1 Yohane 1:6 - Somi He Ɔ

⁶ Ke wa de ke waa kɛ lɛ ngɛ huɛ bɔe, se wa nyɛɛ diblii ɔ mi ɔ, wa ngɛ lakpa yee nɛ wa tu we anɔkuale.

BAIBLO ALOO NGMAMI KLƆUKLƆU Ɔ

⁶ Lɔ ɔ he ɔ, ke wa de ke waa kɛ lɛ ngɛ huɛ bɔe, se kɛ̃ wa ngɛ diblii ɔ mi ɔ, wa ngɛ lakpa yee; munyu nɛ jeɔ wa nya, kɛ wa ní peemi tsuo anɔkuale be mi.

1 Yohane 1:6 ပူးပေါင်းရင်းမြစ်များ

Mateo 7:22

Nihi fuu ma de mi ngɛ jamɛ a ligbi ɔ nɔ ke: ‘Nyɔmtsɛ, Nyɔmtsɛ, anɛ pi mo o biɛ ɔ mi nɛ wa gba ngɛ, nɛ o biɛ ɔ mi wa hia numi yayamihi ngɛ, nɛ o biɛ ɔ mi wa pee he wami nihi fuu ngɛ lo?’

Yohane 11:10

Se ke nɔ ko nyɛɛ nyɔ mi ɔ e tɛɔ si, ejakaa la be e mi.”

Yohane 12:35

Yesu de mɛ ke: “Be kpiti kɛkɛ e piɛ ha la a ngɛ nyɛ kpɛti. Be abɔ nɛ nyɛ ngɛ la a nɛ ɔ ɔ, nyɛɛ nyɛɛ, konɛ diblii ko ba na nyɛ; se nɔ nɛ nyɛɛ diblii mli ɔ, e li he nɛ e yaa.

Yohane 12:46

Imi lɛɛ i ba je ɔ mi kaa la, konɛ nɔ tsuaa nɔ nɛ heɔ ye nɔ yeɔ ɔ, e ko hi diblii ɔ mi.

Yohane 8:12

Kɛkɛ nɛ Yesu kɛ mɛ tu munyu ekohu nɛ e ke: “Imi ji je ɔ la a nɛ. Nɔ nɛ nyɛɛ ye se ɔ, e be diblii mi nyɛe gblegbleegblee, se mohu e ma na wami la a.”

Yohane 8:55

nɛ nyɛ yo we lɛ, se imi lɛɛ i le lɛ. Ke i de ke i li lɛ ɔ, ma pee nyangɔlɔ kaa nyɛ; se i le lɛ nɛ i yeɔ e munyu nɔ.

1 Timoteo 4:2

ngɛ nya ngɔli a sato peemi mi, nihi nɛ a he nile gbo kaa nɔ nɛ a sã kɛ dade kɛ la,

Yakobo 2:14

Mamimɛ, ke nɔ ko ke e ngɛ hemi kɛ yemi, se e be ni tsumihi ɔ mɛni se nami lɛ ngɛ mi? Anɛ hemi kɛ yemi ɔ ma nyɛ e yi wami ma he lo?

Yakobo 2:16

nɛ nyɛ ti nɔ ko ya de mɛ ke: “Nyɛɛ ya ngɛ he jɔmi mi; nyɛ ya hlue la, nɛ nyɛ ya ye ni nɛ nyɛɛ tɔ” — se e ha we mɛ nihi nɛ ngɛ nɔmlɔ tso ɔ hiae ɔ, mɛni se nami lɛ ngɛ mi?

Yakobo 2:18

Se nɔ ko ma de ke: “Moo lɛɛ o ngɛ hemi kɛ yemi, nɛ imi lɛɛ, i ngɛ ni tsumihi;” tsɔɔ mi o hemi kɛ yemi nɛ ni tsumihi be he ɔ, nɛ imi hu ma je ye ni tsumi ɔmɛ a mi ma tsɔɔ mo ye hemi kɛ yemi ɔ.

1 Yohane 1:10

Ke wa ke wa pee we yayami ɔ, lɛɛ wa ngɛ Mawu lakpatsɛ bue, nɛ e munyu ɔ be wa mi.

1 Yohane 1:3

Nɔ́ nɛ wa na nɛ wa nu ɔ, lɔ ɔ wa jajeɔ ngɔ tsɔɔ nyɛ, konɛ nyɛ hu nyɛɛ kɛ wɔ nɛ bɔ huɛ. Se oʼɛ, wa huɛ bɔmi ɔ, Tsɛ ɔ ke e Bi Yesu Kristo ɔ waa kɛ bɔɔ.

1 Yohane 1:8

Ke wa de ke yayami ko be wa he ɔ, wɔ nitsɛmɛ wa he wa ngɛ sisie, nɛ anɔkuale ɔ be wa mi.

1 Yohane 2:4

Nɔ nɛ deɔ ke: “I le lɛ,” nɛ e yi e kita amɛ a nɔ ɔ, lakpatsɛ ji lɛ, nɛ anɔkuale ɔ be e mi.

1 Yohane 4:20

Ke nɔ ko de ke: “I suɔ Mawu,” nɛ e nyɛɛ lɛ nitsɛ e nyɛmi ɔ, lakpatsɛ ji lɛ. Ejakaa nɔ nɛ sume lɛ nitsɛ e nyɛmi nɛ e naa a, Mawu nɛ e nɛ́ ɔ, kɛ maa pee kɛɛ nɛ e ma nyɛ lɛ maa suɔ?