa nyɛɛ diblii ɔ mi ɔ, wa ngɛ lakpa yee nɛ wa tu we anɔkuale.

1 Yohane 2:4

Nɔ nɛ deɔ ke: “I le lɛ,” nɛ e yi e kita amɛ a nɔ ɔ, lakpatsɛ ji lɛ, nɛ anɔkuale ɔ be e mi.

1 Yohane 4:20

Ke nɔ ko de ke: “I suɔ Mawu,” nɛ e nyɛɛ lɛ nitsɛ e nyɛmi ɔ, lakpatsɛ ji lɛ. Ejakaa nɔ nɛ sume lɛ nitsɛ e nyɛmi nɛ e naa a, Mawu nɛ e nɛ́ ɔ, kɛ maa pee kɛɛ nɛ e ma nyɛ lɛ maa suɔ?

2 Yohane 1:2

ngɛ anɔkuale nɛ hii wa mi nɛ e kɛ wɔ maa hi si kɛ maa ya neneene ɔ he.

3 Yohane 1:3

Ejakaa i na bua jɔmi babauu benɛ nyɛmimɛ komɛ ba nɛ a ba ye o nɔkuale ɔ he odase, bɔ nɛ o nyɛɛ ngɛ anɔkuale ɔ mi ɔ.