1 Petro 1:3 - Somi He Ɔ

³ A gbaa Mawu kɛ wa Mawetsɛ Yesu Kristo Tsɛ ɔ, nɔ nɛ fɔ wɔ ehe ngɛ lɛ nitsɛ e mɔbɔnami babauu ɔ nya, ngɔ ha hɛ kɛ nɔ fɔmi ngɛ Yesu Kristo si nɛ ete kɛ je gbeje ɔ he.

BAIBLO ALOO NGMAMI KLƆUKLƆU Ɔ

³ Nyɛ ha wa je Mawu, wa Nyɔmtsɛ Yesu Kristo Tsɛ ɔ yi. E na wɔ mɔbɔ babauu kaa e tle Yesu Kristo si kɛ je gbeje, nɛ e kɛ ha wɔ wami he; ejakaa suɔmi nɛ e kɛ suɔ wɔ ɔ be nyagbe. Nɔ́ nɛ ɔ haa wɔ hɛ kɛ nɔ fɔmi nɛ mi wa.

1 Petro 1:3 ပူးပေါင်းရင်းမြစ်များ

1 Petro 1:23

Ejakaa a fɔ nyɛ ehe, nɛ pi munyu nɛ puɛɔ, se mohu nɔ́ nɛ puɛ we mi a je kɛ fɔ nyɛ kɛ gu Mawu hɛ kalɔ, nɔ nɛ hii si daa a munyu ɔ nɔ.

1 Yohane 5:4

ejakaa nɔ tsuaa nɔ nɛ a je Mawu mi kɛ fɔ lɛ ɔ yeɔ je ɔ nɔ kunimi; nɛ wa hemi kɛ yemi ɔ ji nɔ́ nɛ waa kɛ yeɔ je ɔ nɔ kunimi ɔ nɛ.

Romabi 15:13

Jeha nɛ hɛ kɛ nɔ fɔmi Mawu ɔ nɛ ngɔ bua jɔmi kɛ he jɔmi tsuo ngɔ wo nyɛ tɔtɔɔtɔ ngɛ hemi kɛ yemi mi, konɛ nyɛ na hɛ kɛ nɔ fɔmi nɛ be nɔ ngɛ Mumi Klɔuklɔu he wami mi.

Efesobi 1:7

Ejakaa Kristo mi nɔuu wa na kpɔmi ɔ ngɛ nɛ ji yayamihi a pami ɔ, ngɛ e muɔ ɔ he ngɛ e dloomi hiɛmi ɔ nyɛ,

2 Korintobi 1:3

A gbaa Mawu kɛ wa Nyɔmtsɛ Yesu Kristo Tsɛ ɔ, nɔ nɛ ji mi mi sali a tsɛ, kɛ ɛbua womi kulaa Mawu ɔ,

1 Yohane 3:3

Nɔ tsuaa nɔ nɛ ngɛ kikɛmɛ a hɛ kɛ nɔ fɔmi ngɛ Kristo mi ɔ peɔ e he klɔuklɔu kaa bɔ nɛ lɛ hu e ngɛ klɔuklɔu ɔ.

Romabi 12:12

Nyɛ nya ngɛ hɛ kɛ nɔ fɔmi mi; nyɛ mia nyɛ hɛ mi ngɛ dengme gbomi mi; nyɛɛ hɛɛ sɔlemi mi daa.

1 Yohane 2:29

Ke nyɛ le kaa dalɔ ji Kristo ɔ, nyɛ na nɛ nyɛɛ le kaa nɔ tsuaa nɔ nɛ ytsuɔ dami ni ɔ, Mawu bi ji lɛ.

Efesobi 1:3

A gbaa Mawu, wa Nyɔmtsɛ Yesu Kristo Tsɛ ɔ, nɔ nɛ kɛ mumi mi gbaami tsuaa mumi mi gbaami gbaa wɔ ngɛ hiɔwe nihi a mi ngɛ Kristo mi ɔ.

