1 Timoteo 2:7 - Somi He Ɔ

⁷ enɛ ɔ he nɛ a wo mi fiɛlɔ kɛ bɔfo (anɔkuale i ngɛ tue ngɛ Kristo mi, i yi lakpa!), maje li a tsɔɔlɔ ngɛ hemi kɛ yemi kɛ anɔkuale mi ɔ nɛ.

BAIBLO ALOO NGMAMI KLƆUKLƆU Ɔ

⁷ Enɛ ɔ he hu nɛ Mawu tsɔ mi kaa bɔfo, konɛ ma fiɛ sane kpakpa a ha ma je li ɔmɛ, nɛ ma tsɔɔ mɛ bɔ nɛ a he Kristo nɛ a ye anɔkuale mi. Nɔ́ nɛ i ngɛ dee nɛ ɔ, anɔkuale sisiisi; i yi lakpa.

1 Timoteo 2:7 ပူးပေါင်းရင်းမြစ်များ

Ni Tsumi 9:15

Se Nyɔmtsɛ ɔ de lɛ ke: “Yaa, ejakaa nɔ nɛ ɔ ji ye dɛ mi dade nɛ a hla ha mi, konɛ e hɛɛ ye biɛ ɔ kɛ ya majemajeli kɛ matsɛmɛ kɛ Israelbi ɔmɛ hu a hɛ mi.

2 Timoteo 1:11

nɔ́ he nɛ a wo mi fiɛlɔ kɛ bɔfo kɛ maje li ɔmɛ a tsɔɔlɔ ɔ,

Romabi 9:1

Anɔkuale i ngɛ dee ngɛ Kristo mi, i yi lakpa, nɛ ye he ni lemi hu yeɔ mi odase ngɛ Mumi Klɔuklɔu ɔ mi,

Romabi 15:16

konɛ ma plɛ Yesu Kristo sɔmɔlɔ ha majeli ɔmɛ, nɛ ma tsu Mawu Sane Kpakpa a he osɔfo ni tsumi ɔ, konɛ majeli ɔmɛ nɛ plɛ bɔ nɛ sa Mawu hɛ mi saminya nɛ a tsukɔ he ngɛ Mumi Klɔuklɔu mi.

Galatabi 2:9

Benɛ a yo dloomi nɛ a kɛ ha mi ɔ, Yakobo kɛ Kefa kɛ Yohane nɛ a buu mɛ kaa titimahi ɔ, kɛ huɛ bɔmi hiɛ ɔ nine sa i kɛ Barnaba dɛ, konɛ wɔɔ lɛɛ waa ya majeli ɔmɛ a ngɔ nɛ mɛɛ lɛɛ a ya nɔ poli ɔmɛ a kpɛti;

Galatabi 1:20

Nihi nɛ i ngɛ nyɛ ngmae nɛ ɔ, oʼɛ, Mawu hɛ mi i ngɛ dee ngɛ, i yi lakpa.

Galatabi 1:16

kaa e ma je lɛ nitsɛ e bi ɔ kpo ngɛ ye mi, konɛ ma jaje e he sane kpakpa a ngɔ tsɔɔ ngɛ majeli ɔmɛ a kpɛti ɔ, amlɔ ɔ, i kɛ he lo kɛ muɔ yɛ he dami,

Romabi 11:13

Se nyɛ majeli a bimɛ ɔmɛ ɔ, i ngɛ nyɛ dee ke: Be abɔ nɛ imi ji maje li ɔmɛ a bɔfo nɛ ɔ ɔ, ma wo ye sɔmɔmi ɔ hɛ mi nyami,

2 Petro 2:5

Mawu ngɔɛ blema je ɔ he ngɔ ki lɛ; se mohu Noa nɛ fiɛ dami sane ɔ kɛ ni kpaago ɔ kɛkɛ yi e baa; nɛ e kɛ nyu afua a ba nihi nɛ kua Mawu ɔmɛ a je ɔ nɔ.

Galatabi 3:9

Lɛɛ ninɛmɛ nɛ je hemi kɛ yemi mi ɔ, a gbaa mɛ kɛ Abraham nɛ he ye ɔ.

2 Korintobi 11:31

Mawu kɛ wa Nyɔmtsɛ Yesu Tsɛ, nɔ nɛ a gbaa kɛ ya siɔ neneene ɔ, le kaa i yi lakpa.

Romabi 10:14

Se kɛ maa pee kɛɛ nɛ a ma kpa ngmlaa kɛ tsɛ nɔ nɛ a he we lɛ yi ɔ? Nɛ kɛ maa pee kɛɛ nɛ a ma he nɔ nɛ a nui e he sane ɔ ngɔ ye? Nɛ jeha nɛ hu, kɛ maa pee kɛɛ nɛ a maa nu ke fiɛlɔ ko be ɔ?

Ni Tsumi 26:20

se mohu i jaje ngɔ tsɔɔni hi nɛ ngɛ Damasko ɔ kekle, kɛ nihi nɛ ngɛ Yerusalem kɛ Yudea zugba a nɔ kulaa, kɛ majeli ɔmɛ hulɔ, ke a tsake a tsui nɛ a kpale kɛ ba Mawu ngɔ nɛ a tsu nihi nɛ sa tsui tsakemi.

Ni Tsumi 22:21

Nɛ e de mi ke: ‘Yaa, ejakaa ma tsɔ mo majemajeli nɛ ngɛ lokoo ɔmɛ a ngɔ.’ ”

Ni Tsumi 14:27

Benɛ a ba lejɛ ɔ nɛ a ba bua asafo ɔ nya a, a sɛɛ mɛ nihi nɛ Mawu kɛ mɛ ya tsu ɔ kulaa, kɛ bɔ nɛ e bli blɔ ngɔ ha majeli ɔmɛ.

Yohane 7:35

Lɔ ɔ he ɔ Yudafo ɔmɛ bi a he ke: “Jije nɔ nɛ ɔ maa ya nɛ wa be lɛ nae? Anɛ nihi nɛ gbɛ fia Helabi ɔmɛ a kpɛti ɔ ngɔ e maa ya nɛ e ya tsɔɔ Helabi ɔmɛ a ni lo?

Galatabi 2:16

Se kɛ̃ ɔ, wa le kaa a wui nɔmlɔ nguɔ kɛ ji mlaa ni tsumihi a mi, kaa ja a gu Yesu Kristo nɔ hemi kɛ yemi ɔ kɛkɛ nɔ; enɛ ɔ he je ɔ, wɔ hu wa he Kristo Yesu nɔ ye, konɛ a wo wɔ nguɔ kɛ je Kristo nɔ hemi kɛ yemi mi, nɛ pi mlaa ni tsumihi a mi; ejakaa a be he lo ko he lo ko nguɔ woe kɛ je mlaa ni tsumihi a mi.

Romabi 1:9

Ye dase ji Mawu, nɔ nɛ i sɔmɔɔ ngɛ ye mumi mi ngɛ e Bi ɔ Sane Kpakpa a mi ɔ, kaa i jɔɔ we nyɛ kaimi ligbi ko ligbi ko.

1 Korintobi 9:1

Anɛ i hɛɛ we ye he lo? Anɛ pi bɔfo ji mi lo? Anɛ i nɛ Yesu Kristo, wa Nyɔmtsɛ ɔ lo? Pi ye nine nya ni tsumi ji nyɛ ngɛ Nyɔmtsɛ ɔ mi lo?