1 Yohane 1:1 - Somi He Ɔ

¹ Wa ngma nyɛ Wami Munyu ɔ nɛ ngɛ kɛ je sisije ɔ; nɔ́ nɛ wa nu nɛ wa na kɛ wa hɛngmɛ; nɔ́ nɛ wa hyɛ nɛ wa nine ta he.

BAIBLO ALOO NGMAMI KLƆUKLƆU Ɔ

¹ Wa ngɛ nyɛ munyu nɛ haa nɔ wami ɔ ngmae. Munyu ɔ ngɛ kɛ je sisije. Wa nu, nɛ wa na kɛ wɔ nitsɛmɛ wa hɛngmɛ; ee, wa na lɛ, nɛ wa nine ta he.

1 Yohane 1:1 ပူးပေါင်းရင်းမြစ်များ

Luka 1:2

kaa bɔ nɛ nihi nɛ na kɛ a hɛngmɛ kɛ je sisije nɛ a ji munyu ɔ he sɔmɔli ɔmɛ fie tsɔɔ wɔ ɔ,

Luka 24:39

Nyɛɛ hyɛ ye ninehi kɛ ye nanehi kaa imi nitsɛ ʼi; nyɛɛ ta ye he nɛ nyɛɛ hyɛ; ejakaa kpade ko be he lo kɛ wu kaa bɔ nɛ nyɛ ngɛ hyɛe kaa i ngɛ nɛ ɔ.”

Yohane 19:35

Nɛ nɔ nɛ na a, lɛ e ye he odase nɛ ɔ nɛ, e odase ɔ anɔkuale ʼi, nɛ e le kaa anɔkuale e ngɛ tue, konɛ nyɛ hu nyɛ he ye.

Yohane 20:27

Lɔ ɔ se ɔ, e de Toma ke: “O kɛ o nine nguɛ nɛ ba hiɛ ɔ nɛ o ba hyɛ ye dɛ mi ɔ, nɛ o kɛ o nine ba hɔ ye kasa mi ɔ, nɛ o ko je nɔ́, se mohu o he ye.”

Yohane 5:26

Ejakaa bɔ nɛ Tsɛ ɔ ngɛ wami ngɛ lɛ nitse e mi ɔ, ja kɛ̃ e ha Bi ɔ hu ke e hi wami ngɛ lɛ nitse e mi.

Yohane 8:58

Yesu de mɛ ke: “I ngɛ nyɛ dee anɔkuale mi ke: I ngɛ loko Abraham ngɛ.”

Ni Tsumi 1:3

E amanehlu ɔ se ligbi nyingmi eywiɛ ɔ, e gu blɔhi fuu a nɔ je e he kpo tsɔɔ e kaseli ɔmɛ kaa hɛ kalɔ, nɛ a na lɛ, nɛ e kɛ mɛ tu Mawu matsɛ yemi ɔ he munyu.

Ni Tsumi 4:20

Ejakaa wɔɔ lɛɛ wa be nyɛe kaa ja wa de nihi nɛ wa na kɛ nihi nɛ wa nu ɔ.”

Hebribi 2:3

kɛ wa maa pee kɛ tu nya fo kɛɛ, ke wa bui kikɛmɛ a yi wami hemi kpetekpleenyɛ nɛ ɔ? Nyɔmtsɛ ɔ nitsɛ ji nɔ nɛ tu he munyu kekle, nɛ ninɛmɛ nɛ nu ɔ hu ma nɔ mi ha wɔ,

1 Yohane 4:14

Nɛ wɔɔ lɛɛ wa na, nɛ wa ngɛ odase yee kaa Tsɛ ɔ tsɔ e Bi ɔ kaa je ɔ yi wami helɔ.

1 Yohane 5:7

Odase yeli etɛ lɛ ngɛ,

Kpojemi 1:11

nɛ de mi ke: “Ngmaa nɔ́ nɛ o ngɛ nae ɔ ngɔ wo womi mi, nɛ o kɛ mane asafohi kpaago nɛ ngɛ Efeso, kɛ Smirna, kɛ Pergami, kɛ Tiatira kɛ Sarde, kɛ kɛ Filadelfia, kɛ Laodikea a.

Kpojemi 1:8

Nyɔmtsɛ Mawu ɔ nɛ ji nɔ nɛ ngɛ ɔ, kɛ nɔ nɛ hi si sa a, kɛ nɔ nɛ maa ba, nɛ ji ope ɔ, ke: “Ami ji Alfa a kɛ Omega a” (kekleekle nɔ kɛ nyagbe nɔ).

Kpojemi 19:13

nɛ e wo tade ko nɛ a kɛ sɔ muɔ mi, nɛ a tsɛɛ e biɛ ke: “Mawu Munyu ɔ.”

Kpojemi 2:8

“Nɛ Smirna asafo ɔ bɔfo ɔ, ngmaa ya ha lɛ ke: “Nihi nɛ kekleekleno ɔ kɛ nyagbeno ɔ, nɔ nɛ gbo nɛ e hɛ ngɛ ekohu ɔ de ji nɛ ɔ nɛ: