1 Korintobi 8:4 - Somi He Ɔ

⁴ Jehanɛ ngɛ wɔhi a nya bɔ sami niyeni a yemi he ɔ, wa le kaa wɔ ko wɔ ko pi nɔ́ ko ngɛ je nɛ ɔ mi, nɛ jehanɛ mawu ko mawu ko be ja Mawu kake kɛkɛ.

BAIBLO ALOO NGMAMI KLƆUKLƆU Ɔ

⁴ Lɔ ɔ he ɔ, ma suɔ nɛ ma de nɔ́ ko ngɛ kusumi lo nɛ a kɛ haa amaga a yemi he. Wa le kaa amaga daa si ha nɔ́ ko nɛ be je nɛ ɔ mi. Wa le hu kaa mawu kpa ko be ngɛ anɔkuale Mawu kake ɔ se.

1 Korintobi 8:4 ပူးပေါင်းရင်းမြစ်များ

1 Timoteo 2:5

Ejakaa Mawu kake lɛ ngɛ, kɛ Mawu kɛ nimli a mi dalɔ kake hu nɛ ji nɔmlɔ Kristo Yesu ɔ,

Efesobi 4:6

Mawu kɛ nihi kulaa a Tsɛ kake nɛ ngɛ nihi kulaa nɔ, nɛ e guu nihi tsuo mi nɛ e ngɛ nihi tsuo mi ɔ.

Marko 12:29

Yesu he lɛ nɔ ke: “Kekleekle nɔ ji: ‘Bu tue, Israel, Nyɔmtsɛ wa Mawu ɔ, lɛ ji Nyɔmtsɛ kake,

Yuda 1:25

Mawu nɛ ji ni lelɔ kake kɛ wa yi wami helɔ ngɛ Yesu Kristo wa Mawetsɛ ɔ he ɔ, lɛ a ngɔ hɛ mi nyami kɛ agboje, nɔ yemi kɛ he blɔ kulaa ngɔ ha jehanɛ kɛ daa. Amen.

1 Korintobi 8:10

Ejakaa ke nɔ ko na mo nɛ ji “ni lelɔ” ɔ kaa o hii si ngɛ wɔ piɛ mi ngɛ ni yee ɔ, anɛ pi he wami nɛ o ngɛ nɔ nɛ gbɔjɔ ɔ he ni lemi woe konɛ e ya ye wɔhi a nya bɔ sami niyeni ɔmɛ lo?

1 Korintobi 8:1

Jehanɛ ngɛ wɔhi a nya bɔ sami niyeni ɔmɛ a he ɔ, wa le kaa “wɔ kulaa wa le ni.” Ni lemi haa nɔ woɔ e he nɔ, se suɔmi haa nɔ nane nuu si.

Ni Tsumi 19:26

nɛ jeha nɛ ɔ nyɛ ngɛ hyɛe nɛ nyɛ ngɛ nue kaa, pi Efeso nɛ ɔ kɛkɛ, se mohu piɛ bɔɔ nɛ e su Asia kulaa nɛ kikɛmɛ a Paulo nɛ ɔ plɛ nihi babauu yi mi nɛ e deɔ ke: ‘Nihi nɛ a kɛ nine pee ɔ pi mawuhi ji mɛ’.

Ni Tsumi 14:15

ke: “Tsaatsɛmɛ, mɛni nyɛ ngɛ pee nɛ ɔ? wɔ hu nimli adesahi ji wɔ kaa nyɛ nɔuu, nɛ wa ngɛ sane kpakpa a fiee kɛ ngɛ nyɛ tsɔɔe, konɛ nyɛɛ kpale nyɛ se kɛ je kikɛmɛ a yakayaka ni nɛ ɔmɛ a he kɛ ba Mawu hɛkalɔ ɔ ngɔ, nɔ nɛ pee hiɔwe kɛ zugba kɛ wo kɛ nihi kulaa nɛ ngɛ a mi ɔ;

1 Timoteo 1:17

Neneene Matsɛ ɔ, nɔ nɛ gbo we, nɔ nɛ ji Mawu kake ɔ, a ngɔ bu kɛ hɛ mi nyami ngɔ ha lɛ kɛ ya neneene kɛ neneene! Amen.

Ni Tsumi 15:20

Se mohu a ngma mɛ ke a nyɛ wɔ nihi kɛ a ajuama bɔmi kɛ lohwehi nɛ a kika mɛ kɛ gbe kɛ dmuɔ.

1 Korintobi 8:11

Lɔ ɔ lɛɛ, o “ni lemi” ɔ ma nyɛ ma ha nyɛmi nɛ gbɔjɔ nɛ Kristo ba gbo ngɛ lɛ hu e he ɔ hɛ mi ma kpata.

Galatabi 4:8

Se be nɛ be ɔ mi ɔ, nyɛ li Mawu, nyɛɛ kɛ nyɛ he pee nyɔguɛhi ngɔ ha nihi nɛ pi mawu ji mɛ ngɛ a bɔmi su nya a;