1 Timoteo 2:1 - Somi He Ɔ

¹ Kekleekle ɔ, nɔ nɛ i ngɛ he ga woe ji kaa a hɛɛ spɛɛ kpamihi, sɔlemihi, mi damihi, sinamihi a mi ha nimli kulaa,

BAIBLO ALOO NGMAMI KLƆUKLƆU Ɔ

¹ Kekleekle nɔ́ nɛ i ngɛ hlae nɛ nyɛɛ pee ji kaa daa ligbi ɔ, nyɛ kpa Mawu pɛɛ, nɛ nyɛɛ sɔle, nɛ nyɛɛ da mi ha nihi, konɛ nyɛɛ na lɛ si ha nihi tsuo.

1 Timoteo 2:1 ပူးပေါင်းရင်းမြစ်များ

2 Tesalonikabi 1:3

E sa kaa wa naa Mawu si daa ngɛ nyɛ he bɔ nɛ sa, mamimɛ, ejakaa nyɛ hemi kɛ yemi ɔ ngɛ klee wawɛɛ nitsɛ, nɛ nyɛ tsuo nyɛ ti nɔ tsuaa nɔ suɔmi nɛ e kɛ suɔ e nyɛmimɛ ɔ ngɛ hiɛe kɛ ngɛ nɔ yae hulɔ,

Yakobo 5:16

Nyɛɛ jaje nyɛ he yayami ɔmɛ ngɔ tsɔɔ nyɛ he, nɛ nyɛɛ sɔle ngɔ ha nyɛ he, konɛ a tsa nyɛ. Dalɔ sɔlemi nɛ mi wa a nyɛɔ nihi babauu tsuɔ.

Efesobi 5:20

Nyɛɛ na Mawu kɛ Tsɛ ɔ si daa ngɛ nihi kulaa he ngɛ wa Nyɔmtsɛ Yesu Kristo biɛ mi.

2 Timoteo 2:24

Nyɔmtsɛ ɔ sɔmɔlɔ ɔ, e sɛ kaa e pɛɛ, se mohu e mi nɛ jɔ ha nihi kulaa, nɔ nɛ le ni tsɔɔmi, nɔ nɛ toɔ e tsui si haa yayami,

1 Timoteo 2:4

nɔ nɛ suɔ kaa e he nimli tsuo a yi wami, konɛ a le anɔkuale ɔ.

Filipibi 1:3

I naa ye Mawu ɔ si be tsuaa be nɛ e kaii nyɛ,

Hebribi 6:11

Wa ngɛ hlae kaa nyɛ ti nɔ tsuaa nɔ nɛ tsɔɔ kikɛmɛ a mɔde bɔmi nɛ ɔ nɔuu, konɛ a ma hɛ kɛ nɔ fɔmi ɔ nɔ mi kɛ ya su nyagbe,

Tito 3:2

a ko tu nɔ ko he munyu yaya, a ko hla pɛ; se mohu a pee kpoo, nɛ a kɛ a he nɛ tsɔɔ nɔ fɛɛ nɔ kaa a he jɔ.

Tito 2:11

Ejakaa Mawu dloomi nɛ a kɛ heɔ nimli kulaa a yi wami ɔ je kpo,

1 Timoteo 5:5

Nɔ nɛ ji yalɔyo niinɛ nɛ e piɛ e nɔ kake too ɔ, ngɔɔ e hɛ ngɔ fɔɔ Mawu nɔ, nɛ e hɛɛ pɛɛ kpami kɛ sɔlemi mi nyɔ kɛ pia.

1 Korintobi 15:3

Ejakaa sanehi nɛ he hia pe kulaa nɛ a kɛ ha mi nɛ imi hu i kɛ ha nyɛ ɔ ji kaa, Kristo gbo ngɛ wa he yayami ɔmɛ a he ngɛ ngmami ɔmɛ a nya,

Ni Tsumi 17:30

Lɔ ɔ he ɔ, be nɛ a li ɔ Mawu ku e hɛ ngɔ fɔ nɔ, se jeha nɛ ɔ lɛɛ e ngɛ nimli kulaa nɛ ngɛ he tsuaa he ɔ kita woe kaa a tsake a tsui.

1 Tesalonikabi 3:12

Nyɔmtsɛ ɔ nɛ wo nyɛ tɔtɔɔtɔ, nɛ e ha nyɛɛ be nɔ kɛ suɔmi nɛ nyɛɛ kɛ suɔ nyɛ he kɛ nihi kulaa a, kaa bɔ nɛ wɔ hu wa suɔ nyɛ ɔ;

Romabi 6:17

Se sina ha Mawu kaa jinɛ sa a yayami nyɔguɛhi ji nyɛ, se jeha nɛ ɔ nyɛ je nyɛ tsui tsuo mi kɛ bu kikɛmɛ a tsɔɔmi nɛ a ngɔ nyɛ ngɔ wo mi nɛ ɔ tue.

Romabi 1:8

Kekleekle ɔ, i ngɛ Yesu Kristo nɔ gue kɛ ngɛ ye Mawu ɔ si nae ngɛ nyɛ kulaa nyɛ he, ejakaa a gbaa nyɛ hemi kɛ yemi ɔ he sane ngɛ je ɔ mi tsuo.

2 Korintobi 8:6

Enɛ ɔ ha wa kpa Tito pɛɛ, konɛ bɔ nɛ e je sisi momo sa a, ja nɔuu e gbe kikɛmɛ a dloomi nɛ ɔ hu nya ngɛ nyɛ kpɛti.

Efesobi 3:13

Lɔ ɔ he ɔ, i ngɛ pɛɛ kpae, konɛ nyɛ tsui ko po ngɛ ye nɔ́ nɛ i ngɛ nae ngɛ nyɛ he ɔ he, ejakaa nyɛ hɛ mi nyami ʼi.

Efesobi 6:18

nɛ nyɛɛ kɛ sɔlemi kɛ pɛɛ kpami tsuo sɔle daa ha klɔuklɔubi ɔmɛ kulaa

Filipibi 4:6

Nyɛ ko hao ngɛ nɔ́ ko nɔ́ ko he, se mohu nɔ tsuaa nɔ mi ɔ, nyɛɛ kɛ sɔlemi kɛ pɛɛ kpami kɛ sina nɛ wo nyɛ hiami ni ɔmɛ a ta ngɛ Mawu hɛ mi;