1 Timoteo 3:2 - Somi He Ɔ

² Se e sa kaa nɔ hyɛlɔ ɔ nɛ hi si bɔ nɛ a be e he sane ko nae, nɔ nɛ ngɛ yo kake, hɛ si kalɔ, nɔ nɛ juɛmi mi tsɔ, nɔ nɛ baa e je mi saminya, nibwɔ peelɔ, nɔ nɛ le ni tsɔɔmi;

BAIBLO ALOO NGMAMI KLƆUKLƆU Ɔ

² Asafo nya dalɔ ɔ, sé kó hi e he. É hi yo kake; é le e he nɔ hyɛmi; e hɛ mi nɛ ka si, nɛ bu nɛ hi e he. É le nubwɔ peemi, nɛ e nyɛ nɛ e tsɔɔ ní hulɔ.

1 Timoteo 3:2 ပူးပေါင်းရင်းမြစ်များ

2 Timoteo 2:24

Nyɔmtsɛ ɔ sɔmɔlɔ ɔ, e sɛ kaa e pɛɛ, se mohu e mi nɛ jɔ ha nihi kulaa, nɔ nɛ le ni tsɔɔmi, nɔ nɛ toɔ e tsui si haa yayami,

Romabi 12:13

Ni klɔuklɔu ɔmɛ a kɔmɔ ɔ e pee nyɛ kɔmɔ; nyɛɛ bɔ nibwɔ peemi he mɔde.

1 Timoteo 5:9

Koo ngɔ yalɔyo nɛ na we nɛ e ye jeha nyingmi ekpa ngɔ wo sɔmɔmi ɔ mi, ja nɔ nɛ gba nyumu kake,

1 Petro 4:9

Nyɛɛ pee nyɛ sibi nibwɔ nɛ zanue lami ko hi mi.

1 Petro 5:8

Nyɛ hɛ nɛ ka si, nyɛɛ huɔ; ejakaa nyɛ he nyɛlɔ, abosiami ɔ, ngɛ si poe kaa jata nɛ ngɛ huae ngɛ nɔ nɛ e maa mi hlae.

Hebribi 13:2

Nibwɔ peemi hu, nyɛ hɛ ko je nɔ, ejakaa lɔɔ nɔ ni komɛ gu kɛ pee hiɔwe bɔfohi nibwɔ, nɛ a li.

Tito 2:2

Nimowi ɔmɛ ɔ, kãa a hɛ nɛ ka si, a pee nihi nɛ a hɛ mi jiɔ, a juɛmi nɛ ka si, a he nɛ wa ngɛ hemi kɛ yemi kɛ suɔmi kɛ tsui si tomi mi.

Filipibi 2:15

konɛ nyɛ he ko hi piami, nɛ nyɛɛ pee he tsɔli, Mawu bimɛ nɛ a he be piami ko ngɛ yi nɔ kpɛkpɛɛ nɛ be e jebo nɔ nɛ ɔ mi, nihi a kpɛti nɛ nyɛ tsoo kaa kane ngɛ je nɛ ɔ mi,

1 Petro 4:7

Nihi tsuo a nyagbe ɔ su ta; lɔ ɔ he ɔ, nyɛ juɛmi mi nɛ tsɔ nɛ nyɛ hɛ nɛ ka si kɛ ha sɔlemi.

Hebribi 3:14

Ejakaa Kristo he piɛli ji wɔ ke wa hɛɛ wa he nɛ waa kɛ fɔɔ e nɔ kɛ je sisije ɔ mi kpɛii kɛ ya su nyagbe ɔ.

1 Timoteo 4:3

nɛ a tsiɔ yo ngɔmi blɔ, nɛ a deɔ ke a nyɛ ngma nɛ Mawu bɔ kaa nihi nɛ heɔ yeɔ nɛ le anɔkuale ɔ kɛ sina nɛ ye ɔ.

Luka 1:6

Nɛ mɛ ni enyɔ ɔ tsuo ɔ dali ji mɛ ngɛ Mawu hɛ mi, nɛ a yeɔ Nyɔmtsɛ ɔ kitahi kɛ e mlaa amɛ kulaa nɔ, nɛ piami ko be a he.

Luka 2:36

Nɛ gbalɔyo ko ngɛ nɛ a tsɛɛ lɛ Hana nɛ ji Fanuel biyo nɛ je Asher weku ɔ mi, nɛ e bwɔ saminya, nɛ e kɛ e huno hi si jeha kpaago kɛ je e yihe mi,

1 Timoteo 3:8

Asafo mi sɔmɔli ɔmɛ hu, e sa kaa a pee nimli nɛ a hɛ mi jiɔ, pi nya enyɔenyɔtsɛmɛ, pi da deli, pi hɛ tsuli,

1 Timoteo 3:12

Asafo mi sɔmɔli ɔmɛ nɛ pee yo kakaakatsɛmɛ, nihi nɛ yeɔ a bimɛ kɛ mɛ nitsɛmɛ a nihi a nɔ saminya.

1 Timoteo 5:10

nɔ nɛ a tuɔ e he munyu kpakpa kaa e tsu ni kpakpahi, lɔ ɔ ji: ke e lɛ bimɛ, ke e pee nihi nibwɔ, ke e fɔ ni klɔuklɔu ɔmɛ a nane he, ke e ye bua nihi nɛ naa amanehlu ɔ, ke e di ni tsumi kpakpa tsuaa nitsumi kpakpa se ɔ.

1 Timoteo 5:22

Koo ngɔ po nine ngɔ pue nɔ ko nɔ oya, nɛ jehanɛ hu, koo ngɔ o he ngɔ futu ni kpahi a he yayamihi a mi. To o he nyaii.