Efesobi 3:20

Se nɔ nɛ nyɛɔ peɔ kɛ bee nɔ babauu pe nihi kulaa nɛ wa kpaa he pɛɛ loo wa susuu, ngɛ e he wami nɛ tsuɔ ni ngɛ wa mi ɔ nya a,

Efesobi 1:17

I kpaa pɛɛ konɛ wa Nyɔmtsɛ Yesu Kristo Mawu nɛ ji hɛ mi nyami Tsɛ ɔ nɛ ha nyɛ ni lemi kɛ nɔ kpo jemi mumi ngɛ lemi nɛ nyɛ maa le lɛ saminya a mi,

1 Petro 3:21

Enɛ ji baptisimi nyu ɔ he okadi nɛ a kɛ heɔ wa yi wami, nɔ́ nɛ pi he womi nɔ mu jemi, se mohu e ji he nile kpakpa somi nɛ e kɛ Mawu soɔ, kɛ guu Yesu Kristo si temi ɔ nɔ,

1 Timoteo 1:14

Se wa Nyɔmtsɛ ɔ plɛ e dloomi nɛ hiɛ babauu kɛ be nɔ ɔ pue ye nɔ, nɛ e ha i hyi kɛ hemi kɛ yemi kɛ suɔmi nɛ ngɛ Kristo Yesu mi ɔ.

Efesobi 2:4

Se Mawu nɛ e mɔbɔ nami hiɛ babauu ɔ, gu lɛ nitsɛ e suɔmi babauu nɛ e kɛ suɔ wɔ ɔ nɔ,

Yakobo 1:18

Lɛ nitsɛ e suɔmi nya a kɛ anɔkuale munyu ɔ fɔ wɔ, konɛ waa pee e nibɔ ni ɔmɛ a mi kekleekle yiblii.

Tito 2:13

nɛ waa hyɛ Mawu Ope ɔ kɛ wa yiwami helɔ Yesu Kristo gbaami nɛ wa hɛ ngɛ nɔ ɔ kɛ e hɛ mi nyami ɔ he kpo jemi ɔ blɔ;

1 Korintobi 15:20

Se anɔkuale ɔ ji kaa, a tle Kristo si kɛ je gbeje, e pee kekleekle nɔ ngɛ nihi nɛ gbo ɔmɛ a kpɛti.

1 Korintobi 13:13

Se jehanɛ hemi kɛ yemi, hɛ kɛ nɔ tɔmi, suɔmi, kikɛmɛ a nihi etɛ nɛ ɔmɛ hii si; se suɔmi ji a kpɛti nɔ nɛ pe kulaa.

1 Yohane 3:9

Nɔ tsuaa nɔ nɛ ji Mawu bi ɔ, e pee we yayami, ejakaa Mawu su ngɛ e mi, lɔ ɔ he ɔ, e be yayami nyɛe maa pee, ejakaa Mawu bi ji lɛ.

1 Petro 2:2

Nyɛɛ pee kaa bimwɔwi nɛ a fɔ he nɛ ngɛ mumi mi nyɔ nyu klɔuu hlae nɛ a nu, konɛ nyɛɛ wa kɛ na yi wami hemi.

Hebribi 3:6

se Kristo ɔ e ye anɔkuale kaa bi ngɛ Mawu we ɔ nɔ; lɛ e we ji wɔ, ke wa hɛɛ hɛ kɛ nɔ fɔmi kã kɛ fiami ɔ mi kpɛii kɛ ya su nyagbe ɔ.

1 Tesalonikabi 1:3

Wa kaii nyɛ hemi kɛ yemi ni tsumi ɔmɛ kɛ nyɛ suɔmi mɔde bɔmi ɔ kɛ wa Nyɔmtsɛ Yesu Kristo he hɛ kɛ nɔ fɔmi mi tsui si tomi ɔ ngɛ Mawu kɛ wa Tsɛ ɔ hɛ mi.

Kolosebi 1:27

nihi nɛ Mawu suɔ kaa a ha a le nɔ́ nɛ ji kikɛmɛ a laami sane nɛ ɔ hɛ mi nyami hiɛmi ɔ ngɛ ma jeli ɔmɛ a kpɛti, nɛ ji Kristo ngɛ nyɛ mi, nɛ ji hɛ mi nyami hɛ kɛ nɔ fɔmi ɔ.

Romabi 8:24

Ejakaa hɛ kɛ nɔ fɔmi nya a he wa yi wami ngɛ. Hɛ kɛ nɔ fɔmi nɛ a naa a, e pi hɛ kɛ nɔ fɔmi. Ejakaa mɛnɔ hɛ hii nɔ́ nɛ a naa a nɔ?

Romabi 8:11

Se ke nɔ nɛ tle Yesu si kɛ je gbeje ɔ Mumi ɔ hii nyɛ mi ɔ, nɔ nɛ tle Kristo si kɛ je gbeje ɔ ma ha nyɛ nɔmlɔ tsohi nɛ ma gbo ɔ hu yi ma na wami ngɛ e Mumi nɛ hii nyɛ mi ɔ he.

Yohane 1:13

nihi nɛ pi muɔ loo he loo nyumu ko suɔmi nya, se mohu Mawu mi a je kɛ fɔ mɛ.

