1 Timoteo 2:4 - Somi He Ɔ

⁴ nɔ nɛ suɔ kaa e he nimli tsuo a yi wami, konɛ a le anɔkuale ɔ.

BAIBLO ALOO NGMAMI KLƆUKLƆU Ɔ

⁴ Ejakaa Mawu suɔ kaa nimli tsuo nɛ le anɔkuale ɔ, konɛ a he a yi wami.

1 Timoteo 2:4 ပူးပေါင်းရင်းမြစ်များ

2 Petro 3:9

Tsa pi kɛmi nɛ Nyɔmtsɛ ɔ ha e si womi ɔ se ngɛ kɛe, kaa bɔ nɛ ni komɛ buu kaa e se ngɛ kɛe ɔ, se mohu e tsui si e ngɛ toe kɛ ngɛ wɔ hae, ejakaa e sume kaa ni komɛ nɛ laa, se mohu kaa nihi tsuo a tsake a tsui.

Tito 2:11

Ejakaa Mawu dloomi nɛ a kɛ heɔ nimli kulaa a yi wami ɔ je kpo,

2 Timoteo 2:25

nɔ nɛ kɛ mi mi jɔmi tuɔ munyu tsɔɔ nihi nɛ tee si siɔ lɛ ɔ, kaa alinɔ Mawu ma ha mɛ tsui tsakemi nɛ a le anɔkuale ɔ lo?

1 Timoteo 4:10

Enɛ ɔ he je nɛ wa gboɔ dengme nɛ wa haa a jɛɛ wɔ ɔ nɛ, ejakaa wa ngɔ wa hɛ ngɔ fɔ Mawu hɛ kalɔ ɔ nɔ, nɔ nɛ ji nimli kulaa a yi wami helɔ, titli ɔ, ninɛmɛ nɛ heɔ yeɔ ɔ.

Luka 24:47

nɛ a fiɛ tsui tsakemi kɛ yayami pami ngɛ e biɛ ɔ mi ngɔ tsɔɔ mahi tsuo, nɛ a bɔni kɛ je Yerusalem.

Kpojemi 14:6

Kɛkɛ nɛ i na hiɔwe bɔfo kpa ko nɛ e ngɛ tee ngɛ kɔɔhiɔ mi, nɛ e hɛɛ neneene Sane Kpakpa nɛ e yaa jaje ngɔ tsɔɔ nihi nɛ ngɛ zugba a nɔ kɛ je ma tsuaa je ma kɛ wɛtso tsuaa wɛtso kɛ mahi a nɔ gbi slɔɔtohi kɛ ma tsuaa ma a, nɛ e kɛ gbi ngua de ke:

Yohane 14:6

Yesu de lɛ ke: “Ami ji blɔ ɔ kɛ anɔkuale ɔ kɛ wami ɔ; nɔ ko bɛ́ Tsɛ ɔ ngɔ, kaa ja e gu ye nɔ.

Mateo 28:19

Lɔ ɔ he ɔ rnyɛɛ ya nɛ nyɛ ya pee majemaje tsuo ye kaseli, nyɛɛ baptisi mɛ ngɔ wo Tsɛ ɔ kɛ Bi ɔ kɛ Mumi Klɔuklɔu ɔ biɛ mi,

Tito 1:1

Paulo, Mawu sɔmɔlɔ, kɛ Yesu Kristo bɔfo. Ahla mi nɛ a tsɔ mi nɛ ma ya ye bua ninɛmɛ nɛ Mawu hla amɛ a hemi kɛ yemi, nɛ ma kɛ mɛ nɛ ba anɔkuale nɛ wa jami ɔ tsɔɔ,

2 Timoteo 3:7

nɛ a hlaa ni kasemi, se kɛ ɔ, a nyɛ we nɛ a le anɔkuale ɔ.

Luka 14:23

Nɛ Nyɔmtsɛ ɔ de tsɔlɔ ɔ ke: ‘Jee kpo nɛ o ya nyɛ a nɔ nɛ a ba, konɛ ye we ɔ nɛ hyi tɔ.’

Luka 1:77

Konɛ o ngɔ yi wami hemi he ni lemi Ngɔ ha e ma a ngɛ a he yayami mi,

Yohane 17:17

Pee mɛ klɔuklɔu ngɛ anɔkuale ɔ mi; o munyu ɔ anɔkuale ʼi.

Yohane 6:37

Nihi tsuo nɛ Tsɛ ɔ ngɔ ha mi ɔ maa ba ye ngɔ, nɛ nɔ nɛ baa ye ngɔ ɔ, i be lɛ fiee kɔkɔɔkɔ.

Marko 16:15

Nɛ e de mɛ ke: “Nyɛɛ ya je ɔ tsuo kulaa mi nɛ nyɛ ya fiɛ Sane Kpakpa a ngɔ tsɔɔ nɔ tsuaa nɔ nɛ a bɔ ɔ.

Hebribi 10:26

Ejakaa ke wa bua nɛ wa peɔ yayami ngɛ benɛ wa le anɔkuale ɔ se ɔ, lɛɛ yayamihi a he bɔsami ko be hu,

Romabi 11:14

kaa eko ɔ, i kɛ ma ha ye wekuli ɔmɛ maa je hunga, nɛ ma he a ti ni komɛ a yi wami lo.

Yakobo 3:14

Se ke hunga jemi yaya kɛ pɛ, kɛ he suɔmi ngɛ nyɛ mi ɔ, nyɛ ko fia nɛ nyɛɛ ye lakpa ngɔ si anɔkuale ɔ.

2 Yohane 1:1

Nɔkɔtɔma a ngma ya ha Awula nɛ a hia lɛ kɛ e bimɛ ɔmɛ, nihi nɛ i suɔ ngɛ anɔkuale mi, nɛ pi ye nɔ kake kɛkɛ, se nihi kulaa nɛ a le anɔkuale ɔ,