1 Timoteo 2:2 - Somi He Ɔ

² ngɔ ha matsɛmɛ kɛ nihi kulaa nɛ hɛɛ blɔ nya, konɛ waa hi si kpoo ngɛ he jɔmi mi, ngɛ Mawu jami kɛ je mi bami kpakpa nɛ sa mi.

BAIBLO ALOO NGMAMI KLƆUKLƆU Ɔ

² Nyɛɛ sɔle ha matsɛmɛ, kɛ nihi tsuo nɛ hɛɛ blɔ nya, konɛ wɔ nɛ wa ji Kristo we bi ɔ, waa pee wa he kpoo, nɛ waa hi si ngɛ tue mi jɔmi mi. Waa ye Mawu gbeye saminya, nɛ waa ba wa je mi bɔ nɛ sa.

1 Timoteo 2:2 ပူးပေါင်းရင်းမြစ်များ

1 Tesalonikabi 4:11

nɛ nyɛɛ bɔ mɔde nɛ nyɛɛ hi si kpoo nɛ nyɛɛ kɛ nyɛ he ko wo ni kpahi a sane mi, nɛ nyɛɛ kɛ nyɛ nine nɛ tsu ni, kaa bɔ nɛ wa de nyɛ ɔ,

Hebribi 12:14

Nyɛɛ bɔ mɔde nɛ nyɛɛ kɛ nihi kulaa nɛ hi si ngɛ he jɔmi mi, kɛ he tsɔmi nɛ ke nɔ ko si nɛ e be Nyɔmtsɛ ɔ nae ɔ.

Romabi 12:18

Ke e maa hi ɔ, nyɛ blɔfami ɔ, nyɛɛ kɛ nimli tsuo nɛ hi si ngɛ he jɔmi mi.

Filipibi 4:8

Nyagbe ɔ, mamimɛ, nihi nɛ da, nihi nɛ sa bu, nihi nɛ hi, nihi nɛ he tsɔ, nihi nɛ a suɔ, nihi nɛ ngɛ biɛ kpakpa amɛ kulaa, ke je mi bami kpakpa ko ngɛ, ke yi jemi ko hu ngɛ ɔ, enɛ ɔmɛ a he nyɛ susu!

Ni Tsumi 24:16

Enɛ ɔ he nɛ i kɛ ye he fɔɛ si ɔ nɛ, benɛ pee nɛ ma na he nile nɛ yobu be he ngɛ Mawu kɛ nimli a hɛ mi ngɛ nihi kulaa mi.

Ni Tsumi 10:22

Nɛ a ke: “Asafoatsɛ Kornelio, nɛ ji nyumu dalɔ kɛ Mawu gbeye yelɔ nɛ Yudafohi a ma mluku ɔ kulaa tuɔ e he munyu kpakpa a, lɛ hiɔwe bɔfo klɔuklɔu ko de lɛ ke e tsɔ nɛ a ba kpee mo kɛ ba e we ɔ mi, konɛ e bu o nya munyu tue.”

Luka 2:25

Jeha nɛ ɔ nyumu ko ngɛ Yerusalem nɛ a tsɛɛ lɛ Simeon; nɛ lɛ nyumu ɔ dalɔ ji lɛ nɛ e yee Mawu gbeye; e ngɛ Israel bua jɔmi ɔ blɔ hyɛe, nɛ Mumi Klɔuklɔu ngɛ e nɔ.

Luka 1:6

Nɛ mɛ ni enyɔ ɔ tsuo ɔ dali ji mɛ ngɛ Mawu hɛ mi, nɛ a yeɔ Nyɔmtsɛ ɔ kitahi kɛ e mlaa amɛ kulaa nɔ, nɛ piami ko be a he.