1 Yohane 5:18

Wa le kaa nɔ tsuaa nɔ nɛ ji Mawu bi ɔ, e pee we yayami; se mohu Mawu Bi ɔ buu e he, nɛ nɔ yayami ɔ tɛ e he.

1 Yohane 5:1

Nɔ tsuaa nɔ nɛ heɔ yeɔ kaa Yesu ji Kristo ɔ, Mawu bi ji lɛ. Nɛ nɔ tsuaa nɔ nɛ suɔ fɔlɔ ɔ, suɔ bi ɔ nɛ e fɔ ɔ hulɔ.

Kolosebi 1:23

Nyɛɛ hɛɛ hemi kɛ yemi ɔ mi nɛ nyɛɛ da si kpitikplii, nɛ nyɛ ko sã nyɛ he kɛ je sane kpakpa a nɛ nyɛ nu nɛ a fiɛ tsɔɔ bɔ nihi kulaa nɛ ngɛ hiɔwe sisi, nɛ imi Paulo hu i sɔmɔɔ ngɛ he ɔ hɛ kɛ nɔ fɔmi ɔ he.

Romabi 5:10

Ejakaa ke be mi nɛ wa ji henyɛli ɔ nɛ a kɛ Mawu bi ɔ gbenɔ ba kpata waa kɛ Mawu kpɛti ɔ, jeha nɛ nɛ a kpata nɛ ɔ, a ma he wa yi wami hluu ngɛ e wami ɔ mi.

Romabi 4:25

A ngɔ lɛ ngɔ ha ngɛ wa tɔmi ɔmɛ a he, nɛ a tle lɛ si ekohu ngɛ wa nguɔ womi ɔ he.

1 Yohane 4:7

Mamimɛ, nyɛ ha waa suɔ wa sibi, ejakaa suɔmi ɔ Mawu mi e je, nɛ nɔ tsuaa nɔ nɛ suɔ nɔ ɔ, Mawu bi ji lɛ, nɛ e le Mawu.

1 Tesalonikabi 4:13

Se, mamimɛ, wa suɔ kaa nyɛɛ le ninɛmɛ nɛ a gbo ɔmɛ a he sane, konɛ nyɛ ko ye kɔmɔ kaa ninɛmɛ nɛ piɛ ɔmɛ, nihi nɛ be hɛ kɛ nɔ fɔmi ko ɔ.

Galatabi 6:16

Nɛ nihi abɔ nɛ maa nyɛɛ ngɛ kikɛmɛ a mlaa nɛ ɔ nya a, he jɔmi kɛ mɔbɔnami nɛ ba mɛ kɛ Mawu webi kulaa a nɔ!

2 Tesalonikabi 2:16

Se lɛ wa Mawetsɛ Yesu Kristo ɔ nitsɛ, kɛ wa Tsɛ Mawu nɛ suɔ wɔ nɛ e kɛ neneene bua womi kɛ hɛ kɛ nɔ fɔmi kpakpa ha wɔ ngɛ dloomi nya a,

1 Petro 1:13

Lɔ ɔ he ɔ, nyɛ dla nyɛ juɛmi kɛ ha ni tsumi, nyɛ hɛ nɛ ka si, nɛ nyɛɛ ngɔ nyɛ hɛ ngɔ fɔ dloomi nɛ a kɛ ma ha nyɛ ngɛ Yesu Kristo kpo jemi ɔ mi ɔ nɔ kulaa.

1 Petro 1:21

Nyɛ gu e nɔ he Mawu, nɔ nɛ tle lɛ si kɛ je gbeje nɛ e wo e hɛ mi nyami ɔ ye, benɛ pee nɛ nyɛ hemi kɛ yemi kɛ nyɛ hɛ kɛ nɔ fɔmi nɛ hi Mawu nɔ.

1 Petro 3:5

Ejakaa sa a, jã yi klɔuklɔu ɔmɛ hu nɛ hɛ ngɛ Mawu nɔ ɔ dla a he, nɛ a ba a he si ha mɛ nitsɛmɛ a hunomɛ;

1 Petro 3:15

se Nyɔmtsɛ Kristo ɔ, nyɛɛ bu lɛ klɔuklɔu ngɛ nyɛ tsui mi. Nyɛ dla nyɛ he ngɔ to daa nɛ, konɛ ke nɔ ko bi nyɛ hɛ kɛ nɔ fɔmi nɛ ngɛ nyɛ mi ɔ sisi ɔ, nɛ nyɛ nyɛ lɛ heto nɛ nyɛ ha; se nyɛɛ pee kɛ mi mi jɔmi kɛ bu.