1 Korintobi 8:7 - Somi He Ɔ

⁷ Se kɛ ɔ pi nihi tsuo a mi nɛ kikɛmɛ a ni lemi nɛ ɔ ngɛ. Ni komɛ ngɛ kɛ ba su mwɔnɛ nɛ a kɛ wɔhi a nɔ hemi kɛ yemi yeɔ wɔhi a nya bɔ sami niyeni, nɛ akɛnɛ a he ni lemi gbɔjɔ he je ɔ, a bleɔ lɛ.

BAIBLO ALOO NGMAMI KLƆUKLƆU Ɔ

⁷ Se pi nɔ tsuaa nɔ nɛ le anɔkuale nɛ ɔ. Kɛ ba si mwɔnɛ ɔ, ni komɛ susuɔ kaa amagahi ngɛ wami mi; a susuɔ kaa ke a ha amagahi ní ɔ, mawuhi nɛ a ha ní ɔ nɛ. Enɛ ɔ he je ɔ, ke a ye kikɛmɛ a ní ɔ, a he nile haoɔ mɛ, ejakaa a susuɔ kaa niye ní ɔ ma ble mɛ.

1 Korintobi 8:7 ပူးပေါင်းရင်းမြစ်များ

Romabi 14:14

I le, nɛ jeha nɛ hu i ngɛ nɔ he wami ngɛ Nyɔmtsɛ Yesu mi, kaa nɔ́ ko nɔ́ ko be nɛl ɛ nitsɛ e ji he blemi nɔ́ ja nɔ nɛ buu nɔ́ ko kaa he blemi nɔ́ ɔ, lɛ nɛ e plɛɛ he blemi nɔ́ kɛ haa.

Ni Tsumi 15:20

Se mohu a ngma mɛ ke a nyɛ wɔ nihi kɛ a ajuama bɔmi kɛ lohwehi nɛ a kika mɛ kɛ gbe kɛ dmuɔ.

Romabi 15:14

Se mamimɛ, imi nitsɛ hu i ngɛ he wami ngɛ nɔ ngɛ nyɛ he kaa nyɛ nitsɛmɛ tete nyɛ hyi tɔtɔɔtɔ kɛ mi mi himi, nɛ ni lemi kulaa hyi nyɛ tɔ, nɛ nyɛ nyɛɔ tuɔ munyu tsɔɔ nyɛ he hulɔ.

1 Korintobi 8:1

Jehanɛ ngɛ wɔhi a nya bɔ sami niyeni ɔmɛ a he ɔ, wa le kaa “wɔ kulaa wa le ni.” Ni lemi haa nɔ woɔ e he nɔ, se suɔmi haa nɔ nane nuu si.

1 Korintobi 8:4

Jehanɛ ngɛ wɔhi a nya bɔ sami niyeni a yemi he ɔ, wa le kaa wɔ ko wɔ ko pi nɔ́ ko ngɛ je nɛ ɔ mi, nɛ jehanɛ mawu ko mawu ko be ja Mawu kake kɛkɛ.

1 Korintobi 10:25

Nɔ́ tsuaa nɔ́ nɛ a ngɛ juae ngɛ lo jua nɔ ɔ, nyɛɛ ye; se he ni lemi he ɔ, nyɛ ko bi mi;

1 Tesalonikabi 5:14

Wa kpa nyɛ pɛɛ, mamimɛ, nyɛɛ tu munyu ngɔ tsɔɔ he jɔli ɔmɛ; nyɛɛ wo ninɛmɛ nɛ fɔɔ ɔmɛ he wami; nyɛɛ ye bua ninɛmɛ nɛ gbɔjɔ ɔmɛ; nyɛɛ to nyɛ tsui si ha nihi kulaa.