1 Yohane 1:10 - Somi He Ɔ

¹⁰ Ke wa ke wa pee we yayami ɔ, lɛɛ wa ngɛ Mawu lakpatsɛ bue, nɛ e munyu ɔ be wa mi.

BAIBLO ALOO NGMAMI KLƆUKLƆU Ɔ

¹⁰ Ke wa ke wa pee we yayami ɔ, lɛɛ wa ngɛ tsɔɔe kaa Mawu mohu ji lakpatsɛ; nɛ Mawu we anɔkuale ɔ be wa mi.

1 Yohane 1:10 ပူးပေါင်းရင်းမြစ်များ

1 Yohane 1:8

Ke wa de ke yayami ko be wa he ɔ, wɔ nitsɛmɛ wa he wa ngɛ sisie, nɛ anɔkuale ɔ be wa mi.

1 Yohane 5:10

Lɔ ɔ he ɔ, nɔ nɛ heɔ Mawu Bi ɔ nɔ yeɔ ɔ, e ngɛ odase ngɛ lɛ nitsɛ e tsui mi; se nɔ nɛ he we Mawu yi ɔ, ha e plɛ lakpatsɛ, ejakaa e he we odase nɛ Mawu ye ngɛ e Bi ɔ he ɔ yi.

1 Yohane 2:4

Nɔ nɛ deɔ ke: “I le lɛ,” nɛ e yi e kita amɛ a nɔ ɔ, lakpatsɛ ji lɛ, nɛ anɔkuale ɔ be e mi.

2 Yohane 1:2

ngɛ anɔkuale nɛ hii wa mi nɛ e kɛ wɔ maa hi si kɛ maa ya neneene ɔ he.

1 Yohane 2:14

I ngɛ nyɛ ngmae, tsaatsɛmɛ, ejakaa nyɛ le nɔ nɛ ngɛ kɛ je sisije ɔ. I ngɛ nyɛ ngmae, nihewi, ejakaa nyɛ he wa, nɛ Mawu munyu ɔ hii nyɛ mi, nɛ nyɛ ye nɔ yayami ɔ nɔ kunimi.

Kolosebi 3:16

Nyɛ ha Kristo munyu ɔ nɛ hi nyɛ mi babauu ngɛ ni lemi tsuaa ni lemi mi; nɛ nyɛɛ tsɔɔ nyɛ he ni nɛ nyɛɛ tu munyu ngɔ tsɔɔ nyɛ he ngɛ saku fiamihi kɛ yi jemi lahi kɛ mumi mi lahi a mi, nɛ nyɛɛ kɛ sina nɛ la ngɛ nyɛ tsui mi ha Mawu.

1 Yohane 4:4

Bimɛ tsɔwi, nyɛɛ lɛɛ nyɛ je Mawu mi, nɛ nyɛ ye lakpa gbali ɔmɛ a nɔ kunimi; ejakaa mumi nɛ ngɛ nyɛ mi ɔ kle pe mumi nɛ ngɛ je ɔ mi ɔ.

Yohane 3:33

Nɔ tsuaa nɔ nɛ heɔ e odase ɔ yeɔ ɔ maa nɔ mi kaa anɔkualetsɛ ji Mawu.