1 Korintobi 6:9 - Somi He Ɔ

⁹ Anɛ nyɛ li kaa yayami peeli a nine be Mawu matsɛ yemi ɔ nɔ sue lo? Nyɛ ko ha nɛ a mlɔɔ nyɛ! Ajuama bɔli loo wɔ jali loo gba puɛli loo nyumuhi nɛ kɛ nyumuhi peɔ yakayakani,

BAIBLO ALOO NGMAMI KLƆUKLƆU Ɔ

⁹ Anɛ nyɛ li kaa yayami peeli be blɔ nya ko ngɛ Mawu matsɛ yemi ɔ mi lo? Nyɛ ko sisi nyɛ he! Yaholi, loo amaga jali, loo gba puɛli, loo nyumuhi kɛ yihi sɔuu nɛ kɛ a sibi peeɔ yakayaka ní,

1 Korintobi 6:9 ပူးပေါင်းရင်းမြစ်များ

1 Korintobi 6:10

loo juɔhi loo hɛ dooli loo da deli loo nɔ jɛli loo amim yeli a nine be Mawu matsɛ yemi ɔ nɔ sue kulaa.

Kpojemi 22:15

Se ma a se ɔ, gbe ɔmɛ kɛ nyuali ɔmɛ kɛ ya holi ɔmɛ kɛ awi yeli ɔmɛ kɛ amaga jali ɔmɛ kɛ nɔ tsuaa nɔ nɛ suɔ lakpa nɛ ngɔɔ nya a ngɛ lejɛ ɔ.

Kpojemi 21:8

Se ninɛmɛ nɛ ji sfɔli kɛ ninɛmɛ nɛ he we yi kɛ nihi nɛ peɔ ninyɛ nihi kɛ awi yeli kɛ ya holi kɛ nyuali kɛ wɔ jali kɛ lakpatsɛmɛ kulaa a, a ma na a blɔ nya ngɛ taku ɔ nɛ ngɛ tsoe kɛ la gligliigli ɔ mi, nɔ́ nɛ ji gbenɔ nɛ ji enyɔ ɔ.”

1 Korintobi 6:19

Anɛ nyɛ li kaa nyɛ nɔmlɔ tso ɔ Mumi Klɔuklɔu nɛ ngɛ nyɛ mi nɛ nyɛ na kɛ je Mawu ngɔ ɔ sɔlemi tsu ʼi, nɛ nyɛ pi nyɛ nitsɛmɛ nyɛ nɔ lo?

1 Korintobi 5:10

Pi je nɛ ɔ mi bimɛ a ti ya holi loo hɛ tsuli loo amim yeli loo wɔ jali a he munyu kulaa nɛ i ngɛ tue nɛ ɔ, ejakaa kaa mɛ jinɛ, ja nyɛ je je ɔ mi.

Hebribi 13:4

A wo gba hɛ mi nyami ngɛ nyɛ kulaa nyɛ kpɛti, nɛ a ko ble gba sa a hulɔ; se ajuama bɔli kɛ gba puɛli ɔmɛ ɔ, Mawu maa kojo mɛ.

Romabi 1:18

Ejakaa a jeɔ Mawu mi mi fumi kpo kɛ jee hiɔwe kɛ baa nimli nɛ kɛ ni yayamihi kɛ musu bɔmi tsiɔ anɔkuale ɔ blɔ ɔ kulaa nɔ,

Hebribi 12:14

Nyɛɛ bɔ mɔde nɛ nyɛɛ kɛ nihi kulaa nɛ hi si ngɛ he jɔmi mi, kɛ he tsɔmi nɛ ke nɔ ko si nɛ e be Nyɔmtsɛ ɔ nae ɔ.

1 Korintobi 15:50

Mamimɛ, nɔ́ nɛ i ngɛ tsɔɔe ji kaa, he lo kɛ muɔ nine be Mawu matsɛ yemi ɔ nɔ sue, nɛ jehanɛ puemi hu nine be nɔ́ nɛ puɛ we ɔ nɔ sue.

1 Korintobi 15:33

Nyɛ ko ha nɛ a sisi nyɛ. “Huɛ yaya bɔmi puɛɔ je mi bami kpakpa.”

1 Korintobi 3:16

Anɛ nyɛ li kaa Mawu sɔlemi tsu ji nyɛ nɛ Mawu Mumi ɔ hii nyɛ mi lo?

Hebribi 12:16

konɛ nɔ ko ko pee e he ajuama bɔlɔ, loo yaka nɔmlɔ kaa Esau nɛ jua e bi tete blɔ nya a kɛ he si kake niye ni ɔ.

Mateo 25:34

Kɛkɛ nɛ matsɛ ɔ ma de nihi nɛ ngɛ e hiɛ ɔ nɔ ɔ ke: ‘Nyɛɛ ba, nyɛ nihi nɛ ye tsɛ gbaa nyɛ, nyɛ ba ngɔ matsɛ yemi ɔ nɛ a dla to nyɛ, kɛ je je mi sisije ɔ!

1 Korintobi 5:1

Angɛ de ngɛ nyɛ he niinɛ kaa ajuama bɔmi ngɛ nyɛ kpɛti, ajuama bɔmi nɛ be majemajeli ɔmɛ a mi tete, kaa nɔ ko maa ngɔ e tsɛ yo.

Yakobo 1:16

Nyɛ ko ha nɛ a mlɔɔ nyɛ, mamimɛ nɛ i suɔ.

1 Korintobi 9:24

Anɛ nyɛ li kaa ninɛmɛ nɛ tuu fo ɔ, mɛ kulaa a tuu mohu se nɔ kake kɛkɛ nɛ naa ayekoo ni ɔ lo? Nyɛɛ tu fo ɔ ja konɛ nyɛ nine nɛ su nɔ.

Mateo 19:29

Nɛ nɔ tsuaa nɔ nɛ si wehi loo nyɛmimɛ nyumuhi loo nyɛmimɛ yihi loo tsɛ loo nyɛ loo bimɛ loo zugbahi ngɛ ye biɛ ɔ he ɔ, a maa ma lɛ nane mi totoe lafa, nɛ e ma na neneene wami.

Ni Tsumi 24:25

Se benɛ e ngɛ dami kɛ he nɔ yemi kɛ kojomi nɛ maa ba a he munyu tue ɔ, Felike ye gbeye wawɛɛ, nɛ e de lɛ ke: “Yaa lolo; se ke i na ye he deka hu ɔ, ma tsɛ mo ekohu.”

Luka 21:8

Nɛ Yesu ke: “Nyɛɛ hyɛ saminya, konɛ a ko mlɔɔ nyɛ; ejakaa nihi fuu maa ba ngɛ ye biɛ mi, nɛ a ma de ke: ‘Ami ʼi;’ kɛ jeha nɛ ɔ: ‘Be ɔ su tã.’ Nyɛ ko bu mɛ tue.

Ni Tsumi 20:32

“Nɛ jeha nɛ ɔ, mamimɛ, i ngɛ nyɛ tue kɛ ngɛ Mawu kɛ e dloomi munyu ɔ dɛ mi woe, lɛ lɛ e ngɛ he wami nɛ e kɛ ma ha nyɛ nane nɛ pi si nɛ e ngɔ wɔfase ni ɔmɛ ngɔ ha nyɛ ngɛ nihi tsuo nɛ a tsukɔ a he ɔmɛ a kpɛti.

1 Korintobi 5:11

Se jehanɛ, i ngma nyɛ ke ke nɔ ko nɛ a tsɛɛ lɛ nyɛmi ɔ ji ajuama bɔlɔ loo hɛ tsulɔ loo wɔ jalɔ loo nɔ jɛlɔ, loo da delɔ loo amim yelɔ ɔ, lɛɛ nyɛɛ kɛ lɛ ko ye ni tete.

1 Korintobi 6:18

Nyɛɛ tu ajuama bɔmi nya fo! Yayami tsuaa yayami nɛ nɔmlɔ peɔ ɔ, pi e nɔmlɔ tso ɔ mi nɛ e ngɛ; se nɔ nɛ bɔɔ ajuama a, e peɔ yayami siɔ lɛ nitsɛ e nɔmlɔ tso ɔ.

2 Korintobi 12:21

I ngɛ gbeye yee kaa ke i ba a, ye Mawu ɔ maa ba mi si ekohu ngɛ nyɛ he, nɛ ma ye kɔmɔ ha nihi nɛ pee yayami sa nɛ a tsakee we a tsui ɔmɛ a ti nihi fuu, ngɛ a mu nihi kɛ ajuama bɔmi kɛ ya homi ɔ he.

Galatabi 6:7

Nyɛ ko mlɔɔ nyɛ he: Mawu ɔ, a yi e he fɛu yaka. Ejakaa nɔ́ nɛ nɔmlɔ duɔ ɔ, kɔlɔ ɔ nɔuu e ma kpa hulɔ.

Kolosebi 3:5

Lɔ ɔ he ɔ nyɛɛ gbe nyɛ he nihi nɛ ngɛ zugba a nɔ ɔ: ajuama bɔmi, mu ni tsumi, mi mi la, akɔnɔ yaya, kɛ hɛ tsumi nɛ ji wɔ jami ɔ,

1 Yohane 3:7

Bimɛ tsɔwi, nyɛ ko ha nɛ nɔ ko nɛ mlɔɔ nyɛ. Nɔ nɛ tsuɔ dami nihi ɔ, dalɔ ji lɛ, kaa bɔ nɛ Kristo hu ji dalɔ ɔ.